ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ىزدەنۋ جۋرنالدا «باس شۋجي شي جينپيڭنىڭ ” اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن قورىتىندىلاۋ جينالىسىندا سويلەنگەن ٴسوزى» دەگەن تاقىرىپتاعى ماڭىزدى ماقالاسى جاريالانادى

来源:جۇڭگو قازاق راديو تورابى     |责编:阿依娜古丽|     发布日期: 2020-06-30 17:30

 

ٴوز حابارىمىز. 7 ـ ايدىڭ 1 ـ كۇنى باسپادان شىعاتىن «ىزدەنۋ» جۋرنالىنىڭ 13 ـ سانىندا ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“نەگىزگى تاقىرىپتىق تاربيەسىن قورىتىندىلاۋ جينالىسىندا سويلەگەن ٴسوزى» دەگەن تاقىرىپتاعى ماڭىزدى ماقالاسى جاريالانادى.


    ماقالادا مىنالار باسا دارىپتەلدى: پارتيامىز عاسىرلىق ٴىرى پارتيا رەتىندە، باستان-اياق حالىقتىڭ قۋاتتاۋى مەن قولداۋىنا يە بولىپ، جۇڭحۋا ۇلتتارىنىڭ ماڭگىلىك ۇلى ىستەرىن ورىنداۋدا اۋەلگى ماقسات پەن بورىشتىٴسوز جوق، باستان-اياق ەستە بەرىك ساقتاپ، پارتيانىڭ العاباسارلىعىن السىرەتەتىن، پارتيانىڭ كىرشىكسىزدىگىنە زيان جەتكىزەتىن بارلىق فاكتورلاردى جانە پارتيانىڭ تۇلعاسىنا تۇسكەن بارلىق ۋلى وسپەنى باتىل الاستاپ، اۋەلگى ماقسات پەن بورىشقا قايشى كەلەتىن، پارتيانىڭ نەگىزىن شايقالتاتىن حاۋىپ-قاتەردەن باتىل ساقتانۋى كەرەك.


    ماقالادا مىنالار اتاپ كورسەتىلدى: بۇل رەتكى نەگىزگى تاقىرىپتىق تاربيە جاڭا داۋىردە پارتيانىڭ وزىندىك توڭكەرىسىن تەرەڭدەتىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتۋدىڭ جاندى امالياتى رەتىندە، بۇكىل پارتيانىڭ يدەيالىق جاقتاعى بىرلىگىن، ساياسي جاقتاعى ىنتىماعىن، ارەكەت جاقتاعى بىرلىگىن جەبەدى. پارتيامىزدىڭ «ٴتورت ۇلى» كۇرەستى ٴبىر تۇتاس مەڭگەرىپ، «قوس 100 جىلدىق» كۇرەس نىساناسىن جۇزەگە اسىرۋى ٴۇشىن يدەيا، ساياسي، ۇيىمدىق، ستيل جاقتان پارمەندى اتتانىسقا كەلتىرۋدە، كەلەلى جانە تەرەڭ تاريحي ىقپالعا يە.


    ماقالادا مىنالار اتاپ كورسەتىلدى: وسى رەتكى نەگىزگى تاقىرىپتىق تاربيە ٴار رەتكى پارتيا ىشىندەگى شوعىرلى تاربيە تاجىريبەلەرىن قورىتىندىلاپ، جاڭا داۋىردە پارتيا ىشىندە شوعىرلى تاربيەنى ورىستەتۋ جونىندە تىڭ ىزدەنىستەر جاساپ، تىڭ تاجىريبەلەر توپتادى. ٴبىرىنشى، نازاردى نەگىزگى تاقىرىپقا شوعىرلاندىرىپ، نەگىزگى جەلىنى مىقتاپ ارقاۋ ەتۋ . ەكىنشى، جوعارى تومەنگە جەتەكشىلىك ەتىپ، ۇلگى كورسەتىپ جەتەكشىلىك ەتۋ . ٴۇشىنشى، ورگانيكالى توعىسىپ، ٴبىر تۇلعالاندىرىپ ىلگەرىلەتۋ. ٴتورتىنشى، ماسەلەلەردى قاداعالاپ، دالمە-ٴدال رەتتەۋ-تۇزەتۋ. بەسىنشى، قاتاڭ باقىلاپ، ناقتى جەتەكشىلىك ەتىپ، ىشكى-سىرتقى كۇشتى توپتاۋ. التىنشى، قۇر اتاقتان ساقتانىپ، ناقتى ونىمدىلىككە قول جەتكىزۋ كەرەك. ناتيجەلەردى تولىق تۇراقتاندىرۋمەن بىرگە، ساقتالعان ماسەلەلەردى دە سەرگەكتىكپەن كورە ٴبىلۋ كەرەك. جاقسى باستاپ، جاقسى اياقتاتىپ، جاقسى ىستەپ، جاقسى ناتيجە جاراتۋ كەرەك. پارتيانى جاپپاي قاتاڭ جونگە سالۋ تالابىن شىنايى تياناقتاندىرۋ كەرەك.


    ماقالادا مىنالار اتاپ كورسەتىلدى: قازىرگى دۇنيە ٴجۇز جىلدا بولماعان زور وزگەرىستەردى باستان كەشىرۋدە. ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، پارتيامىز حالىقتى باستاپ كوپتەگەن جاڭا تاريحي ەرەكشەلىككە يە ۇلى كۇرەستەر جۇرگىزۋدە .اۋقىم مەن ورتانىڭ وزگەرىسى جيلەپ، رەفورما، دامۋ، ورنىقتىلىق مىندەتى اۋىر بولىپ، قايشىلىق، حاۋىپ ـ قاتەر، سىن-سايىستار كوبەيىپ، پارتيامىزدىڭ ەل باسقارىپ بيىلىك جۇرگىزۋى بۇرىن بولىپ كورمەگەن سىندارعا دۇپ كەلۋدە.


    ماقالادا مىنالار اتاپ كورسەتىلدى: بۇكىل پارتيا وسى رەتكى نەگىزگى تاقىرىپتىق تاربيەنى تىڭ باستاما ەتۋى كەرەك. پارتيانىڭ وزىندىك توڭكەرىسىن ۇزدىكسىز تەرەڭدەتىپ، بۇكىل پارتيانىڭ اۋەلگى ماقساتتى ۇمىتپاي، بورىشتى ەستە بەرىك ساقتاۋدى ۇزدىكسىز ىلگەرىلەتۋ كەرەك . اۋەلگى ماقساتتى ۇمىتپاي، بورىشتى ەستە بەرىك ساقتاۋ ٴۇشىن، ٴسوز جوق، پارتيا قۇرىلىسىن كۇشەيتۋدى ماڭگىلىك تاقىرىپ جانە بارلىق پارتيا مۇشەلەرى مەن كادرلاردىڭ ومىرلىك تاقىرىبى رەتىندە ۇنەمى مىقتى يگەرۋ كەرەك؛ ٴسوز جوق، ماركسيزمنىڭ جۇڭگوشالانۋىنىڭ ەڭ جاڭا جەتىستىكتەرى ارقىلى يدەيانى، ەرىك ـ جىگەردى، ارەكەتتى بىرلىككە كەلتىرۋ؛ ماسەلەگە دۇرىس قاراۋ باتىلدىعى جانە پىشاقتىڭ ٴدۇزىن ىشكە قاراتۋ سانالىلىعىمەن پارتيانىڭ وزىندىك توڭكەرىسىن ۇزدىكسىز ىلگەرىلەتۋ كەرەك؛ كۇرەس رۋحىن، ٴسوز جوق، ساۋلەلەندىرىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتۋ؛ پارتيا ىشىندەگى ٴتۇزىمدى كەمەلدەندىرىپ جانە دامىتىپ، باياندى مەحانيزم قالىپتاستىرۋ؛ باسشىلىق ەتەتىن ورگاندار مەن باسشى كادرلار باستاماشى بولۋعا تاباندى بولۋ كەرەك.


    ماقالادا مىنالار باسا دارىپتەلدى: جاعداي نەعۇرلىم قيىن، نەعۇرلىم كۇردەلى بولعان سايىن، باسشىلىق ەتەتىن ورگاندار مەن باسشى كادرلار تاباندىلىقتى ساقتاپ،العان بەتىنەن قايتپاي، ناقتىلى ىستەردى تىندىرىپ، جاۋاپكەرشىلىك ارقالاۋى كەرەك. ٴار دارەجەلى باسشىلىق ورگاندار مەن باسشى كادرلار باستاماشىلدىقپەن ” ٴتورت تانىم“ دى كۇشەيتىپ، ”ٴتورت سەنىم“ دى بەكەمدەپ، ”ەكىنى قورعاۋ“ دى ورىنداپ، ٴار ۇلت حالقىن ىنتىماقتاستىرىپ جانە باستاپ، العا باسۋ جولىنداعى ٴتۇرلى قيىنشىلىقتار مەن كەدەرگىلەردى باتىلدىقپەن جەڭۋى كەرەك.

中央广播电视总台 央广网 版权所有

ىزدەنۋ جۋرنالدا «باس شۋجي شي جينپيڭنىڭ ” اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن قورىتىندىلاۋ جينالىسىندا سويلەنگەن ٴسوزى» دەگەن تاقىرىپتاعى ماڭىزدى ماقالاسى جاريالانادى

7 ـ ايدىڭ 1 ـ كۇنى باسپادان شىعاتىن «ىزدەنۋ» جۋرنالىنىڭ 13 ـ سانىندا ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“نەگىزگى تاقىرىپتىق تاربيەسىن قورىتىندىلاۋ جينالىسىندا سويلەگەن ٴسوزى» دەگەن تاقىرىپتاعى ماڭىزدى ماقالاسى جاريالانادى.