ءوز حابارىمىز. يزرايل مەملەكەت قورعانىس ارمياسى 5-ايدىڭ 25-كۇنى حابارلاندىرۋ شىعارىپ: يزرايل ارمياسىنىڭ گازا ءوڭىرىنىڭ كوپ جەرىندەگى اسكەري ارەكەتىن جالعاستىراتىندىقتارىن ءبىلدىردى. وتكەن ءبىر كۇندە، يزرايل ارمياسى گازا ءوڭىرىنىڭ سولتۇستىگىندەگى جاپاريە قالاسىندا پالەستين قارۋلى كۇشتەرى پايدالاناتىن قىرۋار نەگىزدىك قۇرىلعىلاردىڭ كوزىن قۇرتتى.

 

 5-ايدىڭ 25-كۇنى كەشتە يزرايل ارمياسى گازا ءوڭىرىنىڭ ورتا بولەگىندەگى بوسقىندار لاگەرىنە اۋەدەن شابۋىل جاساپ ، 6 ادامدى ءولتىرىپ ، بالالاردى قامتىعان نەشە ونداعان ادامدى جارالادى. گازانىڭ وڭتۇستىگىندەگى رافاح قالاسىنىڭ شىعىسىنداعى شابىرا سوقىندار لاگەرىندە، يزرايل ارمياسىنىڭ اۋە شابۋىلىندا 3 ادام ءولىپ ، كوپ ادام جارالاندى. پالەستين تەلەگراف سەرىكتىگى سول كۇنى مالىمدەمە جاريالاپ بىلاي دەدى: يزرايل ارمياسى اسكەري ارەكەتتەرىن جالعاستىرعاندىقتان، گازا ءوڭىرىنىڭ سولتۇستىگىندەگى گازا قالاسىن قامتىعان وڭىرلەردەگى ينتەرنەتتىك قىزمەت وتەۋ جۇيەسى تۇگەلدەي ۇزىلدى.

 

 باس ستانسيا ءتىلشىسىنىڭ 5-ايدىڭ 25-كۇنگى ۇعىسۋىنا قاراعاندا، يزرايل جاق گازا وڭىرىندە سوعىستى توقتاتۋ كەلىسسوزىنىڭ كەلەسى اپتادا قايتا باستالاتىندىعىن بىلدىرگەن. يزرايل اقپار تاراۋىنىڭ جاۋاپتىسى، ا ق ش ورتالىق اقپار مەكەمەسىنىڭ باستىعى جانە كاتاردىڭ باس ۋازىرى پاريج قالاسىندا وتكىزىلگەن ماجىلىستەن كەيىن، كەلەر اپتادا بارىمتالانعانداردى ايىرباستاۋ جانە كازادا سوعىستى توقتاتۋ ماسەلەسى جونىندە پالەستين ءيسىلام قارسىلىق قوزعالىسى حاماسپەن سۇحباتتى قايتا باستاۋعا ءبىر اۋىزدان قوسىلعاندىقتارىن ايتتى. ۇعىسۋعا قاراعاندا، ەگيپەت جاقتا وسى كەلىسسوزگە قاتىناساتىن بولعان.

 

 پالەستين ءيسىلام قارسىلىق قوزعالىسى حاماستىڭ جوعارى دارەجەلى ءمانساپتىسى 5-ايدىڭ 25-كۇنى وسى جونىندە جاۋاپ قايتارىپ بىلاي دەدى: قاتىستى جاراستىرۋشى جاقتاردىڭ كازادا سوعىستى توقتاتۋ سۇحباتىن قايتا باستاۋ جونىندەگى ۇقتىرۋىن تاپسىرىپ الماعاندىقتارىن ايتىپ، حاماس جاقتىڭ يزرايلدىڭ ورتاعا قويعان قاتىستى ۇسىنىسىنا سەنبەيتىندىگىن ءبىلدىردى. ول بىلاي دەدى: حاماس بۇدان بۇرىن جاراستىرۋشى جاقتىڭ قاتىستى جوباسىنا قوسىلعان، جاڭا كەلىسسوز جۇرگىزۋدىڭ ، جاڭا جوبانى قابىلداۋدىڭ قاجەتى جوق.

 

اۋدارعان: نازار ءارىپ ۇلى