ءوز حابارىمىز. جۇڭگو ورتالىق راديو - تەلەۆيزيا باس ستانسياسى 7-ايدىڭ 2-كۇنى استانادا «تاۋ - وزەندەرى تۇتاسقان كورشى ەل سەلبەستىگىنىڭ جاڭا داستانى» تاقىرىبىندا جۇڭگو مەن قازاقستاننىڭ گۋمانيتارلىق اۋىس - كۇيىس قيمىلىن وتكىزدى. قازاقستاننىڭ زۇڭتۇڭى توقايەۆ قۇتتىقتاۋ حاتىن جولداپ، قيمىلدىڭ تولىق تابىستى بولۋىن تىلەدى ءارى ماجىلىسكە قاتىناسقان سيلى قوناقتارعا تاماشا تىلەك ءبىلدىردى.

قازاقستاننىڭ ساياسي، ەكونوميكا سالاسىنىڭ ۋاكىلدەرىنەن جانە اقپارات قۇرالدارىنان، عىلىم سالاسىنان 100 گە جۋىق ايگىلى قايراتكەر ماجىلىسكە قاتىناسىپ، قاتىستى سالالاردا قول جەتكىزگەن كوپ ءتۇرلى ناقتى ىستەر سەلبەستىگىنە كۋا بولدى، سونداي ـ اق جۇڭگو مەن قازاقستان بىرلەسىپ تۇسىرگەن «ورتاق ارمان» اتتى قۇجاتتى فيلم قويىلا باستادى.

توقايەۆ قۇتتىقتاۋ حاتىندا مىنالاردى اتاپ كورسەتتى: بۇل رەتكى قيمىل جۇڭحۋا حالىق رەسپۋبليكاسىنىڭ ءتوراعاسى شي جينپيڭ قازاقستاندا ساپاردا بولعان كەزدە وتكىزىلگەن ءارى شاڭحاي سەلبەستىك ۇيىمى باسشىلار ءماجىلىسى جۇلگەسىندەگى قيمىل بولىپ، نىشاندىق مانگە يە. گۋمانيتارلىق اۋىس ـ كۇيىس ەكى ەل حالقىن تۇتاستىراتىن دانەكەر. بۇگىنگى قيمىلدىڭ قازاقستان مەن جۇڭگونىڭ ەكى جاقتى قاتىناسىنىڭ ورنىقتى، باياندى دامۋىن ونان ارى ىلگەرىلەتەتىندىگىنە سەنەمىز. ورتالىق راديو ـ تەلەۆيزيا باس ستانسياسى قازاقستاننىڭ ساياحات جانە سپورت مينيسترلىگىمەن سەلبەسىپ تۇسىرگەن گۋمانيتارلىق دەرەكتى فيلمى «ورتاق ارمان» جۇڭگو مەن قازاقستاننىڭ گۋمانيتارلىق، كوركەمونەر، ەكولوگيا، ەكونوميكا ـ ساۋدا سياقتى جاقتارداعى سەلبەستىگىن ايگىلەپ، جاڭا داۋىردە سەلبەسىپ تەڭ يگىلىككە كەنەلۋ، تاعدىرلاس بولۋ سىندى دامۋ حيكاياسىن باياندايدى، سونداي - اق ۇرپاقتان - ۇرپاققا جالعاسقان اسەرلى دوستىعى مەن تاۋ - وزەندەرى تۇتاسقان كورشىلىك سۇيىسپەنشىلىگى ايگىلەنەدى. قيمىلدا جۇڭگو ورتالىق راديو ـ تەلەۆيزيا باس ستانسياسىنىڭ زەرتتەۋ ورنى مەن قازاقستان ەۆر ـ ازيا ۇلتتىق ۋنيۆەرسيتەتى، باس ستانسيانىڭ ازيا ـ ەۆروپا باس پۋنكتى مەن قازاق ساياحات مەملەكەتتىك سەرىكتىگى سەلبەستىكتى اناعۇرلىم تەرەڭدەتۋ توڭىرەگىندە ءبىر اۋىزدىلىققا كەلدى ءارى سەلبەستىك ەسكەرتپە حاتىن اۋىستىردى. «جۇڭگو قازاقىستان ەكونوميكا حابار تىكە لەنياسى» اتتى نىسان تەڭ ۋاقىتتا باستالدى.

 

اۋدارعان: شالقار قازەز ۇلى