ءوز حابارىمىز. حالىقارالىق وليمپيك كوميتەتىنىڭ ءتوراعاسى باح جەرلىك ۋاقىت 7-ايدىڭ 25-كۇنى تۇستە پاريجدا ورتالىق راديو-تەلەۆيزيا باس ستانسياسىنىڭ باستىعى جانە ونىڭ ساپارلاستارىمەن كەزدەستى. باح باس ستانسيانىڭ پاريج وليمپيك سپورت جارىسىن جالعاپ تاراتۋ، حابارلاۋ قىزمەتى جونىندە مۇقيات دايىندىق كورگەندەرىنە العىس ايتتى.

 

باح بىلاي دەدى: پاريج وليمپيك سپورت جارىسىنىڭ دايىندىق جۇمىستارى اياقتادى. ەسىك بەلەتى كىرىسى سياقتى كورسەتكىشتەردەن قاراعاندا، پاريج وليمپيك سپورت جارىسى توكيو وليمپيك سپورت جارىسىنان الدە قايدا اسىپ، جاڭا تاريح جاراتىلاتىندىعى ءشۇباسىز. جۇڭگو حالقى حالىقارالىق وليمپيك كوميتەتى مەن پاريج وليمپيك سپورت جارىسىنا باستان-اياق زور قولداۋ كورسەتىپ كەلەدى. ورتالىق راديو-تەلەۆيزيا باس ستانسياسىنىڭ اتقارعان ماڭىزدى رولىنا، اسىرەسە، K8 ەرەكشە تۇنىق كەسكىن جۇيەسىن پايدالانۋ جانە جاساندى زەيىن سالاسىنا قۋاتىن ۇستەۋ سياقتى جاقتاردا وليمپيك سپورت جارىسىن جالعاپ تاراتۋدىڭ جاڭا كەزەڭىن اشقاندىعىنا العىس ايتامىن.

 

ورتالىق راديو-تەلەۆيزيا باس ستانسياسىنىڭ باستىعى شىن حايشيۇڭ بىلاي دەدى: وليمپيك رۋحى مەن جۇڭحۋا دەنە تاربيە رۋحىن ساۋلەلەندىرۋ ورتالىق راديو-تەلەۆيزيا باس ستانسياسىنىڭ مىندەتى. پاريج وليمپيك سپورت جارىسىن جالعاپ تاراتۋدا، باس ستانسيانىڭ عىلىم-تەحنيكالىق قۋاتى حالىقارالىق وليمپيك كوميتەتى مەن ءار ەل كاسىپتەستەرىنىڭ قولداۋىنا يە بولدى. باس ستانسيا حالىقارالىق وليمپيك كوميتەتىمەن سەلبەستىكتى كۇشەيتىپ، وليمپيك سپورتىنىڭ تارالۋىن بىرلىكتە جەبەيدى.

 

اۋدارعان: نازار ءارىپ ۇلى