ءوز حابارىمىز. يزرايل قورعانىس ارمياسى جەرلىك ۋاقىت 8-ايدىڭ 16-كۇنى كەشتە شەگىنۋ بۇيرىعىن جاريالاپ، گازانىڭ سولتۇستىگىندەگى بەتحەن رايونىنداعى پالەستيندىك بۇقارانىڭ وسى رايوننان شەگىنۋىن تالاپ ەتتى. بۇل يزرايل مەملەكەت قورعانىس ارمياسى سول كۇنى جاريالاعان ادامداردى ەكىنشى كەزەكتى شەگىندىرۋ بۇيرىعى. سول كۇنى تاڭ سارى دە يزرايل مەملەكەت قورعانىس ارمياسى گازانىڭ وڭتۇستىگىندەگى حانيۋنيستىڭ سولتۇستىگى مەن داربايراحتىڭ شىعىسىنداعى پالەستيندىكتەرگە قاراتا جاڭا شەگىنۋ بۇيرىعىن ءتۇسىرىپ، يزرايل بەلگىلەگەن «ادامگەرشىلىك رايونىنىڭ» كولەمىن ونان ارى تارايتتى.

 

 يزرايل ارمياسىنىڭ جاۋاپتىسى بىلاي دەدى: پالەستين قارۋلى كۇشتەرى «ادامگەرشىلىك رايونىنان» پايدالانىپ تەررورلىق ارەكەت جۇرگىزگەندىكتەن ءارى يزرايلعا وسى وڭىرلەردەن راكاتامەن شابۋىل قوزعاعاندىقتان، تۇرعىنداردىڭ وسى وڭىردە جالعاستى تۇرۋى قاتەرلى كۇيگە ءتۇستى. يزرايل ارميا جاعى پالەستين ءسىلام قارسىلىق قوزعالىسى حاماسقا سوققى بەرۋدى جوسپارلاۋدا، سوندىقتان كوپتەگەن كوشە مەن وڭىرلەر ادامگەرشىلىك رايونىنىڭ بىر بولەگى دەپ قارالمايتىن بولدى.

 

 ب م ۇ-نىڭ تاياۋ شىعىس قۇتقارۋ ينجەنەريا باسقارماسىنىڭ جاۋاپتىسى بىلاي دەدى: يزرايلدىڭ جاريالاعان وسى جاڭا شەگىنۋ بۇيرىعى سوعىس ازابىن ابدەن تارتقان رايونداردى تىپتى دە ۇرەيلى كۇيگە باتىردى، كەزەكتە گازا وڭىرىندەگى تۇرعىنداردىڭ بارار جەر، باسار تاۋى قالمادى.

 

گازادا سوعىس توقتاتۋدىڭ جاڭا كەزەكتى كەلىسسوزى 8-ايدىڭ 16-كۇنى دوحادا جالعاستى وتكىزىلدى. كاتار، ا ق ش جانە ەگيپەت ەلدەرى بىرلەسكەن مالىمدەمە جاريالاپ، كەلىسسوزدىڭ «سىندارلى» سيپاتقا يە ەكەندىگىن ايتتى. حاماس جاق بىلاي دەدى: دوحادا وتكىزىلگەن گازادا سوعىس توقتاتۋدىڭ جاڭا كەزەكتى كەلىسسوزىنىڭ ناتيجەسى حاماستىڭ وسىدان بۇرىن تاپسىرىپ العان ا ق ش-نىڭ زۇڭتۇڭى بايدەننىڭ ۇسىنىسىن نەگىز ەتكەن جوبامەن ۇقسامايدى. گازا وڭىرىندە جالپى بەتتىك سوعىس توقتاتۋدى جۇزەگە اسىرۋ، مەكەنىنەن ايىرىلعانداردىڭ مەكەنىنە ورالۋىنا جول قويۋ، گازا ءوڭىرىن قايتا قۇرۋ جانە بارىمتالاردى اۋىستىرۋ سياقتى مازمۇندار قامتىلعان ءارقانداي كەلىسىمنىڭ تۇكتە ءمانى جوق.

 

حاماستىڭ جوعارى دارەجەلى ءمانساپتىسى حامدان بىلاي دەپ سىندادى: گازاداعى سوعىستى توقتاتۋ كەلىسسوزىن جاراستىرۋشى جاقتارى الاۋىزدىقتى قالاي شەشۋ جولىن تالقىلاۋدا، ال يزرايل جاق ءتىپتى دە كوپ جاڭا شارتتاردى ورتاعا قويىپ، كەلىسسوزدىڭ اياق الىسىن بۇلدىرمەكشى بولدى.

 

اۋدارعان: نازار ءارىپ ۇلى