ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

来源:جۇڭگو قازاق راديو تورابى     |责编:古丽美热|     发布日期: 2020-03-25 15:16

 

ءوز حابارىمىز. مەملەكەتتىك كەڭەستىڭ زۇڭليى لي كىچياڭ 3-ايدىڭ 24-كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە جاساۋ كاسىبى مەن اينالىم كاسىبىندە جۇقپالى اۋرۋدان ساقتانۋ-تىزگىندەۋ قىزمەتىن جاقسى ىستەۋمەن بىرگە، جۇمىستى ءوندىرىستى بەلسەندى، ءتارتىپتى تۇردە قالپىنا كەلتىرۋدى جەبەۋ شارالارى بەلگىلەندى؛ ەلىمىزدىڭ حالىقارالىق اۆياتسيا جۇك تاسىمال قۋاتىن اناعۇرلىم جوعارىلاتىپ، قامداۋ تىزبەگىن كۇش سالا ورنىقتىرۋعا ورنالاستىرۋ جاسالدى.

ماجىلىستە مىنالار ايتىلدى: قازىر دۇنيە ءجۇزى بويىنشا جۇقپالى اۋرۋ تارالۋى دۇنيە ەكونوميكاسىنا اۋىر سوققى بولىپ، ىشكى شارۋاشىلىققا اۋىر سىن-سايىس تۋدىرىپ وتىر. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋى بويىنشا، ٴونىمدى سۇرانىمدى ونان ارى كەڭەيتۋ، كاسىپورىندارعا كومەكتەسىپ، جۇمىستاندىرۋدى ورنىقتىرىپ، «التىنى ورنىقتىرۋ» قىزمەتىن ٴتىپتى دە باعىتتامالى تۇردە ويداعىداي ىستەۋ كەرەك. ۇزدىكسىز عىلمي، دالمە ـ ٴدال شارا قولدانىپ ساقتانۋ-تىزگىندەۋ؛ جاڭادان بايقالعان ماسەلەلەردى دەر كەزىندە ٴبىر جاقتى ەتۋ؛ ينفورماتسيانى اشىق ۇستاپ جاريالاۋ كەرەك. وسى نەگىزدە جاساۋ كاسىبى مەن اينالىم كاسىبىندە جۇمىستى، ٴوندىرىستى، كاسىپتى قالپىنا كەلتىرۋدى بەلسەنە، ٴتارتىپتى تۇردە ىلگەرىلەتۋ كەرەك. ٴبىرىنشى، جاساۋ كاسىبىنىڭ تۇتاس كاسىپ تىزبەگىندەگى جۇمىستى، ٴوندىرىستى قالپىنا كەلتىرۋدە ٴدوپ كەلگەن قيىنشىلىقتاردى سايكەستى شەشىپ، الەمدىك كاسىپ تىزبەگىندە ماڭىزدى ىقپالعا يە كاسىپورىندار مەن شەشۋشى ونىمدەردى ٴوندىرۋ، ەكسپورت ەتۋدى قامتاماسىزداندىرۋ كەرەك. ەكىنشى، جەلىدەگى بولشەك ساتۋ، اس-سۋ تيجاراتى، دياگنوز ۇعىسۋ، وقۋ-اعارتۋ جانە اۋىل-قىستاق ەلەكتروندىق ساۋداسى قاتارلى جاڭا كاسىپ كۇيلەرى مەن تۇتىنۋ توراپتارىن دامىتۋ كەرەك. ٴۇشىنشى، ورتا، شاعىن، ۇساق كاسىپورىنداردى، جەكە ونەركاسىپشىلەر مەن ساۋداگەرلەردى سۇيەمەلدەۋ جونىندەگى ٴتۇرلى ساياساتتاردى تياناقتاندىرۋ كەرەك. فينانس قۇرىلىمدارىن ورتا، شاعىن، ۇساق كاسىپورىندارعا سەنىمدى قارىز بەرۋ، جالعاستى قارىز بەرۋ، العاشقى قارىز بەرۋ جانە ورتا، ۇزاق مەرزىمدى قارىز اقشا الۋ سالىستىرماسىن جوعارىلاتۋعا جەتەكتەۋ كەرەك. ٴىرى كاسىپورىنداردى قارجى بىرىكتىرىلگەننەن كەيىن، جوعارى، تومەنگى جەلىدەگى ورتا، شاعىن، ۇساق كاسىپورىندارعا الدىن الا اقشا تولەۋگە شابىتتاندىرۋ كەرەك. ٴتورتىنشى، ەكسپورتتىق قاجەتتى تاپسىرىستىڭ ازايۋ جاعدايىن كوزدە ۇستاي وتىرىپ، كاسىپورىنداردىڭ توراپتا كەڭەسۋىن، توراپتا كورمە وتكىزۋىن قولداپ، تاپسىرىستى ارتتىرۋدى ىرىقتىلىقپەن يگەرۋ كەرەك. حالىقاراداعى جۇقپالى اۋرۋ جاعدايىنىڭ جاڭا وزگەرىسىنە ساي، بيىلعى كوكتەم ماۋسىمىنداعى گۋاڭدوڭ جارمەنكەسىن اشۋدى كەشەۋىلدەتۋ ۋاقىتىن، سونداي-اق توراپتان پايدالانۋ قاتارلى تاسىلدەر ارقىلى جارمەنكە وتكىزۋ سياقتى بالاما جوبالاردى زەرتتەۋ كەرەك.

ماجىلىستە مىنالار ايتىلدى: ەلىمىزدىڭ حالىقارالىق اۆياتسيا جۇك تاسىمال قۋاتىندا كورنەكتى ولقىلىق ساقتالۋدا، جۇقپالى اۋرۋدىڭ سوققىسىنا ۇشىراعان حالىقارالىق اۆياتسيا جولاۋشىلار ايروپلانىنىڭ جۇك تاسىمال مولشەرى زور دارەجەدە تومەندەپ، ەلىمىزدىڭ حالىقارالىق اۋياتيسا جۇك تاسىمال كاسىبىنىڭ حالىقارالىق قامداۋ تىزبەگىنە ٴبىرشاما زور ىقپال جاسادى. ۇتىمدى شارالار قولدانىپ، ەلىمىزدىڭ حالىقارالىق اۆياتسيا جۇك تاسىمال قۋاتىن جوعارىلاتۋ ؛ ٴارى تاسىمالدى، قامداۋدى قامتاماسىز ەتۋ، ٴارى زات اينالىم حالىقارالىق باسەكەلىك قۋاتىن ارتتىرۋ كەرەك. ٴبىرىنشى، حالىقارالىق سەلبەستىكتى كۇشەيتىپ، حالىقارالىق جەدەل جولدامالار سياقتى اۆياتسيالىق جۇك تاسىمالىن ىركىلىسسىزدەندىرىپ، جۇقپالى اۋرۋ جاعدايى كەزىندە حالىقارالىق جۇك تاسىمال جەلىسىن ساياساتتىق قولداۋ كەرەك. ايروپلان جۇك تاسىمالىن ارتتىرۋ، ايروپلان كىلەڭ جۇك تاسىمال كاسىبىن دامىتۋ كەرەك. ٴتۇرلى مەنشىكتەگى اۆياتسيالىق جۇك تاسىمالىن دامىتۋعا تەڭ مامىلە جاساۋ، اۆياتسيا زات تاسىمالى كاسىپورىندارى مەن زات اينالىم كاسىپورىندارىن بىرلەسىپ قايتا ۇيىمداسۋعا جەبەۋ، جەدەل جەتكىزۋ كاسىپورىندارىنىڭ اۋە تاسىمالىن، شەتەلدەگى توراپ تاسىمالىن دامىتۋىن قولداۋ كەرەك. ەكىنشى، اۆياتسيا جۇك تاسىمال تورابىن كەمەلدەندىرۋ كەرەك. جۇك تاسىمال يقۋاتى ٴبىرشاما كۇشتى اۋەجايلار جونىنەن، قاربالاس مەزگىلدەگى جۇك تاسىمال كەزەكشى ايروپلاندارىنىڭ ۋاقىت شەكتەمەسىن ەركىنە قويا بەرۋ كەرەك. بەيجيڭ-تيانجين-حىبەي، چاڭجياڭ ءۇشبۇرىش ءوڭىرى، گۋاڭدۇڭ-شياڭگاڭ-اۋمىن جانە چىڭدۋ-چۇڭچيڭ قاتارلى جەرلەردەگى شارت-جاعداي ازىرلەگەن حالىقارالىق توراپ اۋەجايىندا 24 ساعات جۇمىس جۇرگىزۋ كەرەك. ٴۇشىنشى، اۆياتسيا جۇك تاسىمال ولشەمىن كەمەلدەندىرۋ، اۋياتسيا سەرىكتىگى، پوچتا جەدەل جەتكىزۋ كاسىبى، جۇك تاسىمال بەكەتى قاتارلىلاردىڭ ٴوزارا تەڭ يگىلىكتەنەتىن ينفورماتسيا تەكشەسىن قۇرۋ كەرەك. قازىرگى اۋەجاي قۇرىلعىلارىن ساپالاندىرىپ وزگەرتىپ قۇرۋ، توڭازىتىلعان زاتتار تاسىمال تىزبەگى، تەز جولداما زاتتاردى بولشەكتەپ تاسۋ قاتارلى قۇرىلعىلاردى كەمەلدەندىرۋ كەرەك. زات تاسىمالىن نەگىز ەتكەن اۋەجاي قۇرىلىسىن ىلگەرىلەتۋ كەرەك.

ماجىلىستە تاعى باسقا ىستەر زەرتتەلدى.

 

 اۋدارعان: قاناتبەك جۇماباي ۇلى

中央广播电视总台 央广网 版权所有

لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

ماجىلىستە تاعى باسقا ىستەر زەرتتەلدى