ءوز حابارىمىز. پالەستين ءىسلام عازاۋات سوعىس ۇيىمى جەحاد جەرلىك ۋاقىت 5-ايدىڭ 18-كۇنى مالىمدەمە جاريالاپ بىلاي دەدى يزرايل ارمياسى پالەستيننىڭ يوردان وزەنىنىڭ باتىس جاعالاۋىنداعى جەنين بوسقىندار لاگەرىندەگى ءبىر تۇرعىندار عيماراتىنا اۋەدەن شابۋىل جاساپ، وسى ۇيىمعا قاراستى قارۋلى توپتىڭ ءبىر قولباسشىسىن جازىم ەتتى.

 

مالىمدەمەدە يزرايل ارمياسىنىڭ تۇرعىندار عيماراتىنا شابۋىل جاساپ، بوسقىندار مەن جاي بۇقارانى ءولىم -جىتىمگە دۋشار ەتكەندىگىن ايىپتادى. مۇنى يزرايل ارمياسىنىڭ گازا وڭىرىندەگى ارەكەتىنىڭ يوردان وزەنىنىڭ باتىس جاعالاۋىندا جالعاسۋى، توزۋگە بولمايتىن «سوعىس قىلمىسى» دەپ اتادى. تۇتقيىل شابۋىل يزرايل ارمياسىنىڭ يوردان وزەنىنىڭ باتىس جاعالاۋىنداعى ارەكەتىن اسقىندىرعاندىعىن ىسپاتتادى.

 

 گازا وڭىرىندەگى دەنساۋلىق ساقتاۋ تاراۋلارى 5-ايدىڭ 18-كۇنى بىلاي دەدى، وتكەن ءبىر كۇندە يزرايل ارمياسىنىڭ گازا وڭىرىندەگى اسكەري ارەكەتىندە 83 ادام ءولىپ، 105 ادام جارالاندى. پالەستين مەن يزرايلدىڭ وسى رەتكى قاقتىعىسىندا گازا وڭىرىندە 35 مىڭ 386 ادام ءولدى.

 

 يزرايل مەملەكەت قورعانىس ارمياسى سوعىس جاعدايى جونىندە ۇقتىرۋ جاريالاپ بىلاي دەدى  تاياۋ بىرنەشە اپتادا يزرايل ارمياسى رافانىڭ شىعىسىندا 130 دان استام پالەستين قارۋلىسىن اتىپ ءولتىردى جانە كوپتەگەن قارۋ-جاراقتاردى ولجالادى. يزرايل سوعىس كەزىندەگى بيلىك كەڭەسىنىڭ مۇشەسى گانتس 5-ايدىڭ 18-كۇنى كەشتە تەلەۆيزوردا ءسوز سويلەپ، يزرايلدىڭ زۇڭليى نيتانياحۋ باسشىلىعىنداعى قازىرگى ۇكىمەتتەن 6-ايدىڭ 8-كۇنىنەن بۇرىن سوعىستان كەيىنگى گازانى مەڭگەرۋ جوباسىن جاساپ بولۋدى تالاپ ەتتى، ۇيتپەگەندە نيتانياحۋ پارتياسىن يزرايلدىڭ شۇعىل بىرلەسكەن ۇكىمەتىنەن شەگىندىرىپ اكەتۋ كەرەك دەدى . 

 

اۋدارعان: كۇلان ىرىسباي قىزى