جەرگىلىكتى ۋاقىت 12-ايدىڭ 2-كۇنى يزرايل مەملەكەت قورعانىس ارمياسى سوعىس حابارىن جاريالاپ بىلاي دەدى: سوڭعى ەكى كۇندە يزرايل ارمياسى ليۆاننىڭ وڭتۇستىگىندە ۇزدىكسىز ارەكەت ورىستەتىپ، ليۆان ءتاڭىر پارتياسىنىڭ كوپ رەتكى ارەكەتىنە اڭىس قايتاردى.

 

سول كۇنى ليۆان ءتاڭىر پارتياسى مالىمدەمە جاريالاپ، يزرايل سوعىس توقتاتۋ كەلىسىمىنە تالاي رەت قايشىلىق جاساعاندىقتان، ءتاڭىر پارتياسى سول كۇنى كافارشۋبا تاۋىندا تۇراتىن يزرايل قورعانىس ارمياسىنا ەسكەرتۋ سيپاتتى اڭىس قايتاردى. بۇل وتكەن اپتادا سوعىس توقتاتۋ كەلىسىمى كۇشكە يە بولعاننان بەرى ليۆاننىڭ تۇڭعىش رەت زەڭبىرەكپەن اتقىلاۋى.

 

بۇل جونىندە يزرايل زۇڭليى نەتانياحۋ مالىمدەمە جاريالاپ، يزرايل سوعىستى توقتاتۋدى ۇزدىكسىز اتقارادى، ءبىراق ليۆان ءتاڭىر پارتياسىنىڭ بۇل ارەكەتىنە پارمەندى قارىمجى قايتارادى دەدى. ليۆان مەملەكەتتىك حابار اگەنتتىگىنىڭ حابارىنا قاراعاندا، يزرايل ارمياسى 12-ايدىڭ 2-كۇنى كەشتە سوعىس ايروپلاندارىمەن ليۆيانىڭ وڭتۇستىگىندەگى كوپتەگەن رايوندارعا اۋەدەن شابۋىل جاساعان. يزرايل ارمياسى: بىلتىر 10-ايدىڭ 7-كۇنى حاماس بارىمتالاعان ءبىر يزرايل ارمياسىنىڭ قازا بولعاندىعىن راستادى. وسى كەزەكتى پالەستين مەن يزرايلدىڭ قاقتىعىسى تۋىلعاننان بەرى، يزرايل ارمياسىنان قازا بولعاندار 808 ادامعا جەتتى.

 

حاماس 12-ايدىڭ 2-كۇنى كەشتە حابار جاريالاپ بىلاي دەدى: يزرايل بارىمتالاعان 33 ادام يزرايل ارمياسىنىڭ گازا وڭىرىندەگى اسكەري ارەكەتىندە ءولدى نەمەسە دەركسىز كەتتى. 

 

اۋدارعان: كۇلان ىرىسباي قىزى