ءتوراعا شي جينپيڭنىڭ اۆتورلى ماقالاسى جاريالانعان «قازاق گازەتتەرى» توبىنا قاراستى «قازاقستان پراۆدا» گازەتى 1920- جىلى قۇرىلعان، «قازاق گازەتتەرى» توبىنىڭ باس ديرەكتورى ديحان قامىزابەك ۇلى بىلاي دەدى: ءتوراعا شي جينپيڭنىڭ اۆتورلى ماقالاسىن باسۋ ءبىز جونىنەن توتەنشە ماڭىزدى قىزمەت. اۆتورلى ماقالادا قازىرگى قولامتالى ماسەلەلەر، سونداي ـ اق جۇڭگو مەن قازاقستاننىڭ ەكونوميكا، ساياسي، مادەنيەت اۋىس ـ كۇيىسى قامتىلعان. ءتوراعا شي جينپيڭ جۇڭگو مەن قازاقستاننىڭ ەكونوميكالىق سەلبەستىكتى اناعۇرلىم ىلگەرىلەتۋىنە دەم بەردى.

قازاقستاننىڭ ءار سالاسىنداعى قايراتكەرلەر بىلاي دەدى: ءتوراعا شي جينپيڭنىڭ وسى رەتكى ساپارىنىڭ ەكى ەل قاتىناسىنىڭ دامۋىن پارمەندى جەبەپ، جۇڭگو مەن قازاقستاننىڭ ماڭگىلىك جالپى بەتتىك ستراتەگيالىق سەرىكتەستىك قاتىناسىنىڭ جاڭا پاراعىن اشۋدى ىلگەرىلەتۋىن ءۇمىت ەتەمىز. 

قازاقستان سىرتقى ىستەر مينيسترلىگى سىرتقى ساياسات زەرتتەۋ ورنىنىڭ باستىعى نۇرعاليەۆ بىلاي دەدى: جۇڭگو مەن قازاقستاننىڭ جوعارى جىكتەگىلەر اۋىس ـ كۇيىسى ءجيى ءارى تىعىز، بۇل شىنىندا ادامدى قۋانتادى.ءتوراعا شي جينپيڭنىڭ وسى رەتكى ساپارى ەكى ەلدىڭ ماڭگىلىك جالپى بەتتىك ستراتەگيالىق سەرىكتەستىك قاتىناستى دامىتۋعا ءمان بەرەتىندىگىن ايگىلەدى.

قازاقستان ساۋدا جانە ءبىر تۇلعالاندىرۋ مينيسترلىگىنىڭ ورىنباسار مينيسترى تولەۋبايەۆ بىلاي دەدى: جۇڭگو قازاقستاننىڭ نەگىزگى ساۋدا سەرىگى، 2023-جىلى ەكى ەلدىڭ ساۋدا سوماسى 41 ميلليارد امەريكا دوللارىنا جەتتى. قازاقستان كولەمدى نىسانا بەلگىلەپ وتىر، جۇڭگومەن جاساسقان ساۋدا سوماسىن 100 ميلليارد دوللارعا جەتكىزۋدى ءۇمىت ەتەدى. سوندىقتان قازاقستان كوپ رەت ۋاكىلدەر ۇيىرمەسىن ۇيىمداستىرىپ، جۇڭگونىڭ ءارقايسى رايوندارىمەن سەلبەستىك ورناتتى.

«قازاقستان شارۋاشىلىق گازەتىنىڭ» باس رەداكتورى قورجىنبايەۆ بىلاي دەدى: بيىل جۇڭگونىڭ "قازاقستان ساياحات جىلى"، ءبىز جونىنەن العاندا، بۇل توتەنشە ماڭىزدى ءبىر جىل.ءبىز كوپتەگەن جۇڭگولىق ساياحاتشىلاردىڭ الماتى، استانا سياقتى كوركەم قالالارعا ساياحاتتاي كەلگەنىن كوردىك، سونىمەن بىرگە، ءبىزدىڭ ازاماتتارىمىز دا جۇڭگوعا جىيى ساياحاتتاۋدا، مەنىڭشە، جۇڭگو مەن قازاقستاننىڭ دامۋى توتەنشە كوركەم بولاشاققا يە .

 

اۋدارعان: شالقار قازەز ۇلى