ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

دۇنيە دەنساۋلىق ساقتاۋ ۇيىمىنىڭ باس ٴىس جۇرگىزۋشىسى : جۇڭگونىڭ ساقتانۋ، تىزگىندەۋ ارەكەتى جۇقپالى اۋرۋدىڭ باسقا رايونداردا كەڭ كولەمدە تارالۋىن توستى دەدى

来源:جۇڭگو قازاق راديو تورابى     |责编:古丽美热|     发布日期: 2020-02-14 13:39

 

شينحۋا اگەنتتىگىنىڭ حابارى. دۇنيە دەنساۋلىق ساقتاۋ ۇيىمىنىڭ باس ٴىس جۇرگىزۋشىسى تان دىساي 2-ايدىڭ 12-كۇنى : جاڭا ٴتيپتى ايدارشا ۆيروستىڭ ادامزاتتىڭ ورتاق جاۋى ەكەندىگىن، ىنتىماقتاسقاندا عانا جۇقپالى اۋرۋ جاعدايىن جەڭۋگە بولاتىندىعىن باسا دارىپتەدى. دۇنيە دەنساۋلىق ساقتاۋ ۇيىمى بىلاي دەپ قارادى : جۇڭگونىڭ كەڭ كولەمدە قولدانعان ۆيرۋستان ساقتانۋ، تىزگىندەۋ ارەكەتى جۇقپالى اۋرۋدىڭ دۇنيە جۇزىندەگى باسقا رايونداردا كەڭ كولەمدە تارالۋىن توستى.


2 كۇن اشىلعان « عىلمي زەرتتەۋ جول كارتاسى : جاڭا ٴتيپتى ايدارشا ۆيرۋستى الەمدىك زەرتتەۋ جانە جاڭالىق اشۋ تالقى مىنبەسى» 2-ايدىڭ 12-كۇنى دۇنيە دەنساۋلىق ساقتاۋ ۇيىمىنىڭ جەنۆاداعى باس شتابىندا جابىلدى. تان دىساي تالقى اياقتاعاننان كەيىن وتكىزىلگەن تىلشىلەردى قابىلداۋ ماجىلىسىندە : ء بىز ٴبىر -بىرىمىزبەن قارسىلاسپاۋىمىز، قايتا جۇدىرىقتاي جۇمىلىپ ىنتىماقتاسا تۇسۋىمىز كەرەك دەدى. وسىدان كەيىن ول تىلشىلەردىڭ سۇراۋلارىنا جاۋاپ بەرگەندە جۇڭگونىڭ جۇقپالى اۋرۋ جاعدايىنا توتەپ بەرۋ قۇلشىنىسىن تاعى دا جوعارى باعالاي كەلىپ :تاياۋدا وتكىزىلگەن دۇنيە دەنساۋلىق ساقتاۋ ۇيىمىنىڭ اتقارۋ كوميتەتى ماجىلىسىندە بارلىق مۇشە ەلدەر جۇڭگونى مويىندايتىندىعىن ٴبىلدىردى دەدى.


ول بىلاي دەدى : جۇڭگو اۋرۋ قوزدىرعىشتىڭ قاينارىن ٴبىرىنشى ۋاقىتتا پارىقتاپ جانە كوپشىلىكپەن بولىسكەندىكتەن اۋرۋ جاعدايىنىڭ ٴتىپتى دە زور كولەمدە تارالۋىنان ساقتاندى. سونىمەن بىرگە، دۇنيە دەنساۋلىق ساقتاۋ ۇيىمى ٴار ەل باسشىلارىن الەۋمەتتىك دەنساۋلىق ساقتاۋ سايىسى الدىندا باسشىلىق قۋاتى مەن ساياسي ەركىن تولىق كورنەكتىلەندىرۋگە ۇندەپ كەلەدى، ال جۇڭگونىڭ بۇل جاعىنداعى بەينەسى باسقا ەلدەردىڭ ۇيرەنۋىنە تاتيدى.

 


اۋدارعان: كۇلان ىرىسباي قىزى

中央广播电视总台 央广网 版权所有

دۇنيە دەنساۋلىق ساقتاۋ ۇيىمىنىڭ باس ٴىس جۇرگىزۋشىسى : جۇڭگونىڭ ساقتانۋ، تىزگىندەۋ ارەكەتى جۇقپالى اۋرۋدىڭ باسقا رايونداردا كەڭ كولەمدە تارالۋىن توستى دەدى

جۇڭگونىڭ كەڭ كولەمدە قولدانعان ۆيرۋستان ساقتانۋ، تىزگىندەۋ ارەكەتى جۇقپالى اۋرۋدىڭ دۇنيە جۇزىندەگى باسقا رايونداردا كەڭ كولەمدە تارالۋىن توستى.