ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

2-كەزەكتى حۇڭچياۋ حالىقارالىق ەكونوميكا تالقىسىندا «جۇڭگونىڭ 70 جىلدىق دامۋى جانە ادامزاتتىڭ تاعدىرلاس ورتاق تۇلعاسى» دەگەن تاقىرىپتاعى شاڭحاي ورتاق تانىمى جاريالاندى

来源:جۇڭگو قازاق راديو تورابى     |责编:阿依娜古丽|     发布日期: 2019-11-07 15:08

 

شينحۋا اگەنتتىگىنىڭ حابارى: 2-كەزەكتى حۇڭچياۋ حالىقارالىق ەكونوميكالىق تالقىسىندا «جۇڭگونىڭ 70 جىلدىق دامۋى جانە ادامزاتتىڭ تاعدىرلاس ورتاق تۇلعاسى» دەگەن تاقىرىپتىڭ بولىمشە تالقىسى جەتىستىكتەرىن جاريالاۋ ٴماجىلىسى 11-ايدىڭ 6-كۇنى شاڭحايدا وتكىزىلدى.


    مەملەكەتتىك كەڭەس اقپارات كەڭسەسىنىڭ ورىنباسار مەڭگەرۋشىسى گو ۋيمين تالقىىنىڭ شاڭحاي ورتاق تانىمىن وقىدى . ورتاق تانىمدا بىلاي دەلىندى: 70 جىلدان بەرى، جۇڭگو حالقى ماڭداي تەرىمەن جانە اقىل-پاراساتىمەن تاماشا تۇرمىس جاراتىپ، كەزىندە تۇيىقتالعان، مەشەۋ مەملەكەتتى دۇنيە جۇزىندەگى 2-ۇلكەن ەكونوميكالىق تۇلعا ەتىپ قۇرىپ، جان-جاقتى دامۋعا، العا باسۋعا قول جەتكىزدى. جۇڭگونىڭ دامۋ امالياتى: وركەندەۋ جولىنداعى قالىڭ ەلدەردىڭ ٴوزىنىڭ تاريحي مادەنيەتى مەن رەال جاعدايىنا نەگىزدەلىپ، الۋان ٴتۇرلى وسىزامانداندىرۋ جولىن قاراستىرۋىنا بولاتىندىعىن دالەلدەدى. ۇزاق ۋاقىتتان بەرى، جۇڭگو دۇنيە جۇزىمەن تاماشا ىقپالداستىقتى ساقتاپ كەلەدى. جۇڭگو «ٴبىر بەلدەۋ، ٴبىر جولدى» ورتاق قۇرۋ دارىپتەمەسىن ورتاعا قويىپ، ٴار ەلدىڭ ىقپالداسىپ دامۋىن كۇشەيتۋگە جاڭا جاعداي جاراتتى؛ جۇڭگو ادامزاتتىڭ تاعدىرلاس ورتاق تۇلعاسى تانىمىن العا قويىپ، ٴار جاقتىڭ قول ۇستاسا وتىرىپ، الەمدىك سايىستارعا توتەپ بەرۋىنە، ادامزاتتىڭ ۇلاسپالى دامۋىن جوسپارلاۋىنا ماڭىزدى ۇلەستەر قوستى.


    ورتاق تانىمدا مىناداي ۇندەۋ تاستالدى. ٴار ەلدىڭ اقىل-پاراسات قويماسى مەن اقپارات مەديالارى وسى رەتكى تالقىنى وراي ەتىپ، اۋىس-كۇيىس ارناسىن كەڭەيتىپ، سەلبەستىك مەحانيزمىن ورناتىپ، ادامزاتتىڭ تاعدىرىنا ساياتىن دامۋ جانە باسقارۋ تاقىرىپتارىن توڭىرەكتەپ، اناعۇرلىم كەڭ، اناعۇرلىم تەرەڭ پىكىرلەسۋ، زەرتتەۋ-تالقىسىن ورىستەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتە تۇسۋگە اقىل-پاراسات پەن كۇش-قۋات ارناۋ كەرەك.


اۋدارعان: كۇلان ىرىسباي قىزى

中央广播电视总台 央广网 版权所有