ناچار ئۇچۇرلارنى پاش قىلىش: mzjubao@cnr.cn

ەل ٴىشى حابارلارى

شي جينپيڭ بولعاريا، رۋمينيا، چەح، سلوۆاكيا، ۆەنگريا جانە پولشا سىندى 6 ەلدىڭ باسشىلارىمەن ديپلوماتيالىق قاتىناس ورناتىلعاندىعىنىڭ 70 جىلدىعى جونىندە ٴوزارا قۇتتىقتاۋ تەلەگرامما جولدادى، لي كىچياڭ مەن 6 ەلدىڭ زۇڭليلارى ٴوزارا قۇتتىقتاۋ تەلەگرامما جولدادى

来源:جۇڭگو قازاق راديو تورابى     |责编:阿依娜古丽|     发布日期: 2019-10-08 09:44

 

ءوز حابارىمىز: 10-ايدىڭ 4-كۇنىنەن 7-كۇنىنە دەيىن، مەملەكەت ٴتوراعاسى شي جينپيڭ بۇلعاريا، رۋمينيا، چەح، سلوۆاكيا، ۆەنگريا جانە پولشا سىندى 6 ەلدىڭ باسشىلارىمەن جەكە-ەكە ءوزارا قۇتتىقتاۋ تەلەگرامما جولداپ، جۇڭگونىڭ وسى 6 ەلمەن ديپلوماتيالىق قاتىناس ورناتقاندىعىنىڭ 70 جىلدىعىن قۇتتىقتادى.


    شي جينپيڭ جۇڭگو ۇكىمەتى مەن جۇڭگو حالقى اتىنان التى ەل ۇكىمەتى مەن حالقىن شىنايى قۇتتىقتادى جانە ىزگى تىلەك ٴبىلدىردى. شي جينپيڭ مىنالاردى انىق ايتتى: جوعارىداعى 6 ەل ـ جاڭا جۇڭگونى ەڭ ەرتە مويىنداعان ٴارى ديپلوماتيالىق قاتىناس ورناتقان توپتاعى ەلدەر. ديپلوماتيالىق قاتىناس ورناتقان 70 جىلدان بەرى، جۇڭگو 6 ەلمەن ٴوزارا قۇرمەت ەتۋ، تەڭ مامىلە جاساۋ، ٴوزارا پايدا جەتكىزە ورتاق يگىلىكتەنۋ پرينسيبى بويىنشا ەكى جاقتى قاتىناستىڭ ۇزدىكسىز دامۋىن جەبەپ، جۇڭگوعا جانە 6 ەل حالقىنا ناقتى پايدا جەتكىزدى. قازىر ەكى جاقتىڭ جوعارى جىكتەگىلەر بارىس-كەلىسى جيىلەپ، ٴتۇرلى سالاداعى ٴوزارا تيىمدى سەلبەستىگىنىڭ تابىسى مول، گۋمانيتارلىق اۋىس-كۇيىسى باي مازمۇندى بولۋدا. جاڭا داۋىردە جۇڭگونىڭ التى ەلمەن قاتىناسى تىڭ دا اناعۇرلىم كەڭ بولاشاققا يە بولىپ وتىر. مەن التى ەلمەن قاتىناستى دامىتۋعا ايرىقشا ٴمان بەرەمىن، التى ەل باسشىلارىمەن ورتاق قۇلشىنىپ، ديپلوماتيالىق قاتىناس ورناتىلعاندىعىنىڭ 70 جىلدىعىن جاڭا باستاما ەتىپ، «ٴبىر بەلدەۋ، ٴبىر جولدى» ورتاق قۇرۋ جانە جۇڭگو-ورتا، شىعىس ەۆروپا ەلدەرىنىڭ سەلبەستىك ورايىنان ويداعىداي پايدالانىپ، ٴداستۇرلى دوستىق سەلبەستىك قاتىناسىن تىڭ ساتىعا كوتەرۋدى ىلگەرىلەتۋدى قالايمىن.


    6 ەل باسشىلارى بىلاي دەدى: 70 جىلدان بەرى، ٴارقايسى ەلدەر مەن جۇڭگونىڭ ەكى جاقتى قارىم-قاتىناسى ۋاقىت پەن حالىقارالىق اۋمالى-توكپەلى جاعدايدىڭ سىنىنان ٴوتىپ، باياندى ىلگەرىلەۋشىلىككە جانە مول تابىسقا قول جەتكىزدى. 6 ەل جۇڭگونىڭ وسىزامانداندىرۋ قۇرىلىسى مەن جۇڭگو ارمانىن جۇزەگە اسىرۋ بارىسىندا قول جەتكىزگەن شۇعىلالى تابىستارىن بارىنشا القايدى، جۇڭگومەن قاتىناستى دامىتۋعا وسكەلەڭ ٴمان بەرەدى، ٴداستۇرلى دوستىقتى قاستەرلەيدى، جۇڭگومەن ەكى جاقتى اۋىس-كۇيىس پەن سەلبەستىكتى جالپى بەتتىك كۇشەيتۋدى، «ٴبىر بەلدەۋ، ٴبىر جولدى» ورتاق قۇرۋدى جانە جۇڭگو ـ ورتا، شىعىس ەۆروپا ەلدەرى سەلبەستىگىنىڭ ۇزدىكسىز دامۋىن ىلگەرىلەتۋدى قالايدى.


    مەملەكەتتىك كەڭەستىڭ زۇڭليى لي كىچياڭ 6 ەلدىڭ زۇڭليىمەن جەكە-جەكە ءوزارا قۇتتىقتاۋ تەلەگرامما جولدادى. لي كىچياڭ بىلاي دەدى: جۇڭگو 6 ەلمەن ديپلوماتيالىق قاتىناس ورناتىلعاندىعىنىڭ 70 جىلدىعىن وراي ەتىپ، ساياسي سەنىمدىلىكتى تەرەڭدەتىپ، ەكى جاقتىڭ ٴار سالاداعى ناقتى سەلبەستىگىن ىلگەرىلەتىپ، «ٴبىر بەلدەۋ، ٴبىر جولدى» ورتاق قۇرۋدى، جۇڭگو-رتا شىعىس ەۆروپا ەلدەرى سەلبەستىگىن، جۇڭگو-ەۆروپا وداعى سەلبەستىگىن ىلگەرىلەتۋدە اناعۇرلىم زور ىلگەرىلەۋشىلىككە قول جەتكىزىپ، ٴوزارا تيىمدىلىك جاساپ، كوپ يگىلىككە كەنەلۋدى اناعۇرلىم ويداعىداي جۇزەگە اسىرۋدى قالايدى. 6 ەلدىڭ زۇڭليلەرى بىلاي دەدى: جۇڭگومەن ناقتى سەلبەستىك دەڭگەيىن ۇزدىكسىز جوعارىلاتىپ، ەكى جاقتى قاتىناستى جانە جۇڭگو-ورتا شىعىس ەۆروپا ەلدەرى سەلبەستىگىنىڭ جارقىن بولاشاعىن بىرگە جاراتۋدى قالايمىز.


اۋدارعان: قاناتبەك جۇماباي ۇلى

中央广播电视总台 央广网 版权所有