ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

جۇڭگو ـ شاڭحاي سەلبەستىك ۇيىمىنىڭ جەرگىلىكتى ەكونوميكا ـ ساۋدا سەلبەستىگىنەن ۇلگى كورسەتۋ رايونىندا «ٴبىر بەلدەۋ، ٴبىر جول» حالىقارالىق سەلبەستىك تىڭ تەكشەسى سومدالدى

来源:جۇڭگو قازاق راديو تورابى     |责编:古丽美热|     发布日期: 2020-07-11 10:57

 

ٴوز حابارىمىز. 2018-جىلى وتكىزىلگەن شاڭحاي سەلبەستىك ۇيىمىنىڭ چيڭداۋ باسشىلار ماجىلىسىندە ٴتوراعا شي جينپيڭ بىلاي دەپ جاريالادى: جۇڭگو ۇكىمەتى چيڭداۋدا جۇڭگو-شاڭحاي سەلبەستىك ۇيىمىنىڭ جەرگىلىكتى ەكونوميكا-ساۋدا سەلبەستىگىنەن ۇلگى كورسەتۋ رايونىن قۇرۋدى قولدايدى. ەكى جىلدان استام ۋاقىتتان بەرى، چيڭداۋ قالاسى «زات اينالىمىن باستى ورىنعا قويۋ، شەكارا اتتاپ دامۋ، ساۋداعا جەتەكشىلىك ەتۋ، ٴوندىرىس قۋاتى سەلبەستىگى» سىندى دامۋ ۇلگىسى بويىنشا « ٴبىر بەلدەۋ، ٴبىر جول» جاڭا ازيا-ەۆروپا قۇرلىق كوپىرى ەكونوميكالىق ٴدالىزى قۇرىلىسى جانە تەڭىزدەگى سەلبەستىك رولىن ٴتىپتى دە جاقسى ساۋلەلەندىرىپ، جۇڭگونىڭ شاڭحاي سەلبەستىك ۇيىمىنا مۇشە ەلدەرمەن سەلبەستىگىنىڭ تىڭ ۇلگىسىن قالىپتاستىردى. 

    چيڭداۋدا جۇڭگو-شاڭحاي سەلبەستىك ۇيىمىنىڭ جەرگىلىكتى ەكونوميكا-ساۋدا سەلبەستىگى ۇلگى رايونىن قۇرۋداعى ماقسات-«ٴبىر بەلدەۋ، ٴبىر جول» حالىقارالىق سەلبەستىگىنىڭ جاڭا تەكشەسىن جاراتىپ، ەلىمىزدىڭ شاڭحاي سەلبەستىك ۇيىمىنا مۇشە ەلدەرمەن بايلانىسىن كۇشەيتىپ، شىعىس پەن باتىس قوس باعىتتا ٴوزارا كومەكتەسەتىن، قۇرلىق پەن تەڭىز سايكەستىرىلگەن اشىق ۇستاۋ جاعدايىن كۇش سالا ىلگەرىلەتۋ ٴۇشىن. 2018-جىلى وتكىزىلگەن شاڭحاي سەلبەستىك ۇيىمىنىڭ چيڭداۋداعى باسشىلار ماجىلىسىندە ٴتوراعا شي جينپيڭ ماڭىزدى ٴسوز سويلەپ، ورتاق دامىپ، الۋەتتەنۋدىڭ قۋاتتى قوزعاۋشى كۇشىن قالىپتاستىرۋ كەرەكتىگىن اتاپ كورسەتتى. 

    ٴتوراعا شي جينپيڭ بىلاي دەدى: ٴبىز دامۋ ستراتەگيالارىن ۇشتاستىرۋدى جەبەۋىمىز كەرەك. ورتاق اقىلداسۋ، بىرلىكتە قۇرۋ، تەڭ يگىلىكتەنۋ پرينسيبى بويىنشا، «ٴبىر بەلدەۋ، ٴبىر جول» قۇرىلىسىن جەبەپ، وڭىرلىك ساۋدانى قولايلاندىرۋ اياق الىسىن ىلگەرىلەتىپ، حالىقارالىق جول تاسىمالىن قولايلاندىرۋ كەلىسىمى سياقتى سەلبەستىك قۇجاتتارىن جەدەل تياناقتاندىرۋ كەرەك. 

    ەكى جىلدان استام ۋاقىتتان بەرى، شاڭحاي سەلبەستىك ۇيىمى وسى ۇيىمعا مۇشە ەلدەردىڭ ەكونوميكا-ساۋدا سەلبەستىگى ۇلگىسىندە جاڭالىق جاراتۋ جايلى بەلسەنە ىزدەنىستەر جاساپ، شاڭحاي سەلبەستىك ۇيىمىنىڭ كوشىرىپ قولدانۋعا، جالپىلاستىرۋعا بولاتىن ٴبىرسىپىرا جەرگىلىكتى ەكونوميكا-ساۋدا سەلبەستىگى تاجىريبەلەرى مەن ادىستەرىن بىرتىندەپ قالىپتاستىردى. 

    7-ايدىڭ 6-كۇنى تۇستەن بۇرىن، جاپونيا مەن حانگونىڭ اۆتوكولىك بالونى، اۆتوكولىك بولشەكتەرى، ەلەكتروندىق جابدىقتار سياقتى زاتتارى تيەلگەن چيلۋ ماركالى ەۆروپا-ازيا كەزەكشى پويەزدەرىنىڭ «شاڭحاي سەلبەستىك ۇيىمىنىڭ تەز جەلىسى» اتىنداعى كەزەكشى پويەزى شاندۇڭنىڭ چيڭداۋ قالاسىنداعى شاڭحاي سەلبەستىك ۇيىمى ۇلگى رايونىنىڭ كوپ فورمالى ۇلاسپالى تاسىمال ورتالىعىنان جولعا شىقتى، 12 كۇننەن كەيىن قازاقستاننىڭ الماتى قالاسىنا جەتەدى. شاڭحاي سەلبەستىك ۇيىمى كوپ فورمالى ۇلاسپالى تاسىمال ورتالىعى بازار ٴبولىمىنىڭ مەڭگەرۋشىسى جاڭ جاۋ يۇي تانىستىرىپ بىلاي دەدى: بيىل جىل باسىنان بەرى، چيلۋ ماركالى ەۆروپا-ازيا كەزەكشى پويەزدەرىنىڭ قاتىناۋ مولشەرى ۇقساس مەزگىلدەگىدەن %40 ارتتى. 

    جاپونيا، حانگو جانە ەلىمىزدىڭ توۆارلارى شاڭحاي سەلبەستىك ۇيىمىنىڭ ۇلگى رايونى ارقىلى باتىس ەلدەرىنە جونەلتىلدى. شاڭحاي سەلبەستىك ۇيىمىنىڭ جانە «ٴبىر بەلدەۋ، ٴبىر جول» بويىنداعى قاتىستى ەلدەردىڭ توۆارلارى دا شىعىسقا ۇزدىكسىز جوتكەلۋدە. شاندۇڭنىڭ يىڭپۋ اۋىل شارۋاشىلىق سەرىكتىگى رەسەيدە 100 مىڭ گەكتار ساپالى سويا بۇرشاق ەكتى. وسىدان بۇرىن يمپورتتىڭ بارلىعى شەكارا وتكەلىندەگى ساۋدا ارقىلى جاسالاتىن بولىپ، تاسىمال نارقى جوعارى، قارجىنىڭ يەمدەلۋ مەرزىمى ۇزاق بولاتىن. الايدا قازىر شاڭحاي سەلبەستىك ۇيىمى ۇلگى رايونىنىڭ «كەدەننەن وتكىزۋدەگى ءبىر تۇلعالاندىرۋ» رەفورماسى قىرۋار ۋاقىت جانە تاسىمال نارقىن ۇنەمدەدى. 

    شاڭحاي سەلبەستىك ۇيىمىنىڭ ۇلگى رايونى تاعى ساياساتتان قامال الۋ، تۇعىر ورناتۋ، يقۋاتتارىن كوبەيتۋ، لەنياسىن كەڭەيتۋ، تۇزىمدە جاڭالىق جاراتۋ سياقتى جاقتاردا كەشەندى شارا قولدانىپ، حالىقارالىق ساۋدانىڭ دامۋىن قولدايتىن 20 ٴتۇرلى ساياساتتى ورتاعا قويىپ، حالىقارالىق قارجى قوسۋ جانە ساۋدا ەرەجەسىمەن ۇشتاساتىن ٴتۇزىم جۇيەسىن جەدەل قالىپتاستىرىپ، حالىقارالىق ساۋدا تۇلعالارىنىڭ شوعىرلانۋىن جەدەلدەتۋدە. 

    شەتەل ساۋداگەرلەرىنىڭ قارجى قوسۋىنا ارنالعان زاڭمەن باسقارىلاتىن، حالىقارالانعان، قولايلى ورتا شاڭحاي سەلبەستىك ۇيىمىنا مۇشە ەلدەردىڭ ساۋدا بىرلەستىكتەرىن جانە كاسىپورىنداردى شاڭحاي سەلبەستىك ۇيىمىنىڭ ۇلگى كورسەتۋ رايونىنا بارىپ قارجى قوسىپ، شارۋاشىلىعىن شالقىتۋعا كوپتەپ باۋراۋدا. بيىل ۇستەگى جارىم جىلدا، جۇقپالى اۋرۋدىڭ ىقپالىنا ۇشىراعانىمەن، شاڭحاي سەلبەستىك ۇيىمىنا مۇشە ەلدەردىڭ قارجى قوسۋ قىزعىندىلىعى كەمىمەدى. رەسەي، قازاقستان قاتارلى كوپتەگەن ەلدىڭ كاسىپكەرلەرى بىرلەسىپ قارجى قوسقان چيڭداۋ باۋمان حالىقارالىق ەكونوميكالىق-تەحنيكالىق سەلبەستىك شەكتى جارنا سەرىكتىگىنىڭ باس ديرەكتورى چىڭ جيسى تانىستىرىپ بىلاي دەدى: شاڭحاي سەلبەستىك ۇيىمى ۇلگى رايونىنىڭ قاتىناس قولايلىلىعى ابزالدىلىعىنا سەنىممەن قارايمىن، قىسقا عانا ۋاقىت ىشىندە ساۋداعا تيىمدىلىك ساياساتى، كەدەنگە قولايلىلىق جاساۋ ساياساتى سياقتىلار شىعارىلدى، ٴبىز وسى ورايعا ۇمىتپەن قارايمىز، جۇڭگو بازارىنا سەنىمىمىز كامىل. 

    شاڭحاي سەلبەستىك ۇيىمىنىڭ ۇلگى رايونى قازىر رەسەي قاتارلى 10 ەلمەن ايىرىقشا توۆارلاردى جارمەنكەگە قويىپ ساتۋ، جاسىل اۋىل شارۋاشىلىق ونىمدەرىن يمپورت ەتۋدەي 42 ٴتۇرلى سەلبەستىك ورتاق تانىمىنا كەلدى. بيىل 1-ايدان 5-ايعا دەيىن، شاڭحاي سەلبەستىك ۇيىمى ۇلگى رايونىنىڭ تۇراقتى مۇلىككە قوسقان قارجىسى وتكەن جىلدىڭ ۇقساس مەزگىلىندەگىدەن %58.6، سىرتقى ساۋدا يمپورت-ەكسپورتى %13، ونەركاسىپتىڭ ارتقان قۇنى %20 جوعارىلادى. شاڭحاي سەلبەستىك ۇيىمى ۇلگى رايونىن باسقارۋ كوميتەتىنىڭ ورىنباسار مەڭگەرۋشىسى مىڭ چيڭشىڭ بىلاي دەدى: شاڭحاي سەلبەستىك ۇيىمىنىڭ ۇلگى رايونى « ٴبىر بەلدەۋ، ٴبىر جول» حالىقارالىق سەلبەستىگىنىڭ جاڭا تەكشەسىن قۇرۋعا ۇزدىكسىز دەن قويىپ، تيجارات-ساۋدا ورتاسى ارقىلى جۇمىستاردى ايتارلىقتاي جۇرگىزۋگە كەپىلدىك ەتەدى.


اۋدارعان: امانتاي مۇسايىپ ۇلى

中央广播电视总台 央广网 版权所有

جۇڭگو ـ شاڭحاي سەلبەستىك ۇيىمىنىڭ جەرگىلىكتى ەكونوميكا ـ ساۋدا سەلبەستىگىنەن ۇلگى كورسەتۋ رايونىندا «ٴبىر بەلدەۋ، ٴبىر جول» حالىقارالىق سەلبەستىك تىڭ تەكشەسى سومدالدى

وڭىرلىك ساۋدانى قولايلاندىرۋ اياق الىسىن ىلگەرىلەتىپ، حالىقارالىق جول تاسىمالىن قولايلاندىرۋ كەلىسىمى سياقتى سەلبەستىك قۇجاتتارىن جەدەل تياناقتاندىرۋ كەرەك