يزرايل مەملەكەت قورعانىس ارمياسى 7-ايدىڭ 15-كۇنى كەشتە مىنانى حابارلادى: يزرايل ارمياسى مولشەرمەن 20 راكەتا بومبىسىنىڭ سول كۇنى كەشتە ليۆاننىڭ وڭتۇستىك بولەگىنەن يزرايلدىڭ سولتۇستىك بولەگىنە اتىلعاندىعىن بارلاپ انىقتادى، وسى راكەتا بومبىلارىنىڭ كوبىن يزرايل ارمياسىنىڭ اۋە شابۋىلىنان  قورعانۋ جۇيەسى توسىپ قالعان، قازىرشە ءولىم-ءجىتىم جايلى مالىمەت جوق. بۇدان باسقا يزرايل ارمياسىنىڭ سوعىس ايروپلاندارى سول كۇنى ەرتەرەكتە ليۆاننىڭ وڭتۇستىك بولەگىندەگى بينتجۇبەل رايونىنا قاراستى ليۆان ءتاڭىر پارتياسىنىڭ ءبىر اسكەري قارۋ-جاراق قامباسىن اتقىلادى. يزرايل ارمياسىنىڭ سوعىس ايروپلاندارى تاعى كافارگيرا رايونىنداعى ءتاڭىر پارتياسىنىڭ ءبىر اسكەري قۇرىلعىسىن بومبىلادى. ليۆان جاقتىڭ حابارىنا قاراعاندا، يزرايل ارمياسىنىڭ بينتجۇبەلگە جاساعان شابۋىلىندا 2 ادام ءولىپ، 1 ادام اۋىر جارالانعان.

    ليۆان ءتاڭىر پارتياسى 7-ايدىڭ 15 -كۇنى مالىمدەمە جاريالاپ، ءوز قارۋلى كۇشتەرىنىڭ كافارشۋبا تاۋى مەن ليۆان - يزرايل ۋاقىتتىق شەكاراسىنىڭ يزرايل جاعىنداعى راحف-پلاتينەتتا جەرلەرىندەگى يزرايل ارمياسىنىڭ نىسانالارىنا شابۋىل جاساعاندىعىن ايتتى. 

   يراقتىڭ «ءىسىلام قارسىلىق ۇيىمى» اتىنداعى حالىق جاساقتارى 7-ايدىڭ 15-كۇنى مالىمدەمە جاريالاپ، وسى ۇيىمنىڭ سول كۇنى ۇشقىشسىز ۇشاق جانە شارلاۋشى باسقارىلمالى بومبىلارمەن  يزرايلدىڭ وڭتۇستىك بولەگىندەگى ايرات قالاسىنىڭ ومراش رايونىنا جانە يزرايلدىڭ ەڭ ۇلكەن پورتىنا شابۋىل جاساعاندىقتارىن ايتتى. 

   يەمەندەگى قۇساي قارۋلىلارى 7-ايدىڭ 15 - كۇنى مالىمدەمە جاريالاپ، سول كۇنى قىزىل تەڭىزدەگى 2 كەمەگە جانە جەر ورتا تەڭىزىندەگى 1 كەمەگە تۇتقيىل شابۋىل جاساعاندىقتارىن ايتتى. 

 

اۋدارعان: امانتاي مۇسايىپ ۇلى