10-كەزەكتى دۇنيە جۇزىلىك سۋ تالقىسى اشىلدى، جۇڭگو سۋ بايلىعىن اشۋعا، قورعاۋعا جۇڭگونىڭ اقىل-پاراساتى مەن جوباسىن ارنادى
来源:جۇڭگو قازاق راديو تورابى |责编：巴特勒| 发布日期: 2024-05-20 15:16
ءوز حابارىمىز. 10-كەزەكتى دۇنيە جۇزىلىك سۋ ىستەر جايلى تالقى 10-ايدىڭ 20-كۇنى يندونەزيانىڭ بالي ارالىندا اشىلدى، تالقىدا« سۋدان ورتاق پايدالانىپ گۇلدەنۋدى جەبەۋ » نەگىزگى تاقىرىپ، سۋدىڭ حاۋىپسىزدىگى مەن سۋ كاسىبىن گۇلدەندىرۋ سياقتى ماڭىزدى كەڭەستىك تاقىرىپتار ارقاۋ ەتىلىپ، ماجىلىسكە قاتىناسقان تاراپتارعا سۋ ىستەرىن باسقارۋداعى وزىق تانىم، تاجىريبە، ساياسات، سونداي-اق سۋ ىستەرىن باسقارۋداعى الدىڭعى لەكتەگى عىلىم-تەحنيكا جايلى اۋىس-كۇيىس جاسايتىن ماڭىزدى تەكشە دايىندالادى، جۇڭگو سۋ ماسەلەسىن شەشۋگە جۇڭگونىڭ اقىل-پاراساتى مەن جۇڭگو جوباسىن ارنايدى.
10-كەزەكتى دۇنيە جۇزىلىك سۋ ىستەر جايلى تالقى 5-ايدىڭ 18-كۇنىنەن 25-كۇنىنە دەيىن يندونەزيانىڭ بالي ارالىندا وتكىزىلەدى. سۋ يگىلىگى مينيسترلىگى حالىقارالىق ەكونوميكالىق-تەحنيكالىق سەلبەستىك، اۋىس-كۇيىس ورتالىعىنىڭ مەڭگەرۋشىسى حاۋ جاۋ تانىستىرىپ بىلاي دەدى: 10-كەزەكتى دۇنيە جۇزىلىك سۋ ىستەرى جايلى تالقىدا سۋ حاۋىپسىزدىگى ماسەلەسىن شەشۋگە كۇش سالىنادى، جۇيەدەن تازا اۋىز سۋ حاۋىپسىزدىگىن جاقسارتۋ، شەشۋ جوباسىن جاساۋ، بىرلەسىپ شەشىم جاساۋ، دۇنيە ءجۇزىنىڭ سۋ حاۋىپسىزدىگىن جۇزەگە اسىرۋدىڭ باياندى دامۋدىڭ تەتىگى ەكەنىن تانىپ جەتۋ قاتارلى ماسەلەلەر تالقىلانادى.
حاۋ جاۋ بىلاي دەدى: جۇڭگو تۇتاس قوعامدا سۋ ۇنەمدەۋدى ىلگەرىلەتۋ، ەرەكشە اۋىر تاسقىن اپاتىنان ساقتانۋ، جەر استى سۋىن قالىپتان تىس اشۋدى جان-جاقتى جونگە سالۋ، وزەن-كول باستىعى ءتۇزىمىن اتقارىپ، سۋ بايلىعىن قورعاۋ سياقتى جاقتاردا مول امالياتتىق تاجىريبەلەر توپتادى، حالىقارالىق قوعامنىڭ ۇلگى الۋىنا بولادى. وسى رەتكى تالقى كەزىندە جۇڭگو سۋ يگىلىگى قۇرىلىمدارى كليمات وزگەرىسى جاعدايىندا سۋ اعارلارىن باسقارۋ سياقتى 9 مايدان بولىمشە ءماجىلىستى باستاماشىلدىقپەن ۇيىمداستىردى جانە سەلبەسىپ وتكىزدى. بۇدان سىرت، جۇڭگو تاعى 150 شارشى مەترلىك جۇڭگو سارايىن سالىپ، جۇڭگونىڭ وزەن-كولدەردىڭ ەكولوگيالىق ورتاسىن قالپىنا كەلتىرۋ، تاسقىننان ساقتانۋ ينجەنەرياسى جۇيەسىن كەمەلدەندىرۋ، زەردەلى سۋ يگىلىگى قۇرىلىسى سياقتى جاقتارداعى تابىستارى مەن امالياتىن جان-جاقتى ايگىلەدى.
اۋدارعان: كۇلان ىرىسباي قىزى
