ءوز حابارىمىز. يزرايل ارمياسى جەرلىك ۋاقىت 6-ايدىڭ 16-كۇنى گازانىڭ ورتا بولەگىندەگى برەجي بوسقىندار لاگەرىندەگى ەكى تۇرعىندار تۇراعىن اۋدەن شابۋىلداپ ،ءبىر نارەستەنى قامتىعان جەتى ادام ءولدى ، نەشە ونداعان ادام جارالاندى . يزرايل ارمياسى سول كۇنى گازاداعى كوپتەگەن جەرلەردى اۋدەن تۇتقيىل شابۋىلدادى جانە زەڭبىرەكپەن اتقىلادى ءارى گازا ءوڭىرىنىڭ ورتا بولەگىندەگى نۋسايرايت بوسقىندار لاگەرى سياقتى جەرلەرگە دۇركىن-دۇركىن اۋەدەن شابۋىل جاسادى.

گازا دەنساۋلىق ساقتاۋ تاراۋلارى 6-ايدىڭ 16-كۇنى مالىمدەمە جاريالاپ بىلاي دەدى: وتكەن 24 ساعاتتا يزرايل ارمياسىنىڭ گازا وڭىرىندەگى اسكەري شابۋىلىندا 41 ادام ءولىپ، 102 ادامدى جارالاندى. وسى رەتكى پالەستين مەن يزرايلدىڭ قاقتىعىسىنان گازادا 37 مىڭ 300 ادام ءولدى. ليۆان جاق 6-ايدىڭ 16-كۇنى بىلاي دەدى: يزرايل مەملەكەت قورعانىس ارمياسى سول كۇنى ليۆاننىڭ وڭتۇستىك بولەگىندەگى رايوندارعا كوپتەگەن ءىرى تۇرپاتتى ورتەگىش بومبى اتقاندا، تۇتقيىل ءورت كەتىپ، كەڭ ـ بايتاق ورمان مەن ءزايتۇن باقشاسى ورتكە وراندى.

 يەمەن حۋساي قارۋلىلارىنىڭ اسكەري مالىمدەمەشىسى 6-ايدىڭ 16-كۇنى كەشتە ءسوز سويلەپ بىلاي دەدى: حۋساي قارۋلىلارى ءۇش دۇركىن شابۋىل جاسادى، قىزىل تەڭىزدەگى ا ق ش - نىڭ ءبىر قۋعىنداۋشى كەمەسى مەن ءبىر جۇك كەمەسىنە باسقارىلمالى بومبى اتىپ شابۋىل جاسادى. اراب تەڭىزىندە ءبىر جۇك كەمەسىنە ۇشقىشسىز ۇشاقپەن شابۋىلدادى. حۋساي قارۋلىلارى اسكەري ارەكەتتى ۇرتىس جالعاستىرىپ، پالەستين حالقىن قولدايدى، پالەستينگە باعىتتالعان شاپقىنشىلىق ارەكەتى توقتاعانعا دەيىن، قۇرساۋلاۋ كۇشىنەن قالدىرىلعانعا دەيىن شايقاسادى، ۇيتپەگەندە حۋساي قارۋلىلارى قاتىستى اسكەري ارەكەتتەردى توقتاتپايدى.

سوعىس توقتاتۋ كەلىسىمى تۋرالى پالەستين ءىسلام قارسىلىق قوزعالىسى حاماس ۇيىمى ساياسي بيۋروسىنىڭ باسشىسى 6-ايدىڭ 16-كۇنى بىلاي دەدى: حاماس ۇيىمى سوعىس توقتاتۋ كەلىسىمىنە كەلۋ جاعىندا اسا زور يكەمدىلىك كورسەتتى، ونىڭ ۇستىنە بۇل ۇيىمنىڭ سوعىس توقتاتۋ ۇسىنىسىنا بەرگەن جاۋابى ا ق ش زۇڭتۇڭى بايدەننىڭ سوزىمەن جانە حاۋىپسىزدىك القالار كەڭەسىنىڭ قارارىندا ايتىلعان نەگىزگى پرينسيپتەرمەن بىردەي. ول حالىقارالىق قوعامنىڭ يزرايلعا قىسىم ءتۇسىرىپ، رافا وتكەلىن قامتىعان بارلىق شەكارادان ءوتۋ تۇيىندەرىن اشۋىن ءۇمىت ەتتى، ول بىلاي دەدى: ليۆان الدىڭعى شەبى مەن باسقادا الدىڭعى شەپتەردىڭ تىنىشتىعى گازا ءوڭىرىنىڭ سوعىستى توقتاتا الۋ - الماۋىنا بايلانىستى. حاماس ۇيىمىنىڭ مالىمدەمەشىسى : حاماس سوعىس توقتاتۋ كەلىسىمى جوباسىنىڭ تەبىندى اتقارىلۋى ءۇشىن قاراپايىم وزگەرىس ەنگىزگەندىكتەرىن راستادى. ا ق ش ۇكىمەتى حاماسقا قىسىم ءتۇسىرىپ، ودان ا ق ش زۇڭتۇڭى بايدەن ورتاعا قويعان گازا وڭىرىندەگى سوعىس توقتاتۋ كەلىسىمىنىڭ ءبىرىنشى كەزەڭدىك جوباسىن قابىلداۋدى ءارى ەشقانداي وزگەرىس ەنگىزبەۋدى تالاپ ەتتى. ۇعىسۋعا قاراعاندا، گازادا سوعىس توقتاتۋ كەلىسىمى جوباسى ءۇش ساتىعا بولىنەدى، ءبىرىنشى ساتىسى 6 اپتا سوعىس توقتاتۋ ءارى يزرايلدىق بارىمتالاردى بوساتۋ قاتارلىلار.

 

اۋدارعان: كۇلان ىرىسباي قىزى