ٶز حابارىمىز. يزرايل مەديالارىنىڭ 11-ايدىڭ 14-كۇنگى حابارىنا قاراعاندا، يزرايل ارمياسى گازا قالاسىنىڭ ماڭىنداعى پالەستين يسىلام قارسىلىق قوزعالىسى حاماستىڭ قىزمەت رايونىن، پارلامەنتىن، ساقشى باس شتابىن، قارۋ-جاراق جاساۋ جانە زەرتتەۋ ورتالىعىن جانە جاتتىعۋ قولباسشىلىق ورتالىعىن باسىپ العان.

 

يزرايل مەملەكەت قورعانىس ارمياسى 11-ايدىڭ 14-كۇنى يوردان وزەنىنىڭ باتىس جاعالاۋىنداعى رايوندا اسكەري ارەكەت جۇرگىزدى. تولكارەم قالاسىندا، يزرايل ارمياسى ۇشقىشسىز ۇشاقپەن جەرگىلىكتى قارۋلىلارعا شابۋىل جاسادى. پالەستين دەنساۋلىق ساقتاۋ مينيسترلىگىنىڭ ايتۋىنشا، يزرايل ارمياسى سول كۇنى يوردان وزەنىنىڭ باتىس جاعالاۋىندا پالەستيندىك 8 ادامدى اتىپ ولتىرگەن.

 

حاماس قاراماعىنداعى قارۋلى توپ حاسان بريگاداسى 11-ايدىڭ 14-كۇنى كەشتە بىلاي دەدى: ولار سول كۇنى گازا وڭىرىندە يزرايل ارمياسىنىڭ 9 اسكەرىن اتىپ ولتىردى ٴارى يزرايل ارمياسىنىڭ اۆتوموبيلدارىن كۇيرەتتى. يزرايل ۋاقىت گازەتىنىڭ حابارىنا قاراعاندا، يزرايلدىڭ وڭتۇستىك بولەگى مەن تەل-اۆيۆ قالاسى سول كۇنى گازادان اتىلعان راكاتا وعىنىڭ شابۋىلىنا ۇشىراپ، 7 ادام جارالانعان. پالەستين مەن يزرايلدىڭ جاڭا كەزەكتى كولەمدى قاقتىعىسىنىڭ ىقپالىنان گازا وڭىرىندەگى ادامگەرشىلىك داعدارىسى ۇزدىكسىز ۋشىقتى. شيفا دوحتىرحاناسى گازاداعى ەڭ ۇلكەن دوحتىرحانا، بۇل دوحتىرحانادا 11-ايدىڭ 11-كۇنىنەن باستاپ جانارزات تاقا تاۋسىلعان، گازاداعى دەنساۋلىق ساقتاۋ تاراۋلارى شيفا دوحتىرحاناسىندا 11-ايدىڭ 14-كۇنىنىڭ وزىندە 40 ناۋقاس ولگەندىگىن ايتتى. مۇنان تىس، ساناق مالىمەتىندە كورسەتىلۋىنشە، 10-ايدىڭ 7-كۇنىنەن 11-ايدىڭ 11-كۇنىنە دەيىن، گازا رايونىندا وقۋشىلاردىڭ ٴولىم-ٴجىتىم مولشەرى جوعارىلاپ، ٴار 1000 وقۋشىنىڭ بەسەۋى وسى كەزەكتى قاقتىعىستا قازا بولعان. 

 

اۋدارعان: باتىل نۇرلان ۇلى