ءوز حابارىمىز. يزرايل مەملەكەت قورعانىس ارمياسى جەرلىك ۋاقىت 6-ايدىڭ 16-كۇنى كەشتە مالىمدەمە جاريالاپ، يزرايلدىڭ 8 اسكەرىنىڭ سول كۇنى گازانىڭ وڭتۇستىك بولەگىندەگى رافادا تۋىلعان قوپارىلىس ۋاقيعاسىندا قازا بولعاندىعىن ايتتى. يزرايل ارمياسىنىڭ باستاپقى تەكسەرۋىنە قاراعاندا ، يزرايل ارمياسىنىڭ ءبىر ساۋىتتى اۆتوموبيل اترەتى سول كۇنى يزرايلدىڭ مەڭگەرۋىندەگى ءبىر قۇرىلىسقا بارا جاتقان جولىندا ءبىر ساۋىتتى اۆتوموبيل توسىننان قوپارىلىس جاساپ، اۆتوموبيلداعى 8 اسكەر ناق مايداندا ولگەن .

پالەستين ءىسلام قارسىلىق قوزعالىسى حاماس ۇيىمىنا قاراستى قارۋلى توپ قاساڭ بريگاداسى قوپارىلىسقا جاۋاپتى ەكەندىكتەرىن جاريالادى، قاساڭ قارۋلى كۇشتەرى سول كۇنى رافانىڭ باتىس بولەگىندە رەكاتا وعىمەن يزرايل ارمياسىنىڭ ءبىر ساۋىتتى تاسىمال اۆتوموبيلىنە شابۋىل جاساپ، يزرايل ارمياسىنىڭ كوپتەگەن اسكەرلەرى جازىم بولعان. قاساڭ بريگاداسى بىلاي دەدى: گازا قالاسىنىڭ جولدارىنا مينا كومىپ، وسى ارادان وتكەن يزرايل ارمياسىنا تۇتقيىل شابۋىل جاسايمىز، يزرايلدىڭ كوپتەگەن اسكەرلەرى جارالاندى. 

وسى كەزەكتى پالەستين مەن يزرايلدىڭ قاقتىعىسى تۋىلعاننان بەرى، يزرايل جاقتان جيىنى 658 اسكەر ءولىپ، 3800 دەن استام اسكەر جارالاندى. گازا وڭىرىندەگى دەنساۋلىق ساقتاۋ تاراۋلارى 6-ايدىڭ 15-كۇنى مىنانى حابارلادى، وتكەن جىلى 10-ايدىڭ 7-كۇنىنەن بەرى، يزرايل ارمياسىنىڭ گازا وڭىرىندەگى اسكەري ارەكەتتە پالەستيندىك 37 مىڭ 296 ادام ءولىپ، 85 مىڭ 197 ادام جارالاندى. 

 

اۋدارعان: كۇلان ىرىسباي قىزى