ناچار ئۇچۇرلارنى پاش قىلىش: mzjubao@cnr.cn

ەل ٴىشى حابارلارى

وتان قۇشاعىنا ورالۋدىڭ الدى-ارتىنداعى حيكايالاردى تاماشا اڭگىمەلەپ، وتاندى، اۋمىندى ٴسۇيۋ رۋحىن ويداعىداي جالعاستىرايىق

来源:جۇڭگو قازاق راديو تورابى     |责编:阿依娜古丽|     发布日期: 2019-10-09 09:20


    شينحۋا اگەنتتىگىنىڭ حابارى: قارتتاردى قادىرلەۋ مەرەكەسى كەلۋ قارساڭىندا، مەملەكەت ءتوراعاسى شي جينپيڭ 10-ايدىڭ 6-كۇنى اۋمىن كورشىلەستەر باس قوعامىنىڭ ييجۇن ورتالىعىنداعى اقساقالداردان ۇيىمداسقان مىندەتى قىزمەت وتەۋ گرۇپپاسىنداعى 30 كارياعا جاۋاپ جازىپ، ولاردان ىقىلاستى حال سۇرادى جانە شابىتتاندىردى، سونىمەن بىرگە، بۇكىل مەملەكەتتەگى قارتتاردىڭ ساۋ-سالەمەت، ۇزاق جاساپ، باقىتتى ءومىر وتكىزۋلەرىن تىلەدى.


    ءتوراعا شي جينپيڭنىڭ مەيىرگە تولى جاۋاپ حاتى اۋمىن كورشىلەستەر باس قوعامىنىڭ يجۇن ورتالىعىنداعى مىندەتتى قىزمەت وتەۋ گرۋپپاسىنداعى قارتتار اراسىندا، اۋمىننىڭ قارتتاردى كۇتىمدەۋ، قوعامدىق قىزمەت وتەۋ سالاسىندا جانە قوعامداعى ٴار سالادا كۇشتى اڭىس قوزعادى . ولار ٴتوراعا شي جينپيڭنىڭ اۋمىنداعى قارتتارعا دەگەن قامقورلىعى مەن ىزگى تىلەگىنە العىس ايتىپ، اۋمىن جاستارىنا، ٴسوز جوق، وتان قۇشاعىنا ورالۋدىڭ الدى-ارتىنداعى اڭگىمەلەردى كوبىرەك ايتىپ، وتاندى، اۋمىندى ٴسۇيۋ رۋحىن ويداعىداي جالعاستىرىپ، اۋمىننىڭ قارتتاردى كۇتىمدەۋ، قوعامدىق قىزمەت وتەۋىن ۇزدىكسىز ويداعىداي ىستەپ، جاقسى تاجىريبەلەر مەن ادىستەردى گۋاڭدۇڭ-شياڭگاڭ-اۋمىن ۇلكەن شىعاناق رايونىنا جالپىلاستىراتىندىعىن ٴبىلدىردى.


    يجۇن ورتالىعىنىڭ حاتكەرلىك وقىتۋشىسى ما تىڭ قۋانىشتى بەينەدە بىلاي دەدى: ٴتوراعا شي جينپيڭنىڭ جاۋاپ حاتىن وقىعاننان كەيىن تەرەڭ اسەر الدىم، وتان كوركەيسە، اۋمىن كوركەيەدى؛ وتان قۇدىرەتتەنسە، اۋمىن قۇدىرەتتەنەدى، سوندىقتان قىزمەتتەردى ءتىپتى دە قۇلشىنا جاقسى ىستەۋ كەرەك . اۋمىنداعى قارتتار وتە باقىتتى، ەمدەلۋ مەن كۇتىمدەۋدە قوسىمشا قاراجات بەرىلەدى، تۇرعىن ٴۇي دە قامتاماسىزداندىرىلدى. ءبىز وتاندى، اۋمىندى ٴسۇيۋ رۋحىن ۇرپاقتان ـ ۇرپاققا جالعاستىرۋىمىز، وتانىمىزدىڭ 70 جىلدىق دامۋى شىنىندا وڭاي ەمەس ەكەندىگىن بارلىق جاستارعا ٴسوزسىز ۇعىندىرۋىمىز كەرەك.


    چىن يۇيليان ەسىمدى اقساقال تەبىرەنە بىلاي دەدى: ٴتوراعا شي جينپيڭ بىزدەن وتاندى، اۋمىندى ٴسۇيۋ رۋحىن جالعاستىرۋدى تالاپ ەتتى، ٴبىز بۇل جاعىندا ونەگە كورسەتۋىمىز كەرەك، مەنىڭ نەمەرە قىزىم دا اۋمىندا مىندەتتى قىزمەت وتەۋ جۇمىسىنا بەلسەنە ات سالىسۋدا.


    اۋمىن كورشىلەستەر باس قوعامىنىڭ باس القاسى ۋ شياۋلي بىلاي دەدى: ٴتوراعا شي جينپيڭ اۋمىنداعى اقساقالدارعا كوڭىل ٴبولىپ، قامقورلىق جاسادى، اۋمىنداعى اقساقالداردى ەسىنەن شىعارمادى. كوپشىلىك بۇدان ەرەكشە اسەرلەندىك، ٴتوراعا شي جينپيڭنىڭ جاۋاپ حات جازعاندىعىنا ەرەكشە العىس ايتامىز. ول بىلاي دەدى: اۋمىن كورشىلەستەر قوعامى قارتتارعا قىزمەت وتەۋدى جانە قوعامدىق قىزمەت وتەۋدى ۇزدىكسىز جاقسى ىستەيدى. ٴتوراعا شي جينپيڭ حاتىندا ۇلكەن شىعاناق رايونىنىڭ دامۋىنا ويداعىداي ات سالىسۋدى ورتاعا قويدى، كورشىلەستەر باس قوعامىمىز بىلتىر جىل سوڭىندا جۇڭشان قالاسىندا ٴىس باسقارۋ ورنىن قۇردى، حىڭچيندە قۇرىلعان ۋنيۆەرسال قىزمەت وتەۋ ورتالىعى كەلەسى ايدا اشىلادى، مۇنداعى ماقسات ٴارى اۋمىنداعى قارتتارعا قىزمەت وتەۋ، ٴارى اۋمىننىڭ قوعامدىق قىزمەت وتەۋ، قارتتاردى كۇتىمدەۋ قىزمەتىندەگى تاماشا تانىم، ادىستەردى ۇلكەن شىعاناق رايونىنا جالپىلاستىرۋ، قوعامدىق قىزمەت وتەۋدى بىرلىكتە ويداعىداي ىستەپ، مەملەكەتكە ەسە قوسۋ بولىپ تابىلادى.


    جاۋاپ حاتتى تاپسىرىپ العاننان كەيىن، اۋمىن ەرەكشە اكىمشىلىك رايونىنىڭ اكىمى سۇي شى-ان ەرەكشە اكىمشىلىك رايون ۇكىمەتى اتىنان ٴتوراعا شي جينپيڭنىڭ قامقورلىعىنا شىن جۇرەكتەن العىس ايتتى. ول بىلاي دەدى : ٴتوراعا شي جينپيڭنىڭ جاۋاپ حاتى شىن پەيىلدى، تەرەڭ ماعىنالى بولدى، ول اۋمىن كورشلەستەر باس قوعامىنىڭ ييجۇن اقساقالدار مىندەتتى قىزمەت وتەۋ گرۋپپاسىنداعى بارلىق مۇشەلەرگە دەگەن ىىلاستى سالەم بولىپ قانا قالماستان، ونان دا ماڭىزدىسى، مەملەكەت باسشىلارى مەن ورتالىق ۇكىمەتتىڭ اۋمىنداعى قالىڭ كاريا تۇرعىندارعا دەگەن قامقورلىعىن ايگىلەيدى. جاۋاپ حاتتا اۋمىن تۇرعىندارىنىڭ وتاندى، اۋمىندى ٴسۇيۋ سۇيىسپەنشىلىگى وسكەلەڭ تۇراقتاندىرىلعان، سونداي-اق وتاندى، اۋمىندى ٴسۇيۋ ىستەرىن جالعاستىرۋعا جانە ساۋلەلەندىرۋگە شىنايى ٴۇمىت ارتىلعان، قالىڭ اۋمىندىق تۇرعىندار جونىنەن العاندا، بۇل اسا زور سەنىم ارتۋ جانە شابىت بەرۋ بولىپ تابىلادى!


    اۋمىن ەرەكشە اكىمشىلىك رايونىنىڭ جاڭادان تاعايىندالعان اكىمى حى ييچىڭ بىلاي دەدى : جۇڭحۋا حالىق رەسپۋبليكاسى قۇرىلعان 70 جىلدان بەرگى ۇلى تابىستارعا جانە اۋمىننىڭ وتان قۇشاعىنا ورالعان 20 جىلدا «ٴبىر ەل، ەكى ٴتۇزىمدى» اتقارۋدا قول جەتكىزگەن قوماقتى تابىستارىنا بۇكىل اۋمىن تۇرعىندارى كۋا بولىپ جانە وعان قاتىناسىپ قانا قالماستان، وناندا بۇل بىزگە ماڭىزدىسى،جۇڭگولىق رەتىندە اس زور ماقتانىش بولىپ تابىلادى. وسى تاريحي بۇرىلىستى باستان كەشىرگەن اۋمىندىقتار ٴتوراعا شي جينپيڭنىڭ ٴۇمىتى بويىنشا، اۋمىنداعى جاستارعا وتان قۇشاعىنا ورالۋدىڭ الدى-ارتىنداعى وزگەرىستەردى كوبىرەك ايتۋ، جاستارعا وڭايلىقپەن قولعا كەلمەگەن « ٴبىر ەل، ەكى ٴتۇزىم» امالياتىنىڭ باسىپ وتكەن بارىسىن ۇعىندىرۋ، جاستاردى وتاندى، اۋمىندى ٴسۇيۋ رۋحىن ويداعىداي جالعاستىرۋعا شابىتتاندىرۋ جاۋاپكەرلىگى بار.


اۋدارعان: قاناتبەك جۇماباي ۇلى

中央广播电视总台 央广网 版权所有