ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ەلىمىزدىڭ ەمدەۋ، دەنساۋلىق ساقتاۋ شەبىندەگى پارتيا ۇيىمدارى مەن قالىڭ پارتيا مۇشەلەرى اۋرۋدان ساقتانۋ مەن تىزگىندەۋدە شايقاس قامالىندىق جانە اۆانگارد-ۇلگىلىك رولدارىن ساۋلەلەندىرۋدە

来源:جۇڭگو قازاق راديو تورابى     |责编:古丽美热|     发布日期: 2020-02-13 21:15

شينحۋا اگەنتتىگىنىڭ حابارى. جاڭا ٴتيپتى ايدارشا ۆيرۋسپەن جۇعىمدالعان وكپە قابىنۋ اۋرۋى تارالعاننان بەرى، ەمدەۋ، دەنساۋلىق ساقتاۋ شەبىندەگى نەگىزگى ساتى پارتيا ۇيىمدارى مەن قالىڭ پارتيا مۇشەلەرى جانە ەمدەۋ قىزمەتكەرلەرى پارتيا ورتالىق كوميتەتىنىڭ ۇندەۋىنە دەرەۋ ٴۇن قوسىپ، ىسكە بەل شەشە كىرىسىپ، جاۋاپكەرشىلىك ارقالاپ، قاتەردەن قاشقالاقتاماي اۋرۋمەن ايقاسىپ، قىزمەت ورىندارىنان تاپجىلماي، كۇندىز ـ ٴتۇنى ابىگەرگە ٴتۇسىپ، بۇقارانىڭ الاڭسىز-اقاۋسىز تۇرمىس كەشىرۋى ٴۇشىن تابان ەت، ماڭداي تەرىن ايامادى.

 

 كوكتەم مەرەكەسى قارساڭىندا، حۋبەي، جىجياڭ، جياڭسۋ، نيڭشيا، شينجياڭ سياقتى جەرلەر ۇقتىرۋ شىعارىپ، ٴار دارەجەلى پارتيا ۇيىمدارىنان پارتيا مۇشەلەرىن، كادرلاردى، اسىرەسە ەمدەۋ-دەنساۋلىق ساقتاۋ شەبىندەگى پارتيا مۇشەلەرىن، كادرلاردى جانە ەمدەۋ قىزمەتكەرلەرىن جۇقپالى اۋرۋدان ساقتانۋ-تىزگىندەۋ قىزمەتىنە دەرەۋ جۇمىلدىرۋدى تالاپ ەتتى. بەيجيڭ، تيانجين، حۋنان، انحۇي سياقتى جەرلەر اتويلاپ العا شىعىپ، ٴوز جەرىنە قاراستى ەمدەۋ قۇرىلىمدارىنداعى پارتيا مۇشەلەرىن، كادرلاردى، جۇمىسشى-قىزمەتكەرلەردى كوكتەم مەرەكەسى دەمالىسىن كۇشىنەن قالدىرىپ، جۇقپالى اۋرۋدان ساقتانۋ-تىزگىندەۋ شايقاسىنا ات سالىسۋعا شاقىردى.

 

 ٴاربىر پارتيا مۇشەسى نارت قىزىل تۋ. جۇقپالى اۋرۋدان ساقتانۋ-تىزگىندەۋ شايقاسىندا جەڭىپ شىعۋ ٴۇشىن، حۋبەي ولكەسى جياڭحان مۇناي الابى باس دوحتىرحاناسىنىڭ سەستراسى، 95 - جىلداردىڭ تۇلەگى، پارتيا مۇشەسى شيە جيەفىن جارىم جاستاعى بالاسىن ۇيىنە تاستاپ، باتىلدىقپەن الدىنعى شەپكە بارۋعا تىزىمدەلىپ، وسى رەتكى جۇقپالى اۋرۋدان ساقتانۋ -تىزگىندەۋ دابىلى تۇڭعىش رەت قاعىلعان دوحتىرحاناعا بارىپ مىندەت الدى، بۇل دوحتىرحانا وسى رەتكى اۋرۋعا توتەپ بەرۋدە 54 جاستاعى پارتيا مۇشەسى جاڭ جيشيان باستاماشى بولعان، ودان 84 جاستاعى جۇڭگو قۇرىلىس اكادەمياسىنىڭ اكادەميگى جۇڭنانشان اۋرۋ كەڭىنەن تارالا باستاعان قيىن-قىستاۋ ساتتە بۇيرىق ٴتۇسىرىپ، اۋرۋعا قارسى تۇرۋدىڭ الدىنعى شەبىنە اينالعان دوحتىرحانا. بۇقارا ٴزارۋ بولعان كەزدە ولار كەۋدە كەرە العا شىعىپ، تارالعان اۋرۋدى تىزگىندەۋدەگى اۆانگارتتاردان بولىپ، كوممۋنيستەردىڭ اتى-زاتىنا ساي ەكەندىگىن ٴىس جۇزىندىك ارەكەتتەرىمەن ايگىلەدى ٴارى كوممۋنيستەردىڭ ساياسي قاسيەتى مەن قۇرىش ستيلىن بارىنشا كورنەكتىلەندىردى.

 

 كوپتەگەن دوحتىرحانادا اۆانگارد پارتيا مۇشەلەرى قىزمەت ورنى، پارتيا مۇشەلەرىنىڭ جاۋاپكەرشىلىك اۋماعى، پارتيا مۇشەلەرىنىڭ قامال الۋ گرۋپپالارى قۇرىلدى. شاڭحاي حۋاشان دوحتىرحاناسى ينفەكسيا ٴبولىمى پارتيا ياچەيكاسىنىڭ شۋجيى، مەڭگەرۋشىسى جاڭ ۋىنحۇڭ بىلاي دەدى: ” پارتيا مۇشەلەرى الدىنعى شەپكە شىقپاق بولسا، قازىرگى جاعداي مىنە الدىنعى شەپ، ٴوز جاعدايىن ايتقانىنا قارامايمىز، مەن پارتيا ياچەيكا شۋجيىمىن، سوندىقتان الدىدا جۇرەمىن، قالعان پارتيا مۇشەلەرى دە ٴسوز جوق ىلەسۋى كەرەك “. حۋاجۇڭ عىلىم ـ تەحنيكا ۋنيۆەرسيتەتىنە قاراستى شيەحى دوحتىرحاناسىنىڭ 1253 پارتيا مۇشەسى اۋرۋعا قارسى تۇرۋدىڭ الدىنعى شەبىنە بارۋ حاتىن تاپسىرىپ، قىزۋ امبۋلاتورياسى، اۋاشالاۋ جاتاقتارى، باعىتتامالى بەلگىلەنگەن دوحتىرحانالار سياقتى جۇقپالى اۋرۋدان ساقتانۋ جانە ونى تىزگىندەۋدىڭ ەڭ الدىنعى شەبىنە بارۋعا ىرىقتىلىقپەن ٴوتىنىش بەردى.

 

 وسى رەتكى اۋرۋعا توتەپ بەرۋدە جۇدىرىقتاي جۇمىلۋ كەرەك. پارتيا ورتالىق كوميتەتىنىڭ پارمەندى باسشىلىعىندا، ٴار دارەجەلى پارتيا ۇيىمدارى مەن قالىڭ پارتيا مۇشەلەرى شايقاس قامالىندىق جانە اۆانگارد-ۇلگىلىك رولدارىن ساۋلەلەندىرىپ، قالىڭ ەمدەۋ قىزمەتكەرلەرى مىندەتىن جاۋاپكەرلىكپەن ادا ەتىپ، بەرىلە ىسكە كىرىستى، قوعامنىڭ ٴار سالاسى ٴبىر نيەت، ٴبىر تىلەكتە بولىپ، قيىنشىلىققا قول ۇستاسا توتەپ بەرىپ، جۇقپالى اۋرۋدان ساقتانۋ جانە ونى تىزگىندەۋ شايقاسىندا جەڭىپ شىعۋعا كۇش توپتادى.

 

 

اۋدارعان: امانتاي مۇسايىپ ۇلى

 

中央广播电视总台 央广网 版权所有

ەلىمىزدىڭ ەمدەۋ، دەنساۋلىق ساقتاۋ شەبىندەگى پارتيا ۇيىمدارى مەن قالىڭ پارتيا مۇشەلەرى اۋرۋدان ساقتانۋ مەن تىزگىندەۋدە شايقاس قامالىندىق جانە اۆانگارد-ۇلگىلىك رولدارىن ساۋلەلەندىرۋدە

جۇقپالى اۋرۋدان ساقتانۋ جانە ونى تىزگىندەۋ شايقاسىندا جەڭىپ شىعۋعا كۇش توپتادى.