ناچار ئۇچۇرلارنى پاش قىلىش: mzjubao@cnr.cn

ەل ٴىشى حابارلارى

لي كىچياڭ سالت وتكىزىپ پاكيستان زۇڭليىنىڭ جۇڭگوعا ساپارلاي كەلگەندىگىن قارسى الدى، ەكى ەل زۇڭليى كەڭەس وتكىزدى

来源:جۇڭگو قازاق راديو تورابى     |责编:阿依娜古丽|     发布日期: 2019-10-09 10:10


    ٴوز حابارىمىز: مەملەكەتتىك كەڭەستىڭ زۇڭليى لي كىچياڭ 10-ايدىڭ 8-كۇنى تۇستەن كەيىن حالىق سارايىندا 2019-جىلعى جۇڭگو بەيجيڭ دۇنيە باۋ-باقشا كورمەسىنىڭ جابىلۋ سالتىنا قاتىناسۋعا كەلگەن ٴارى قىزمەتتىك ساپاردا بولعان پاكيستاننىڭ زۇڭليى يمران حانمەن كەڭەس وتكىزدى.


    لي كىچياڭ بىلاي دەدى: جۇڭگو مەن پاكيستان-جالپى بەتتىك ستراتەگيالىق سەلبەستىك سەرىك، جۇڭگو مەن پاكيستان دوستىعىنىڭ بەرىك جانە مىعىم نەگىزى بار، ەشقانداي شارت قوسىمشالانباعان، ٴارقانداي ٴۇشىنشى جاققا باعىتتالماعان، ەكى ەل حالقىنىڭ شىن جۇرەكتەن قورعاۋى مەن قولداۋىنا يە بولدى. جۇڭگو زۇڭلي مىرزانىڭ وسى رەتكى جۇڭگوداعى ساپارىنا ايرىقشا ٴمان بەرەدى، ٴتوراعا شي جينپيڭ سىزبەن كەزدەسەدى. جۇڭگو جۇڭگو-پاكيستان قاتىناسىن قاي-قاشان دا توڭىرەكتىك ديپلوماتيانىڭ الدىمەن ەسكەرەتىن بەتالىسىنا قويىپ، پاكيستاننىڭ مەملەكەتتىڭ تاۋەلسىزدىگىن، يەلىك ۇقىعىن، تەرريتوريا تۇتاستىعىن جانە زاڭدى ۇقىق-مۇددەسىن قورعاۋىن باتىل قولدايدى، پاكيستاننىڭ مەملەكەتتىڭ گۇلدەنىپ-كوركەيۋ ىستەرىن ىلگەرىلەتۋىن قولدايدى، پاكيستاننىڭ حالىقارالىق جانە وڭىرلىك ىستەردە اناعۇرلىم زور رول اتقارۋىن قولدايدى.ٴبىز پاكيستانمەن بىرگە قۇلشىنىپ، ەكى ەل قاتىناسى مەن سەلبەستىگىنىڭ تىڭ ساتىعا كوتەرىلۋىن ىلگەرىلەتۋدى قالايمىز.


    لي كىچياڭ مىنالاردى اتاپ كورسەتتى : جۇڭگو مەن پاكيستان سەلبەستىگى ەكى ەلدىڭ مۇددەسىنە ۇيلەسىپ قالماستان، ٴوڭىردىڭ بەيبىتشىلىگى مەن ورنىقتىلىعىنا دا ٴتيىمدى. جۇڭگو پاكيستاننىڭ ەكونوميكالىق قيىنشىلىق كەزەڭىنەن وتكەنىنە قۋانادى، پاكيستانعا شاماسىنىڭ جەتىسىنشە كومەك بەرۋدى قالايدى.ٴبىز پاكيستان جاقپەن دامۋ ستراتەگياسىن ۇشتاستىرۋدى كۇشەيتىپ، جۇڭگو-پاكيستان ەكونوميكالىق ٴدالىزىنىڭ جوعارى ساپالى دامۋىن ۇزدىكسىز ىلگەرىلەتىپ، نەگىزدىك قۇرىلعى، ەكونوميكا-ساۋدا، قازىنا، قارجى، ٴوندىرىس قۋاتى قاتارلى سالالارداعى سەلبەستىكتى كۇشەيتىپ، پارمەندى شارالار قولدانىپ جۇڭگو-پاكيستان ساۋداسىنىڭ اناعۇرلىم بىركەلكى دامۋىن جەبەپ، پاكيستان-جۇڭگو قارجى قوسۋ قۇرىلىمدارى مەن قىزمەتكەرلەرىنىڭ حاۋىپسىزدىگىن قورعاپ، ەكى جاقتىڭ ٴوزارا تيىمدىلىك جاساپ، تەڭ يگىلىككە كەنەلۋىن، بىرگە دامۋىن جەبەۋدى قالايمىز.


    يمران حان جاڭا جۇڭگو قۇرىلعاندىعىنىڭ 70 جىلدىعىن قۇتتىقتادى. ول بىلاي دەدى: جۇڭگونىڭ كومەگى مەن قولداۋىنىڭ ارقاسىندا پاكيستان ەكونوميكاسى قازىر ورنىقتى ٴارى بىرتىندەپ قالپىنا كەلۋدە، بۇل پاكيستان مەن جۇڭگونىڭ جالپى بەتتىك دوستىعىن ايگىلەدى. پاكيستان جۇڭگومەن بىرگە «ٴبىر بەلدەۋ، ٴبىر جولدى» جەدەل ىلگەرىلەتىپ، جۇڭگو-پاكيستان ەكونوميكالىق ٴدالىزى مەن گۋادار پورتى قۇرىلىسىنا ايرىقشا ٴمان بەرۋدى قالايدى، جۇڭگومەن ساۋدا، قارجى قوسۋ كولەمىن كەڭەيتىپ، ٴار سالاداعى سەلبەستىكتى جەدەل ىلگەرىلەتىپ، ەكى جاقتى قاتىناستىڭ ۇزدىكسىز تىڭ ىلگەرىلەۋشىلىكتەرگە قول جەتكىزۋىن ىلگەرىلەتۋدى قالايدى.


    كەڭەستەن كەيىن، ەكى ەلدىڭ زۇڭليى نەگىزدىك قۇرىلعى قۇرىلىسى، زاڭ اتقارۋ حاۋىپسىزدىگى، مادەنيەت، وقۋ-اعارتۋ، مەديا قاتارلى كوپ ٴتۇرلى ەكى جاقتى سەلبەستىك كەلىسىمىنە قول قويۋعا كۋا بولدى.


    كەڭەستەن بۇرىن لي كىچياڭ حالىق سارايىنىڭ شىعىس قاقپاسىنىداعى الاڭدا يمران حاندى قارسى الىپ سالت وتكىزدى.


اۋدارعان: گۇلنۇر قابىلقاق قىزى

中央广播电视总台 央广网 版权所有