زاپوروجە يادرو ەلەكتر ستانسياسىنىڭ سۋىتۋ جۇيەسى قۇرىلعىسىنا ءورت كەتتى، رەسەي مەن ۋكراينا ءبىر - ءبىرىن جازعىرادى
来源:جۇڭگو قازاق راديو تورابى |责编：巴特勒| 发布日期: 2024-08-12 14:53
ءوز حابارىمىز: جەرلىك ۋاقتى 8-ايدىڭ 11-كۇنى رەسەي جاق تاعايىنداعان زاپوروجە رايونىنىڭ جاۋاپتىسى يەفۋگەني باليتسكي بىلاي دەدى: ۋكراينا ارمياسى سول كۇنى زاپوروجە يادرو ەلەكتر ستانسياسى ورنالاسقان ەنەرگودار قالاسىن زەڭبىرەكپەن اتقىلاپ، زاپوروجە يادرو ەلەكتر ستانسياسىنىڭ سۋىتۋ جۇيەسى قۇرىلعىسىنا ءورت كەتتى.
ول مىنانى باسا دارىپتەدى: قازىر يادرو ەلەكتر ستانسياسىنداعى التى گەناراتور شوعىرى سۋىق كۇيدە تۇر ، قوپارىلىس جاساۋ جانە باسقالاي زارداپ تۋىلۋ حاۋپى جوق ، يادرو ەلەكتر ستانسياسى مەن ەنەرگودار قالاسىنىڭ ماڭىنداعى رادياتسيا مولشەرى قالىپتى كۇيدە.
رەسەي شۇعىل جاعدايعا توتەپ بەرۋ تاراۋىنىڭ قىزمەتكەرلەرى ءورت اپاتى تۋىلعان ناق مايدانىندا ءورتتى وشىرۋدە ، قازىر جاعداي مەڭگەرىلدى، يادرو ەلەكتر ستانسياسى مەن ونىڭ ماڭىنداعى تۇرعىندارعا ەشقانداي اسەر جاسامايدى.
رەسەي سىرتقى ىستەر مينيسترلىگىنىڭ مالىمدەمەشىسى زاحاروۆا ۋكراينانىڭ بۇل ارەكەتى ەۆروپا قۇرلىعىنا يادرولىق جاقتان قۇقاي كورسەتۋ ەكەندىگىن ايتتى.
ۋكراينانىڭ زۇڭتۇڭى زەلەنسكي الەۋمەتتىك تەكشەدە بىلاي دەدى: رەسەي جاق زاپوروجە يادرو ەلەكتر ستانسياسى وڭىرىندە ءورت قويدى، قازىر يادرو ەلەكتر ستانسياسىنىڭ رادياتسيا كورسەتكىشى قالىپتى كۇيدە.
زەلەنسكي تاعى بىلاي دەدى: قازىر ۋكراينا دۇنيە ءجۇزى مەن حالىقارالىق اتوم ەنەرگياسى قۇرىلىمىنىڭ اڭىسىن كۇتۋدە. رەسەي بۇل وقيعاعا جاۋاپتى بولۋى كەرەك.
اۋدارعان: نازار ءارىپ ۇلى
