ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ۋاڭ ياڭ مەملەكەتتىك كەڭەستىڭ كەدەيلەردى سۇيەمەلدەۋ كەڭسەسىنە بارىپ تەكسەرۋ-زەرتتەۋ جۇرگىزگەندە فورماشىلدىق پەن تورەشىلدىكتى ٴسوز جوق جەڭۋ كەرەكتىگىن باسا دارىپتەدى

来源:جۇڭگو قازاق راديو تورابى     |责编:古丽美热|     发布日期: 2020-03-25 15:49

 

ٴوز حابارىمىز. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ ياڭ 3-ايدىڭ 24-كۇنى مەملەكەتتىك كەڭەستىڭ كەدەيلەردى سۇيەمەلدەۋ كەڭسەسىنە بارىپ تەكسەرۋ-زەرتتەۋ جۇرگىزدى ٴارى اڭگىمە ٴماجىلىس اشتى. ماجىلىستە ول مىنالاردى باسا دارىپتەدى: باس شۋجي شي جينپيڭنىڭ كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزۋ جونىندەگى اڭگىمە ماجىلىستە سويلەگەن ماڭىزدى ٴسوزىنىڭ رۋحىن ويداعىداي دايەكتىلەندىرۋدە جانە تياناقتاندىرۋدا، فورماشىلدىق پەن تورەشىلدىكتى ٴسوز جوق جەڭىپ، جالعاندىق-جاساندىلىق جايتتەرىن قاتاڭ ٴبىرجايلى ەتىپ، پارتيا ورتالىق كوميتەتىنىڭ ٴتۇرلى شەشىم-ورنالاستىرۋلارىنىڭ قاز ـ قالپىندا ناقتى تياناقتانۋىنا كەپىلدىك ەتىپ، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە باتىل قول جەتكىزۋ كەرەك.

ۋاڭ ياڭ جاڭا ٴتيپتى ايدارشا ۆيرۋسپەن جۇعىمدالعان وكپە قابىنۋ اۋىرۋىنىڭ كەدەيلىكتەن ارىلتۋدان قامال الۋ شايقاسىنا جاسايتىن ىقپالىنا توتەپ بەرۋ، تالداۋ جاساۋ مەحانيزمىن ورنالاستىرۋ، قۋزاۋ، جەتەكشىلىك ەتۋ جاعدايىن كوزدەن كەشىرىپ، كەدەيلەردى سۇيەمەلدەۋ كەڭسەسىنىڭ 3-ايدىڭ 6-كۇنى باس شۋجي شي جينپيڭنىڭ ماڭىزدى ٴسوزىنىڭ رۋحىن دايەكتى تياناقتاندىرۋ جاعدايى جايلى دوكلاتىن تىڭدادى ءارى گانسۋ ولكەلىك پارتكوم مەن گۇيجوۋ ولكەسى سۇڭ جياڭ اۋداندىق پارتكومنان كەلگەن باسشى جولداستارمەن بەينە ەكران ارقىلى تىلدەستى. ۋاڭ ياڭ وسى بارىستا مىنالاردى اتاپ كورسەتتى: كەدەيلىكتەن ارىلتۋدان قامال الۋ شايقاسىنىڭ شەشۋشى جەڭىسىنە قول جەتكىزۋ اڭگىمە ٴماجىلىسى- جۇقپالى اۋىرۋ تارالعاننان كەيىن پارتيا ورتالىق كوميتەتى اشقان تۇڭعىش ارناۋلى تاقىرىپتاعى قىزمەت ورنالاستىرۋ ٴماجىلىسى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە ايرىقشا ٴمان بەرگەندىگىن تولىق ىسپاتتادى. باس شۋجي شي جينپيڭنىڭ اڭگىمە ماجىلىستە سويلەگەن ماڭىزدى ٴسوزى ٴبىزدىڭ قىزمەتتى تىندىرىمدى ىستەۋىمىزدىڭ ٴتۇبىرلى ولشەمى، ونىڭ رۋحاني ٴمانىن ىشكەرىلەي ٴتۇسىنىپ، ساياسي تۇرعىنى شىنايى جوعارىلاتىپ، كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزۋدەگى جاۋاپكەرشىلىك سەزىم مەن كوكەيتەستىلىك سەزىمدى كۇشەيتۋ كەرەك. جۇقپالى اۋىرۋدىڭ ىقپالىنا بارىنشا ٴمان بەرىپ، كەدەي ەڭبەككۇشتەردى سىرت جەرگە بارىپ جۇمىس ىستەۋگە ۇيىمداستىرۋ، تۇتىنۋ ارقىلى كەدەيلەردى سۇيەمەلدەۋ قيمىلىن ورىستەتۋ، كەدەيلەردى سۇيەمەلدەۋ نىساندارىنىڭ جۇمىس باستاۋىن جەدەلدەتۋدەي قىزمەتتەردى ٴتۇيىندى تۇردە ايتارلىقتاي ىستەپ، جۇقپالى اۋىرۋ كەسىرىنەن كەلىپ شىققان زياننىڭ ورنىن تولتىرۋعا كۇش سالۋ كەرەك.

ۋاڭ ياڭ بىلاي دەپ باسا دارىپتەدى: كەدەيلىكتەن ارىلتۋدان قامال الۋ شايقاسى شەشۋشى كەزەڭگە تاياعان سايىن، شىندىققا جۇگىنىپ، ناقتى ٴىس جۇرگىزەتىن تاماشا ٴىستيلدى سولعۇرلىم ساۋلەلەندىرىپ، فورماشىلدىق پەن تورەشىلدىكتى باتىل شاۋجايلاۋ كەرەك. ۆيۆيسكا اسىپ، سوعىستى باقىلاۋ سوعىستى جۇرگىزۋ ٴۇشىن بولىپ تابىلادى، ەگەر قات-قابات ” باقىلاۋ “ بولماسا، وندا فورماشىلدىقتىڭ جاڭا ٴتۇرى قالىپتاسادى. ەگەر «باقىلاۋ» قىزمەتىن قات-قابات كۇشەيتەتىن بولساق «شايقاسقا» ىقپال جاسايتىن كورنەكتى ماسەلەگە اينالدى. جوعارى دارەجەلى ورىن ماسەلەنى تەك ورتاعا سالۋ عانا ەمەس، قايتا تومەن دارەجەلى ورىننىڭ ماسەلەنى شەشۋىنە كومەكتەسۋى، دەن قويۋى كەرەك. جۇقپالى اۋىرۋدان ساقتانۋ، جۇمىس پەن ٴوندىرىستى قالپىنا كەلتىرۋ بارىسىنداعى كوز بوياۋ جايتتەرىن ٴسوز جوق باتىل تۇزەتىپ جانە قاتاڭ ٴبىرجايلى ەتىپ، كەدەيلىكتەن ارىلتۋدان قامال الۋ ونىمدىلىگىنىڭ اماليات سىنىنان وتۋىنە شىنايى كەپىلدىك ەتۋ كەرەك.

ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حۋ چۇنحۋا تەكسەرۋ ـ زەرتتەۋدە بىرگە بولدى.


اۋدارعان: امانتاي مۇسايىپ ۇلى

中央广播电视总台 央广网 版权所有

ۋاڭ ياڭ مەملەكەتتىك كەڭەستىڭ كەدەيلەردى سۇيەمەلدەۋ كەڭسەسىنە بارىپ تەكسەرۋ-زەرتتەۋ جۇرگىزگەندە فورماشىلدىق پەن تورەشىلدىكتى ٴسوز جوق جەڭۋ كەرەكتىگىن باسا دارىپتەدى

ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حۋ چۇنحۋا تەكسەرۋ ـ زەرتتەۋدە بىرگە بولدى