ءوز حابارىمىز. مەملەكەت ءتوراعاسى شي جينپيڭ جەرگىلىكتى ۋاقىت 11-ايدىڭ 17-كۇنى برازيليانىڭ «سان-پاۋلو گازەتىندە» « سوناۋ قيىر شالعايدان سۇيەنىش قول ارتامىز، تاعدىرلاس بوپ تەڭىزدە تولقىن جارا تارتامىز» دەگەن تاقىرىپتا اۆتورلى ماقالا جاريالادى. برازيليانىڭ ءار سالا قايراتكەرلەرى بىلاي دەستى: ءتوراعا شي جينپيڭنىڭ اۆتورلى ماقالاسىندا ديپلوماتيالىق قاتىناس ورناتقان 50 جىلدان بەرى ەكى ەلدىڭ باسىپ وتكەن شۇعىلالى بارىسى تولىق تۇراقتاندىرىلىپ، جۇڭگو-برازيليا دوستىعىنىڭ جالپى بەتالىسىن مىقتى يگەرۋ، جۇڭگو-برازيليا ءوزارا ءتيىمدى سەلبەستىگىنىڭ جاڭا قوزعاۋشى قۋاتىن جەتىلدىرۋ، جۇڭگو-برازيليا حالىقتارىنىڭ دوستىق نەگىزىن بەكەمدەۋ العا قويىلدى، بۇل ەكى ەل قاتىناسىنىڭ جاڭا التىن 50 جىلعا قادام تاستاۋىنا جەتەكشىلىك ەتەدى.

 

برازيليانىڭ سان-پاۋلو گازەتى حالىقارالىق حابارلار بەتىنىڭ باس رەداكتورى جۋليانو ماچادو بىلاي دەدى: جۇڭگو باسشىسىنىڭ سان-پاۋلو گازەتىندە جاريالاعان اۆتورلى ماقالاسى ءبىز ءۇشىن توتەنشە ماڭىزدى، ءتوراعا شي جينپيڭنىڭ ماقالاسىندا كوپتەگەن ماڭىزدى تاقىرىپتار تىلگە تيەك ەتىلىپ، برازيليا مەن جۇڭگونىڭ مۇراتتاس دوستىعى بايىمدالدى، سونداي-اق دۇنيە جۇزىنە جۇڭگونىڭ ورنىقتى، سەنىمدى سەرىك رەتىندەگى بەلسەندى سيگنالى جەتكىزىلدى. ءتوراعا شي جينپيڭنىڭ 20 ەل توبى باسشىلار ماجىلىسىنە قاتىناسۋى ءارى برازيليادا ساپاردا بولۋى جۇڭگونىڭ وركەندەۋ جولىنداعى ەلدەرمەن سەلبەستىگىن ىلگەرىلەتۋگە ءمان بەرەتىندىگىن ايگىلەيدى، برازيليا-جۇڭگو قاتىناسى جونىنەن العاندا، بۇل ەكى جاققا دا پايدالى.

 

برازيليا جۇڭگو دوستىق قوعامىنىڭ ءتوراعاسى ەنريك نوبرەگا بىلاي دەدى: ءتوراعا شي جينپيڭنىڭ اۆتورلى ماقالاسىنداعى «تولقىن جارۋشىلار» مەن «تولقىن قۋۋشىلار» دەگەن تەڭەۋىن ەرەكشە قۇپتايمىن، بۇگىنگى تاڭداعى الەمدىك سىن-سايىستارعا قاراتا، برازيليا مەن جۇڭگو سىندى شىعىس، باتىس جارتى شارداعى دامۋ ۇستىندەگى ەكى ءىرى ەل اناعۇرلىم تىعىز سەلبەسىپ، دوستىقتى پارمەندى دامىتۋى كەرەك، بۇل ءبىزدىڭ برازيليا-جۇڭگو دوستىق قوعامىنىڭ بورىشى، ءتوراعا شي جينپيڭنىڭ ەكى ەل قاتىناسىنا ءمان بەرۋى كەلەلى ماڭىزعا يە بولىپ، ەكى ەل قاتىناسىن ونان ارى تەرەڭدەتىپ، تىزە قوسا العا باسىپ، ءوزارا پايدا جەتكىزىپ، ورتاق يگىلىككە كەنەلتۋگە باستايدى.

 

برازيليا زۇڭتۇڭ سارايى قۇرىلىم قاتىناسى حاتشىلار باسقارماسىنىڭ باستىعى الەكساندر پاديليا بىلاي دەدى: جۇڭگو مەن برازيليا توتەنشە ماڭىزدى سەرىك، بيىل ەكى ەلدىڭ ديپلوماتيالىق قاتىناس ورناتقاندىعىنىڭ 50 جىلدىعى، ءبىز وسى ساتتەردى قۇتتىقتاعانىمىزعا توتەنشە قۋانىشتامىز، ءبىز ءتوراعا شي جينپيڭنىڭ 20 ەل توبى باسشىلار ماجىلىسىنە قاتىناسۋىن ءارى برازيليادا مەملەكەتتىك ساپاردا بولۋىن ءۇمىت ەتەمىز، ەكونوميكا، مادەنيەت، عىلىم جانە وڭىرلىك ءبىر تۇلعالانۋ سياقتى سالالارداعى سەلبەستىكتى كەڭەيتۋدى تىلەيمىز. 

 

اۋدارعان: كۇلان ىرىسباي قىزى