ءوز حابارىمىز. جۇڭگو ورتالىق راديو-تەلەۆيزيا باس ستانسياسىنىڭ «ۇرپاقتارعا ۇلاسقان دوستىق تىڭ ساپارى» اتتى جۇڭگو مەن تاجىكستاننىڭ گۋمانيتارلىق اۋىس-كۇيىس قيمىلى جەرگىلىكتى ۋاقىت 7-ايدىڭ 5-كۇنى دۋشامبە قالاسىنداعى نوۋرىز سارايىندا وتكىزىلدى.

 

 «بىرلىكتە جۇڭگوعا نازار اۋدارايىق» اتىنداعى جۇڭگو-تاجىكستان اقپارات قۇرالدارىنىڭ بىرلەسپە تىلشىلىك قيمىلى سول كۇنى باستالدى. قيمىلدا تاجىكستاننىڭ نەگىزگى اقپارات قۇرالدارىنىڭ تىلشىلەرى جۇڭگوعا كەلىپ، قالا، اۋىل-قىستاقتاردى، تاۋ-وزەندەردى ارالاپ، تىلشىلىك ىستەۋ، كەسكىنگە الۋ، تەكسەرۋ-زەرتتەۋ سياقتى تاسىلدەر ارقىلى جۇڭحۋا وركەنيەتىنىڭ تارلان تاريحىن تۇسىنۋگە، جاڭا داۋىردەگى جۇڭگونىڭ قۇدىرەتىن سەزىنۋگە ۇسىنىس ەتىلەدى. وسى ارقىلى تاجىكستان قاۋىمىنىڭ جۇڭگو جونىندەگى تۇسىنىگى ارتتىرىلادى، ەكى ەل حالقىنىڭ دوستىعى كۇشەيتىلەدى.

 

 قيمىل ناق مايدانىندا تاجىكستان مەملەكەتتىك مۋزيكا شۋەيۋانىنىڭ وقىتۋشى-وقۋشىلارى جۇڭگونىڭ ءداستۇرلى مۋزيكا اسپابى-باربۋت جانە تاجىكستاننىڭ ۇلتتىق مۋزيكا اسپاپتارىمەن تاجىكستاننىڭ كلاسسيكالىق مۋزيكاسى «دوستىق»-تى، «جىبەك جولى سيمفونياسىن» بىرگە ورىنداپ، تاجىكستان-جۇڭگو دوستىعىنىڭ باياندى بولۋىن تىلەدى. 

 

اۋدارعان: امانتاي مۇسايىپ ۇلى