ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

پارتيا 19-كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ۇيرەنۋ، دايەكتەندىرۋ جونىندەگى ورتالىقتىڭ ۇگىت-لەكسيا ۇيىرمەسىنىڭ اتتانىسقا كەلتىرۋ ٴماجىلىسى بەيجيڭدە اشىلدى، ۋاڭ حۋنيڭ ماجىلىسكە قاتىناستى ٴارى ٴسوز سويلەدى

来源:جۇڭگو قازاق راديو تورابى     |责编:阿依娜古丽|     发布日期: 2019-11-08 10:40



    ءوز حابارىمىز: پارتيا 19-كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ۇيرەنۋ، دايەكتەندىرۋ جونىندەگى ورتالىقتىڭ ۇگىت-لەكسيا ۇيىرمەسىنىڭ اتتانىسقا كەلتىرۋ ٴماجىلىسى 11 ـ ايدىڭ 7-كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ ماجىلىسكە قاتىناستى ٴارى ٴسوز سويلەدى=. ول بىلاي دەدى: ٴبىز شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ جونىندەگى ماڭىزدى ٴسوزىنىڭ رۋحىن دايەكتەندىرىپ، جالپى ٴماجىلىس رۋحى جونىندەگى ۇگىت-لەكسيانى دەن قويا ۇيىمداستىرىپ، ساتىلار بويىنشا تۇرگە ايىرۋ ۇگىت-تاربيەسىن باعىتتامالى تۇردە جاقسى ىستەپ، جالپى ٴماجىلىس رۋحىن حالىق جۇرەگىنە تەرەڭ ۇيالاتىپ، قالىڭ پارتيا مۇشەلەرىن، كادرلاردى «ٴتورت تانىمدى» اناعۇرلىم ويداعىداي كۇشەيتىپ، «ٴتورت سەنىمدى بەكەمدەپ»، «ەكىنى قورعاۋدى» ورىنداۋعا جەتەكتەۋىمىز كەرەك.


    ۋاڭ حۋنيڭ بىلاي دەدى: پارتيا 19-كەزەكتى ورتالىق كوميتەتىنىڭ ٴۇشىنشى جالپى ماجىلىسىنەن بەرى پارتيا مەن مەملەكەت ىستەرىندە قول جەتكەن كەلەلى تابىستاردى؛ جالپى ٴماجىلىستىڭ نەگىزگى تاقىرىبىنىڭ كەلەلى ٴمانىن؛ جالپى ٴماجىلىستىڭ «قاۋلىسىنىڭ» پارتيا ىشىندەگى دەموكراتيانى ساۋلەلەندىرۋدىڭ، بۇكىل پارتيانىڭ اقىل-پاراساتىن شوعىرلاندىرۋدىڭ جاۋھارى ەكەندىگىن؛ جۇڭگوشا سوتسياليستىك ٴتۇزىم مەن مەملەكەتتى باسقارۋ جۇيەسىنىڭ كورنەكتى ابزالدىلىعىن ايقىن ٴتۇسىندىرۋ كەرەك. جۇڭگوشا سوتسياليستىك تۇزىمگە تاباندى بولۋ جانە كەمەلدەندىرۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ جالپى تۇلعالىق تالابىن، جالپى تۇلعالىق نىساناسىن، كەلەلى شارالارىن، پارتيانىڭ جۇڭگوشا سوتسياليستىك تۇزىمگە تاباندى بولۋ جانە كەمەلدەندىرۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ جونىندەگى باسشىلىعىن، جالپى ٴماجىلىستىڭ رۋحىن ۇيرەنۋ، ۇگىتتەۋ، دايەكتەندىرۋ تالابىن ايقىن ٴتۇسىندىرۋ كەرەك. ۇگىت-لەكسياعا قاتىناسقان جولداستار لەكسيا ساباقتى مۇقيات ۇيرەنۋ، كەزەكتەگى كادرلار مەن بۇقارا جالپى بەتتىك كوڭىل ٴبولىپ وتىرعان ماسەلەلەرگە ۇشتاستىرىپ، كاسىپورىندارعا، اۋىل-قىستاقتارعا، ورگاندارعا، مەكتەپتەرگە، الەۋمەتتىك رايوندارعا ىشكەرىلەي ارالاسىپ، بەتپە-بەت ۇگىت-لەكسيا جاساپ، جالپى ٴماجىلىس رۋحىن تەرەڭ، ەگجەي-تەگجەيلى بايانداۋ كەرەك.


    ٴماجىلىستى حۋاڭ كۇنميڭ باسقاردى. ورتالىقتىڭ ۇگىت-يدەيا قىزمەت باسشىلىق گرۋپپا مۇشەلەرى، ورتالىقتىڭ ۇگىت-لەكسيا ۇيىرمە مۇشەلەرى، ورتالىقتىڭ ۇگىت-مادەنيەت ورىندارىنداعى نەگىزگى جاۋاپتى جولداستار ماجىلىسكە قاتىناستى.

اۋدارعان: قاناتبەك جۇماباي ۇلى

中央广播电视总台 央广网 版权所有