ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

شي جينپيڭ جينشاجياڭ وزەن ارناسىنداعى ۋدۇڭدى سۋ ەلەكتر ستانسياسىنىڭ تۇڭعىش توپتاعى گەناراتور تىزبەگىنىڭ وندىرىسكە قوسىلىپ، توك تاراتۋ جونىندە ماڭىزدى نۇسقاۋ بەردى

来源:جۇڭگو قازاق راديو تورابى     |责编:古丽美热|     发布日期: 2020-06-29 18:28

 

    ٴوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جۋىقتا جينشاجياڭ وزەن ارناسىنداعى ۋدۇڭدى سۋ ەلەكتر ستانسياسىنىڭ تۇڭعىش توپتاعى گەنەراتور تىزبەگىنىڭ وندىرىسكە قوسىلىپ ەلەكتر تاراتقانى جونىندە ماڭىزدى نۇسقاۋ بەرىپ،پارتيا ورتالىق كوميتەتى اتىنان تۇڭعىش توپتاعى گەنەراتور تىزبەگىنىڭ وندىرىسكە قوسىلعاندىعىن قۇتتىقتاپ، بارلىق قۇرىلىسشىلارعا جانە ينجەنەريا قۇرىلىسىنا ۇلەس قوسقان قالىڭ كادرلار مەن بۇقاراعا شىنايى سالەم جولدادى. 

    شي جينپيڭ مىنالاردى باسا دارىپتەدى: ۋدۇڭدى سۋ ەلەكتر ستانسياسى-«باتىستىڭ ەلەكترىن شىعىسقا جەتكىزۋدىڭ»مەملەكەتتىك ماڭىزدى ينجەنەرياسى. جولداستاردىڭ قۇلشىنا ىستەپ، جاڭا دامۋ تانىمىنا تاباندى بولىپ، عىلىم ـ تەحنيكانىڭ تىڭ بەلەسىن باعىندىرۋعا باتىل بولىپ، سوڭعى ينجەنەريالىق قۇرىلىس مىندەتتەرىن جوعارى ولشەممەن، جوعارى ساپامەن ورىنداپ،ۋدۇڭدى سۋ ەلەكتر ستانسياسىن سارا ينجەنەرياعا اينالدىرۋعا قۇلشىنۋلارىڭىزدى ٴۇمىت ەتەمىن. ەكولوگيانى الدىمەن ەسكەرۋگە، جاسىل دامۋعا تاباندى بولىپ، جينشاجياڭ وزەنى سۋ ەنەرگياسى بايلىعىن عىلمي اشىپ، ٴتارتىپتى ىلگەرىلەتىپ، جينشاجياڭ وزەنى الابىن قورعاۋ بارىسىندا دامىتىپ، دامىتۋ بارىسىندا قورعاپ،حالىققا تىپتى دە كوپ باقىت جاراتۋ كەرەك.

 
    ۋدۇڭدى سۋ ەلەكتر ستانسياسىنىڭ العاشقى توپتاعى گەناراتور تىزبەگىنىڭ وندىرىسكە قوسىلىپ توك تاراتۋ سالتى 6-ايدىڭ 29-كۇنى كەسكىن ارقىلى وتكىزىلدى. بەيجيڭدە نەگىزگى ماجىلىس مايدانى قۇرىلدى، يۇننان، سىچۋان قاتارلى جەرلەردە بولىمشە ٴماجىلىس مايدانى قۇرىلدى، سالتتا شي جينپيڭنىڭ ماڭىزدى نۇسقاۋى جەتكىزىلدى. 

    ۋدۇڭدى سۋ ەلەكتر ستانسياسى يۇننان ولكەسى كۇنميڭ قالاسىنىڭ لۇچۋان اۋدانى مەن سىچۋان ولكەسى لياڭشان وبلىسى حۇيدۇڭ اۋدانىنىڭ شەكاراسىنا ورنالاسقان. جۇڭگو چاڭجياڭ ٴۇش قىساڭ توبى شەكتى سەرىكتىگى 2015-جىلى 12-ايدا جالپى بەتتىك قۇرىلىس باستادى،گەناراتور جالپى سيىمدىلىعى 10 ميلليون 200 مىڭ كيلوۆات، جىلىنا ورتا ەسەپپەن توك تاراتۋ مولشەرى 38 ميلليارد 910 ميلليون كيلوۆات ساعاتقا جەتەدى. سۋ ەلەكتر ستانسياسىنىڭ بارلىق گەناراتور تىزبەگى 2021-جىلى 7-ايدان بۇرىن سالىنىپ وندىرىسكە قوسىلاتىندىعى جوسپارلانعان.


اۋدارعان: كۇلان ىرىسباي قىزى

中央广播电视总台 央广网 版权所有

شي جينپيڭ جينشاجياڭ وزەن ارناسىنداعى ۋدۇڭدى سۋ ەلەكتر ستانسياسىنىڭ تۇڭعىش توپتاعى گەناراتور تىزبەگىنىڭ وندىرىسكە قوسىلىپ، توك تاراتۋ جونىندە ماڭىزدى نۇسقاۋ بەردى

سۋ ەلەكتر ستانسياسىنىڭ بارلىق گەناراتور تىزبەگى 2021-جىلى 7-ايدان بۇرىن سالىنىپ وندىرىسكە قوسىلاتىندىعى جوسپارلانعان