حاماسقا قاراستى اسكەري توپ-قاسان بريگاداسى 8-ايدىڭ 13-كۇنى تۇستەن كەيىن ەكى M90 تۇرپاتتى باسقارىلمالى بومبىمەن يزرايلدىڭ تەل-اۆيۆ جانە توڭىرەگىندەگى جەرلەرگە تۇتقيىل شابۋىل جاساعاندىعىن جاريالادى. يزرايل ارمياسى باسقارىلمالى بومبىنىڭ اتىلعان جەرى حان يونس ماڭى دەپ قارادى. وسى رەت تەل-اۆيۆتىڭ شابۋىلعا ۇشىراعاندىعىنا اڭىس قايتارۋ ءۇشىن، يزرايل ارمياسى 8-ايدىڭ 13 - كۇنى كەشتە حان يونستاعى تۇرعىندارعا تاعى دا "شەگىنۋ بۇيرىعىن" جاريالادى. 

   ب م ۇ - نىڭ تاياۋ شىعىس پالەستين بوسقىندارىن قۇتقارۋ جانە قۇرىلىس باسقارماسىنىڭ 8-ايدىڭ 13 - كۇنگى حابارىنا قاراعاندا، يزرايل ارمياسى اتالمىش شەگىنۋ بۇيرىعىن ۇزدىكسىز جاريالاعان جاعدايدا، گازا وڭىرىندەگى پاناسىز قالۋ تراگەدياسى تاعى ءبىر رەت تۋىلىپ، بۇكىل وڭىردەگى %84 كە جۋىق رايون يزرايل ارمياسىنىڭ اتالمىش شەگىنۋ ەسكەرتۋىن تاپسىرىپ العان. 

   گازا وڭىرىندەگى دەنساۋلىق ساقتاۋ تاراۋىنىڭ ايتۋىنشا، 8-ايدىڭ 9 - كۇنى تۋىلعان ەگىز بالا يزرايل ارمياسىنىڭ وسى ايدىڭ 13 - كۇنى قوزعاعان اۋە شابۋىلىندا وق ءتيىپ ولگەن. بىلتىر 10 - ايدىڭ 7 - كۇنى پالەستين مەن يزرايلدىڭ جاڭا كەزەكتى قاقتىعىسى باستالعاننان قازىرگە دەيىن، گازا وڭىرىندە 115 نارەستە سوعىس سالدارىنان قازا بولدى.  

   ا ق ش - تىڭ مەملەكەت ىستەر حاتشىسى بلينكەن 8-ايدىڭ 13 - كۇنى يزرايلعا قۇنى 20 ميلليارد امەريكا دوللارىنان اساتىن اسكەري قارۋ - جاراقتاردى ساتىپ بەرۋدى بەكىتتى. 

  

اۋدارعان: امانتاي مۇسايىپ ۇلى