ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

«نۇرلى بەينە-كەدەيلىكتەن ارىلتۋدان قامال الۋ شايقاسىنىڭ الدىنعى شەبىندە كۇرەس جاساپ جاتقان كوممۋنيستەر» ياڭ فىڭجي تاۋلى رايونداعى ليزۋ ۇلتى بۇقاراسىن اۋقاتتانۋعا باستادى

来源:جۇڭگو قازاق راديو تورابى     |责编:阿依娜古丽|     发布日期: 2020-06-30 16:09


    57 جاستاعى ياڭفىڭجي حاينان ولكەسى بايشا ليزۋ ۇلتى اۆتونوميالى اۋدانى دا-ان قالاشىعىندا تۋىلىپ وسكەن ليزۋ ۇلتى كادرى. ول قازىر دا-ان قالاشىعىنىڭ ورىنباسار باستىعى جانە تيان بياۋ قىستاعى تۇرعىندار كوميتەتى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى قاتارلى مىندەتتەردى اتقارۋدا، 2017-جىلى پارتيا 19-قۇرىلتايىنىڭ ۋاكىلى، 2018-جىلى مەملەكەتتىك ساياسي كەڭەستىڭ مۇشەسى بولىپ سايلانعان. ول تاۋلى رايونداعى ليزۋ بۇقاراسىن كەدەيلىكتەن قۇتىلۋعا باستاپ، قاراپايىم قىزمەت ورنىندا ەلەۋلى ەڭبەك ٴسىڭىرىپ، تاماشا ناتيجە جاراتتى.


    20 نەشە جىلدىڭ الدىندا، ياڭفىڭجي اۋىلداستاردىڭ قىسقا ٴجىپ كۇرمەۋگە كەلمەيتىن قيىنشىلىعىن كورىپ، قىستاق تۇرعىندارىن باستاپ كاۋچۇك اعاشىن سىناق رەتىندە ەگۋدى ۇيعارعان ەدى. ول ٴار وتباسىنا بارىپ يدەيالىق قىزمەتتەر ىستەپ، كاۋچۇك ورۋ ونەرىن وزدىگىنەن ۇيرەنىپ، جۇڭگو ىستىق بەلدەۋ اۋىل شارۋاشىلىق عىلىم اكادەمياسىنا بارىپ مامانداردى ٴوز قىستاعىنداعى تۇرعىندارعا كاۋچۇك ەگۋدى، ورۋدى ۇيرەتۋگە ۇسىنىس ەتىپ، اۋىلداستارىن ەرتىپ قاعىر جون-جوتالاردى كاۋچۇك باقشاسىنا اينالدىرادى. ونىڭ باستاۋىندا، تيان بياۋ قىستاعىنداعىلاردىڭ كوڭىلى ٴجاي تاۋىپ، كاۋچۋك ەگۋدىڭ پايداسىن كوردى.


    قىستاق تۇرعىندارى اۋقاتتانعانىمەن، جاڭا قيىن ماسەلەلەر ارت-ارتىنان بەلەڭ بەرىپ وتىردى. كاۋچۇك كاسىبىنىڭ قۇرىلىمى جالاڭ، حاۋىپ-قاتەرى وتە زور، ياڭ فىڭجي باسقا دا اۋقاتتانۋ جولدارىن بەلسەنە قاراستىرىپ، كاۋچۋك باعاسىنىڭ قىمباتتاۋى مەن ارزانداۋىنان تۋىنداعان تولقۋدى باستى. 2007 ـ جىلى ول اۋىلعا قايتىپ كاسىپ جاراتقان حۋان جينفاڭمەن بىرلىكتە كاۋچۇك باقشاسى ساياسىنداعى بوس جەردەن پايدالانىپ، تاۋىق باعىمشىلىعىمەن اينالىسىپ، بايۋدىڭ جاڭا جولىن تاپتى.


    قازىرگى تيان بياۋ قىستاعىنىڭ كاسىپ سالاسى دا ٴوز كەزىندەگى جالاڭ كۇرىش ەگۋدەن دامىپ، وتباسى سايىن كۇرىش اتىزى، كاۋچۇك باعى، تاۋىعى بار شالقىعان كۇيگە ويىستى. ياڭ فىڭجي بىلاي دەدى: «ٴبىز باقشا ساياسىنداعى بوس جەر ەكونوميكاسىن زور كۇشپەن دامىتتىق، تاعى حولۇڭگو جەمىسىن ٴوسىرۋ سەلبەستىك كوپەراتيۆىن قۇرىپ، توڭىرەكتەگى 75 كەدەي وتباسىن جۇمىسقا ورنالاستىردىق. 2019-جىلى قىستاق تۇرعىندارىنىڭ جان باسىندىق كىرىسى 11 مىڭ يۋانداي بولىپ، قىستاقتاعى كەدەي وتباسىلارى تۇگەلدەي كەدەيلىكتەن ارىلىپ، الىس ـ جاقىنعا تانىمالى باي قىستاققا اينالدى.


    حاينان ەركىن ساۋدا پورتى قۇرىلىسىنىڭ ىلگەرىلەۋىنە ىلەسە، تەگىندەگى كەدەي قىستاقتاردا جەر مەن كوكتەي وزگەرىستەر بولىپ جاتىر. وسىنشاما زور وزگەرىستەردى كورگەن ياڭ فىڭجيدىڭ قۋانىشى قوينىنا سيمادى، جۇرتتاستاردىڭ حايناننىڭ دامۋ ورايىن مىقتى يگەرىپ ، تەز ارادا دوڭگەلەك داۋلەتتى ورەگە جەتۋىن ٴتورت كوزبەن كۇتۋدە.

 

 اۋدارعان: امانتاي مۇسايىپ ۇلى

中央广播电视总台 央广网 版权所有

«نۇرلى بەينە-كەدەيلىكتەن ارىلتۋدان قامال الۋ شايقاسىنىڭ الدىنعى شەبىندە كۇرەس جاساپ جاتقان كوممۋنيستەر» ياڭ فىڭجي تاۋلى رايونداعى ليزۋ ۇلتى بۇقاراسىن اۋقاتتانۋعا باستادى

قىستاق تۇرعىندارى اۋقاتتانعانىمەن، جاڭا قيىن ماسەلەلەر ارت-ارتىنان بەلەڭ بەرىپ وتىردى. كاۋچۇك كاسىبىنىڭ قۇرىلىمى جالاڭ، حاۋىپ-قاتەرى وتە زور، ياڭ فىڭجي باسقا دا اۋقاتتانۋ جولدارىن بەلسەنە قاراستىرىپ، كاۋچۋك باعاسىنىڭ قىمباتتاۋى مەن ارزانداۋىنان تۋىنداعان تولقۋدى باستى.