ءوز حابارىمىز. يزرايل ارمياسى 6-ايدىڭ 13-كۇنى مىنانى جاريالادى: يزرايل ارمياسى گازا ءوڭىرىنىڭ وڭتۇستىگىندەگى رافاح قالاسىندا جالعاستى «باعىتتامالى ارەكەت» ورىستەتىپ، پالەستين قارۋلىلارىمەن جاقىن ارالىقتا اتىستى ءارى ۇشقىشسىز ۇشاق پەن سوعىس ۇشاعى ارقىلى جەرگىلىكتى راكەتا بومبىسىن اتۋ الاڭىنا اۋەدەن شابۋىل جاسادى. گازا وڭىرىندەگى دەنساۋلىق ساقتاۋ تاراۋى 6-ايدىڭ 13-كۇنى مىنانى جاريالادى: وتكەن 24 ساعاتتا يزرايل ارمياسىنىڭ گازا وڭىرىندە ورىستەتكەن اسكەري ارەكەتىندە 30 ادام ءولىپ، 105 ادام جارالاندى.

 

 ليۆان ءتاڭىر پارتياسىنىڭ قارۋلىلارى 6-ايدىڭ 13-كۇنى، يزرايلدىڭ سولتۇستىك بولەگى مەن گوللاند ۇستىرتىندەگى يزرايل ارمياسىنىڭ كوپتەگەن نىساناسىن سوققىلاعاندىقتارىن، جۇيەدەن قىرۋار راكەتا بومبىسى ارقىلى يزرايلدىڭ 6 اسكەري كازارماسى مەن اسكەري بەكىنىسىن اتقىلاعاندىقتارىن، سونىمەن ءبىر ۋاقىتتا يزرايل ارمياسىنىڭ بىرنەشە اسكەري بازاسىنا ۇشقىشسىز ۇشاقتارمەن شابۋىل جاساعاندىقتارىن جاريالادى. 

 

 يزرايلدىڭ ارميا جاعى مىنانى حابارلادى: سول كۇنى 40 نەشە راكەتا بومبىسى 1 ساعات ىشىندە ليۆاننىڭ وڭتۇستىگىنەن يزرايلعا اتىلدى. بۇدان سىرت، «ۇشقىشسىز ايروپلان» دەپ قارالعان 5 ۇشۋ اسپابىنىڭ سالدارىنان يزرايلدىڭ سولتۇستىك بولەگىندە اۋە شابۋىلىنان قورعانۋ دابىلى قاعىلدى. ليۆاننىڭ وڭتۇستىك بولەگىندەگى ماجيايۇڭ قالاشىعىنىڭ ماڭى، جەجين رايونىنداعى ەشيا قالاشىعى، يالۇن قاتارلى جەرلەر 6-ايدىڭ 13-كۇنى يزرايل ارمياسىنىڭ زەڭبىرەكپەن اتقىلاۋىنا، اۋە شابۋىلىنا، اق فوسفور بومبىسىنا جانە ورتەگىش بومبىسىنا تاپ بولدى. شابۋىلدان جوعارىدا ايتىلعان جەرلەردەگى ورمان-توعايلارعا، جەمىس باقشالارىنا ءورت كەتتى. جەرگىلىكتى ۋاقىت 6-ايدىڭ 13-كۇنى كەشتە ليۆاننىڭ وڭتۇستىگىندەگى ءبىر قۇرىلىسقا يزرايل ارمياسىنىڭ اسكەري ۇشاعىنان اتىلعان باسقارىلمالى بومبى ءتيدى. حابارعا قاراعاندا، شابۋىلدان 7 بۇقارا جارالانعان. 

 

اۋدارعان: امانتاي مۇسايىپ ۇلى