ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

13 ـ كەزەكتى مەملەكەتتىك حالىق قۇرىلتايىنىڭ 3 ـ ءماجىلىسى بەيجيڭدە اشىلدى

来源:جۇڭگو قازاق راديو تورابى     |责编:达吾力别克 |     发布日期: 2020-05-22 15:46

ءوز حابارىمىز. 13-كەزەكتى مەملەكەتتىك حالىق قۇرىلتايىنىڭ 3-ءماجىلىسى 5-ايدىڭ 22-كۇنى تۇستەن بۇرىن حالىق سارايىندا اشىلدى.


شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جانە ءماجىلىس ءتورالقاسىنىڭ مۇشەلەرى ءتوراعالار مىنبەسىنەن ورىن الدى.


13-كەزەكتى مەملەكەتتىك حالىق قۇرىلتايىنىڭ 3-ماجىلىسىنە قاتىناسۋعا ءتيىستى ۋاكىل 2956 ادام. 5-ايدىڭ 22-كۇنى تۇستەن بۇرىنعى ماجىلىسكە 2897 ادام قاتىناستى، 59 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

تۇستەن بۇرىن ساعات 9 دا ءماجىلىس ءتورالقاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ جۇڭحۋا حالىق رەسپۋبليكاسى 13 ـ كەزەكتى مەملەكەتتىك حالىق قۇرىلتايى 3 ـ ءماجىلىسىنىڭ اشىلعاندىعىن جاريالادى. زالداعىلار تۇگەل ورىندارىنان تۇرىپ، مەملەكەت ءانىن اسقاقتاتا شىرقادى.


ىلە-شالا، ماجىلىسكە قاتىناسقاندار جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنان قۇربان بولعان قاھارماندارعا جانە قايتىس بولعان باۋىرلاستارعا ءۇنسىز ازا ءبىلدىردى.


ءماجىستىڭ كەڭەس تارتىبىنە ساي، لي كىچياڭ مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى. بايانداما جالپى 8 بولىمنەن قۇرالعان: 1-، 2019 – جىلعى جانە بيىلعى قىزمەتتەرگە شولۋ؛ 2-، بيىلعى دامۋدىڭ باستى نىسانالارى مەن كەلەسى كەزەڭدەگى قىزمەتتەر جايلى تۇلعالىق ورنالاستىرۋ؛ 3 -، ماكرولىق ساياساتتى اتقارۋ تەبىنىن ارتتىرىپ، كاسىپورىنداردى ورنىقتىرىپ، كاسىپتەنۋدى قامتاماسىزداندىرۋ؛ 4-، رەفورماعا سۇيەنىپ بازار تۇلعالارىنىڭ ومىرشەڭدىك كۇشىن تاسقىنداتىپ، دامۋدىڭ جاڭا قوزعاۋشى كۇشىن ارتتىرۋ؛ 5-، ىشكى سۇرانىمدى ۇلعايتۋ ستراتەگياسىن اتقارىپ، ەكونوميكانىڭ دامۋ تاسىلىندە جەدەل بۇرىلىس جاساۋدى جەبەۋ؛ 6-، كەدەيلىكتەن قۇتىلدىرۋدان قامال الۋ نىساناسىن جۇزەگە اسىرۋعا شىنايى كەپىلدىك ەتىپ، اۋىل شارۋاشىلىعىنان مول ءونىم الۋدى، شارۋالاردىڭ كىرىسىن ارتتىرۋدى ىلگەرلەتۋ؛ 7-، سىرتقا ەسىك اشۋدى اناعۇرلىم جوعارى دەڭگەيدە ىلگەرىلەتىپ، سىرتقى ساۋدا مەن شەتەل قارجىسىنىڭ نەگىزگى بەتالىسىن ورنىقتىرۋ؛ 8-، حالىق تۇرمىسىن قامتاماسىزداندىرۋ مەن جاقسارتۋدى وزەك ەتىپ، قوعامدىق ىستەر رەفورماسى مەن دامۋىن جەبەۋ.


لي كىچياڭ بىلاي دەدى: جاعدايعا جان – جاقتىلى تۇجىرىم جاساۋ نەگىزىندە، ءبىز جۇقپالى اۋرۋ تارالۋدان بۇرىن جاسالعان مەجەلى نىسانالارعا لايىقتى تەڭشەۋ جۇرگىزىپ، تۇتاس جىلداعى ەكونوميكانىڭ ارتۋ قارقىنى جايلى ناقتى نىسانانى ورتاعا قويمادىق، مۇندا، جۇمىسقا ورنالاستىرۋدى الدىمەن ورنىقتىرىپ، حالىق تۇرمىسىن قامتاماسىز ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزىپ، جاپپاي دوڭگەلەك داۋلەتتى قوعام قۇرۋدىڭ نىسانا ـ مىندەتتەرىن قۇلشىنا جۇزەگە اسىرۋ؛ قالا-قالاشىقتاردا تىڭنان 9 ميلليوننان استام ادامدى جۇمىستاندىرىپ، قالا-قالاشىقتاردا تەكسەرۋ بويىنشا جۇرگىزىلگەن كاسىپسىزدىك مولشەرىن %6 شاماسىندا، قالا-قالاشىقتاردا تىزىمگە الىنعان كاسىپسىزدىك مولشەرىن % 5.5 اينالاسىندا مەڭگەرۋ ؛ تۇرعىنداردىڭ تۇتىنۋ باعاسىنىڭ قىمباتتاۋ مولشەرىن %3.5 اينالاسىندا ۇستاۋ؛ يمپورت پەن ەكسپورتتى ورنىقتى جۇرگىزىپ جانە ساپاسىن جوعارىلاتىپ، حالىقارالىق كىرىس-شىعىستى نەگىزىنەن تەڭ يگەرۋ؛ تۇرعىندار كىرىسىن ارتتىرۋدى ەكونوميكانىڭ ارتۋىمەن نەگىزىنەن تەڭ قادامدا ىلگەرلەتۋ ؛ قازىرگى ولشەم بويىنشا اۋىل ـ قىستاقتاعى كەدەيلەردى تۇگەلدەي كەدەيلىكتەن قۇتىلدىرۋ، كەدەي اۋدانداردىڭ كەدەيلىك قالپاعىن تۇگەلدەي الىپ تاستاۋ؛ كەلەلى فينانس حاۋىپ-قاتەرلەردەن ءونىمدى ساقتانۋ جانە ونى تىزگىندەۋ؛ ىشكى ءوندىرىس جالپى قۇنىنداعى ەنەرگيانىڭ سارىپ ەتۋ مولشەرى مەن باستى لاس زاتتاردىڭ ىعىستىرىلۋ مولشەرىن ۇزدىكسىز تومەندەپ، ”13-بەسجىلدىق“ پلانداعى نىسانالىق مىندەتتەردى كۇش سالا ورىنداۋ كەرەك.


ءماجىلىستىڭ كەڭەس تارتىبىنە ساي، ماجىلىستە مەملەكەتتىك كەڭەستىڭ 2019-جىلعى حالىق شارۋاشىلىعى مەن قوعام دامۋ جوسپارىنىڭ اتقارىلۋ احۋالى جانە 2020-جىلعى حالىق شارۋاشىلىعى مەن قوعام دامۋ جوسپار جوباسى جونىندەگى بايانداماسى، 2020-جىلعى حالىق شارۋاشىلىعى مەن قوعام دامۋ جوسپار جوباسى، 2019-جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ احۋالى جانە 2020-جىلعى ورتالىق پەن جەرگىلىكتى ورىنداردىڭ مەجە ەسەپ جوباسى جونىندەگى بايانداماسى، سونداي-اق ورتالىق پەن جەرگىلىكتى ورىنداردىڭ 2020-جىلعى مەجە ەسەپ جوباسى تەكسەرىلدى.


مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ۋاڭ چىن ازاماتتىق ىستەر زاڭناماسىنىڭ جوباسى جونىندە تۇسىنىك جاسادى.


مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن ۋاڭ چىن مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ جونىندەگى زاڭ-ءتۇزىمى مەن اتقارۋ مەحانيزمىن ورناتۋ جانە كەمەلدەندىرۋ جونىندەگى قاۋلى جوباسى جايلى تۇسىنىك جاسادى.

اۋدارعان: نازار ءارىپ ۇلى

中央广播电视总台 央广网 版权所有

13 ـ كەزەكتى مەملەكەتتىك حالىق قۇرىلتايىنىڭ 3 ـ ءماجىلىسى بەيجيڭدە اشىلدى

13-كەزەكتى مەملەكەتتىك حالىق قۇرىلتايىنىڭ 3-ءماجىلىسى 5-ايدىڭ 22-كۇنى تۇستەن بۇرىن حالىق سارايىندا اشىلدى.