ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

باس شۋجيدىڭ كەدەيلىكتەن قۇتىلدىرۋعا كوڭىل ءبولۋى: ەمدەۋ سالاسىندا كەدەيلەردى سۇيەمەلدەۋ كەدەي سەميالارعا نۇرلى بولاشاق شامىن جاقتى

来源:جۇڭگو قازاق راديو تورابى     |责编:古丽美热|     发布日期: 2019-12-03 16:45

 

شينحۋا اگەنتتىگىنىڭ حابارى. اۋرۋ سەبەبىنەن كەدەيلەسۋ، اۋرۋ سەبەبىنەن قايتا كەدەيلەسۋ ـ كوپتەگەن كەدەي وتباسىلار ءۇشىن باس اۋىرتار ماسەلە، سونداي ـ اق كەدەيلىكتەن قۇتىلدىرۋدان قامال الۋداعى قيىن ٴتۇيىن. جالپى حالىقتىق دەنساۋلىق قامتاماسىزداندىرۋى بولماسا، جالپى بەتتىك دوڭگەلەك داۋلەتتى قوعام قۇرۋ دا مۇمكىن ەمەس.  


بيىل 4 ـ ايدا باس شۋجي شي جينپيڭ چۇڭچيڭدە «ەكىدەن تارىقتىرماۋ، ٴۇشتى قامتاماسىزداندىرۋداعى» كورنەكتى ماسەلەلەردى شەشۋ اڭگىمە ٴماجىلىسىن باسقارىپ اشقان كەزدە: كەدەيلىكتەن ٴالى ارىلماعان نەمەسە اۋرۋ سەبەبىنەن قايتا كەدەيلەسكەن بۇقارانى سۇيەمدەلدەپ كەدەيلىكتەن قۇتىلدىرۋ قىزمەتىن ٴتۇيىندى تۇردە ويداعىداي ىستەۋ، ەڭ تومەنگى تۇرمىستى قامتاماسىزداندىرۋ، ەمدەۋ قامسىزداندىرۋى، ەمدەۋ ـ قۇتقارۋ قاتارلى قاتىستى سۇيەمەلدەۋ جانە قامتاماسىزداندىرۋ شارالارىن جەدەل كەمەلدەندىرۋ، ٴتۇزىم جۇيەسى ارقىلى كەدەي بۇقارانىڭ كەدەيلىكتەن شىن مانىندە قۇتىلۋىن، كەدەيلىكتەن ورنىقتى قۇتىلۋىن قامتاماسىزداندىرۋ كەرەك،- دەپ باسا دارىپتەدى.

 
سالاماتتىق جاعىنان كەدەيلەردى سۇيەمەلدەۋ ينجەنەرياسىنىڭ ىشكەرىلەۋىنە بايلانىستى، ەمدەۋ قىزمەت وتەۋ ٴتۇرى بارعان سايىن كوبەيدى، ەمدەۋ قامتاماسىزداندىرۋ، الىس ارالىقتان قىزمەت وتەۋ، قىستاق دوحترلارى سەميالارعا بارىپ ەمدەۋ، شوعىرلى كۇتىمدەۋ قاتارلى ۇزدىك ساپالى قىزمەت وتەۋلەر نەگىزگى ساتىدا ورىستەپ، كەدەي رايوندارداعى بۇقارا اناعۇلىم ۇزدىك ساپالى جانە قولايلى ەمدەۋ قىزمەت وتەۋدەن يگىلىكتەنىپ، كەدەيلىكتەن قۇتىلدىرۋدان قامال الۋدىڭ دەنساۋلىق ساقتاۋ بەكىنىسى بەكەم قۇرىلدى.

 
ەلىمىزدىڭ ەڭ باتىسىنداعى پامير ٴۇستىرتىنىڭ تەرەڭ تاۋ قويناۋىنداعى پيار قىستاعىندا 80 نەشە جاستاعى قىستاق تۇرعىنى گۇلگاس بىلاي دەدى : قىستاق دوحتىرى ايىمگۇلدىڭ ماعان جاساعان ىقىلاستى قامقورلىعىنا العىسىم شەكسىز .
3 جىلدىڭ الدىندا، گۇلگاس توساتتان وكپە اۋرۋىنا شالدىقتى . ايىمگۇل تۇندە جاياۋ 5 ساعات جول ٴجۇرىپ ونىڭ ۇيىنە بارىپ ەمدەدى . سول جولى ول گۇلگاستىڭ ۇيىندە 5 كۇن جاتىپ، اسپالى ۋكول قويىپ زەر سالا ەمدەدى، ٴدارى - دارمەكتەردى اۋىلدىق دوحترحانا تەگىن قامدادى.


شالعاي تاۋلى قىستاقتاردا مۇنداي ىستەر ۇنەمى تۋىلىپ تۇرادى . ايىمگۇل تايىر قىزى مالشىلاردىڭ دەنساۋلىعىن ەمدەۋ بارىسىندا 21 جىلدى ءبىر كۇندەي وتكىزدى . بۇل ونىڭ ومىرىندەگى ماڭىزدى قىزمەتىنە اينالدى.


قازىر «سالاماتتىق جاعىنان كەدەيلەردى سۇيەمەلدەۋ » كوكتەم سامالى پامير ۇستىرتىنە جەتتى . بيىل 7 ـ ايدا شىت جاڭا اۋىل دوحترحاناسى سالىنىپ ەكى قاباتتى شاعىن عيمارات ەڭسە كوتەردى . ايىمگۇل تاۋ اسىپ تاس باسىپ ەمشىلىك ىستەۋدە جاپا جالعىز جۇرمەيتىن بولدى، اۋدان، اۋىل ـ قىستاق بىرلەسكەن ەمدەۋ اترەتى ونىمەن بىرگە بولىپ، ەمدەۋ قىزمەتى نەگىزگى ساتى ارالاپ ورىستەتىلەدى. 23 جاستاعى كاسىپتەسى جاناتقان عالبيات B تۇرپاتتى ۋلترا دىبىس تولقىن اپپاراتى، جۇرەك سوعۋىن باقىلاۋ اسپابى قاتارلى ەمدەۋ اسپاپتارىن ىستەتۋدى ابدەن قانىق بىلەدى.


ۇعىسۋعا قاراعاندا، «سالاماتتىق جاعىنان كەدەيلەردى سۇيەمەلدەۋ » ارەكەتى شينجياڭنىڭ تاشقورعان تاجىك اۆتونوميالى اۋدانىن تولىق قامتىدى . ەمدەۋ اترەتى مەزگىل - مەزگىل وتباسىلارىنا دەيىن ارالاپ سوزىلمالى اۋرۋلاردى، تۋبەركۋلەز اۋرۋىن تەكسەرۋ، تۇرعىنداردىڭ دەنساۋلىق ساقتاۋ ٴدارى ساندىعىندا ٴدارى ـ دارمەكتەر بار ـ جوعىن، از ـ كوپتىك جاعدايىن تەكسەرۋ قيمىلدارىن ورىستەتەدى، سونداي - اق قىستاق تۇرعىندارىنا ەمدەۋ ارقىلى حالىققا تيىمدىلىك جاساۋ ساياساتى مەن ٴتۇرلى ساقتانۋ بىلىمدەرىن ۇگىتتەپ، قىستاق تۇرعىندارىن ٴداستۇرلى كوزقاراستى وزگەرتىپ، دەنساۋلىققا كوڭىل ءبولۋ ادەتىن قالىپتاستىرۋعا جەتەكتەيدى.

 
جۋىق جىلداردان بەرى، ەلىمىزدەگى 832 كەدەي اۋدانداعى بارلىق اۋدان دارەجەلى دوحترحانالاردىڭ بارىندە 3 دارەجەلى دوحترحانالاردىڭ باعىتتامالى سۇيەمەلدەۋى ىسكە اسىرىلدى. اۋدان كولەمىندەگى ەمدەۋ، دەنساۋلىق ساقتاۋ بايلىعىن ٴبىرتۇتاس جوسپارلاپ ورنالاستىرۋ، تاربيەلەۋدى كۇشەيتۋ، ارالاپ دياگنوز قويۋ، قىزمەتكەر جىبەرۋ قاتارلى تاسىلدەر ارقىلى اۋىل - قىستاق ەكى دارەجەلى دەنساۋلىق ساقتاۋ دارىندىلار قوسىنى ۇزدىكسىز تولىقتاندى. قازىرگە دەيىن، كەدەي وڭىرلەردەگى % 95 تەن استام اۋىل - قالاشىق دوحترحانالارىندا كەمىندە ٴبىر كاسىپتىك دوحتر نەمەسە كومەكشى كاسىپتىك دوحتر بار، اۋىل - قىستاقتاعى كەدەي بۇقارا اراسىندا ۇنەمى كەزىگەتىن اۋرۋلاردى، سوزىلمالى اۋرۋلاردى الىسقا سابىلماي جاقىن ماڭدا دەركەزىندە ەمدەتۋگە بولادى.


مەملەكەتتىك دەنساۋلىق ساقتاۋ، سالاماتتىق كوميتەتىنىڭ قاتىستى جاۋاپتىسى بىلاي دەپ تانىستىردى: بولاشاقتا اۋداندىق دوحترحانالاردىڭ قابىلەت قۇرىلىسى، «اۋدان مەن اۋىل ٴبىر تۇلعالانعان، اۋىل مەن قىستاق ٴبىر تۇلعالانعان» مەحانيزم قۇرىلىسى جانە اۋىل ـ قىستاق ەمدەۋ، دەنساۋلىق ساقتاۋ قۇرىلىمدارىن ولشەمدەندىرۋ قۇرىلىسى ىلگەرىلەتىلىپ، 2019 ـ جىلدىڭ سوڭىندا اۋىل ـ قىستاق ەمدەۋ، دەنساۋلىق ساقتاۋ قۇرىلىمدارى مەن قىزمەتكەرلەرىنىڭ كەمشىل بولۋ جاعدايى نەگىزىنەن اياقتاپ، 2020 ـ جىلعا بارعاندا نەگىزگى ەمدەۋ قامتاماسىزداندىرۋىندا ورىن تەپكەن كورنەكتى ماسەلەلەر جالپى بەتتىك شەشىلىپ، كەدەي بۇقارانىڭ دەنساۋلىق ساقتاۋ جاعىنداعى تابىس سەزىمى مەن ريزا بولۋ دارەجەسى ۇزدىكسىز جوعارىلاتىلادى.

 


اۋدارعان: قاناتبەك جۇماباي ۇلى
جۇڭگو قازاق راديو تورابى

中央广播电视总台 央广网 版权所有

باس شۋجيدىڭ كەدەيلىكتەن قۇتىلدىرۋعا كوڭىل ءبولۋى: ەمدەۋ سالاسىندا كەدەيلەردى سۇيەمەلدەۋ كەدەي سەميالارعا نۇرلى بولاشاق شامىن جاقتى

جالپى حالىقتىق دەنساۋلىق قامتاماسىزداندىرۋى بولماسا، جالپى بەتتىك دوڭگەلەك داۋلەتتى قوعام قۇرۋ دا مۇمكىن ەمەس