ءوز حابارىمىز. رەسەي مەن ۋكراينا 8-ايدىڭ 16-كۇنى كوپتەگەن سوعىس شەپتەرىندە قيان-كەسكى شايقاس جۇرگىزدى. كەزەكتە رەسەي مەن ۋكراينانىڭ رەسەيدىڭ شەكارا وڭىرىندەگى كۋرسكي وبىلىسىنداعى قيان-كەسكى شايقاسىنىڭ جالعاسقاندىعىنا 11 كۇن بولدى. رەسەي مەملەكەت قورعانىس مينيسترلىگى 8-ايدىڭ 16-كۇنى بىلاي دەدى: رەسەي ارمياسى دونەتسكي قاتارلى كوپ جەردە ۋكراينا ارمياسىنىڭ نىسانالارىنا سوققى بەردى. رەسەي ارمياسى ۋكراينانىڭ سۋمەي وبىلىسىنداعى ەكى حايماس راكاتا بومبى جۇيەسىن جانە قىرۋار وق-دارىلەرىن قيراتىپ، ا ق ش-تا جاسالعان بىرنەشە باسقارىلمالى بومبى مەن راكاتانى توسىپ قالدى ءارى ۋكراينا ارمياسىنىڭ كوپتەگەن ۇشقىشسىز ۇشاقتارىن اتىپ ءتۇسىرىپ، ۋكراينانىڭ بىرنەشە شوفەرسىز قايىعىن سۋعا باتىردى. ۋكراينا جاق بىلاي دەدى: ۋكراينا ارمياسى سول كۇنى پوكروۆسكي، حاركوۆ قاتارلى باعىتتاردا رەسەي ارمياسىمەن شايقاس جۇرگىزدى. ۋكراينا ارمياسى رەسەي ارمياسىنىڭ كوپتەگەن تانكى، ساۋىتتى سوعىس ماشينالارى جانە ۇشقىشسىز ۇشاق سياقتى جابدىقتارىن تالقاندادى.