ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

مەملەكەتتىك ساياسي كەڭەس توراپ ارقىلى ۇكىمەت ىسىنە كەڭەس بەرۋ الىس ارالىقتى كەڭەس ٴماجىلىسىن اشتى

来源:جۇڭگو قازاق راديو تورابى     |责编:古丽美热|     发布日期: 2020-07-11 10:58

 

ٴوز حابارىمىز. مەملەكەتتىك ساياسي كەڭەس 7-ايدىڭ 10-كۇنى بەيجيڭدە «اتا-انالارى جۇمىس بابىمەن سىرت جەرگە كەتكەندە اۋىلدا قالعان قارتتار مەن بالالارعا قامقورلىق جاساۋ» تاقىرىبىنداعى توراپ ارقىلى ۇكىمەت ىسىنە كەڭەس بەرۋ الىس ارالىقتى كەڭەس ٴماجىلىسىن اشتى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ ياڭ ٴماجىلىستى باسقاردى ٴارى ٴسوز سويلەپ مىنالاردى باسا دارىپتەدى: باس شۋجي شي جينپيڭنىڭ اتا-انالار جۇمىس بابىمەن سىرت جەرگە كەتكەندە اۋىلدا قالعان قارتتار مەن بالالارعا قامقورلىق جاساۋ قىزمەتىن ويداعىداي ىستەۋ جونىندەگى ماڭىزدى نۇسقاۋىنىڭ رۋحىن ۇيرەنىپ-دايەكتىلەندىرىپ، ورتا جاستاعىلار جۇمىس بابىمەن سىرت جەرگە كەتكەندە اۋىلدا قالعان قاۋىم ماسەلەسىنە دامۋ تۇرعىسىنان مامىلە جاساۋ، ٴبىر تۇتاس جوسپارلاپ سايكەستىرۋگە، ۇستىنەن وڭاۋ مەن تۇبىرىنەن وڭاۋدى ۇشتاستىرۋعا، جەرگىلىكتى جاعدايعا قاراي ىستەۋگە، دالمە ـ ٴدال شارا قولدانۋعا تاباندى بولۋ، حالىقتى وزەك ەتكەن دامۋ يدەياسىن ناقتاپ تياناقتاندىرىپ، ٴاربىر قارت پەن بالاعا سوتسياليستىك ۇلى شاڭىراقتىڭ مەيىرىن سەزىندىرۋ كەرەك. 

    12 مۇشە مەملەكەتتىك ساياسي كەڭەستىڭ ورگانىندا جانە سانشي، انحۇي، يۇننان سىندى 4 ٴماجىلىس ورنىندا، سونداي-اق قولفونمەن جەلىگە شىعۋ ٴتاسىلى ارقىلى ٴسوز سويلەدى. 160 نەشە مۇشە جىلجىمالى مىندەت وتەۋ تەكشەسىندە پىكىر بەردى. 

    مۇشەلەر مىناداي پىكىر-ۇسىنىستار بەردى: جوعارى دەڭگەيدە جوبالاۋدى كۇشەيتىپ، زاڭ، ەرەجە جانە شارالاردى كەمەلدەندىرۋ كەرەك. ەرەسەكتەر جۇمىس بابىمەن سىرت جەرگە كەتكەندە اۋىل-قىستاقتاردا قالعان قاۋىمعا قامقورلىق جاساۋ قىزمەت وتەۋىن ارناۋلى جوسپارعا ەنگىزىپ، ۇكىمەتتىڭ قىزمەت ناتيجەسىن باعالاۋ جۇيەسىنە ەنگىزۋ ٴتيىس. جاي-جاپسارىن انىقتاپ، ەسەپ-قيسابىن ورناتىپ، تۇرلىشە وبيەكتىلەرگە قاراتا اناعۇرلىم دالمە-ٴدال باسقارۋ جانە قىزمەت وتەۋمەن قامداۋ، اۋىل-قىستاقتارداعى ەرەسەكتەر جۇمىس بابىمەن سىرت جەرگە كەتكەندە قالىپ قالعان قاۋقارىنان ايىرىلعان قارتتار، مۇگەدەك بالالار قاتارلى قاۋىمعا ەرەكشە قامقورلىق جاساۋ كەرەك. وتباسىنىڭ تۇلعالىق جاۋاپكەرلىگىن كۇشەيتىپ، قاتىستى زاڭ ـ ٴتۇزىم ۇگىتى مەن وقۋ ـ اعارتۋعا جەتەكشىلىك ەتۋدى مىقتى يگەرۋ، قارتتارعا قارايلاسپاعاندار مەن بالالارىن باعىپ-قاقپاعانداردى سىنداۋ، تاربيەلەۋ، ادامگەرشىلىگىن جويعانداردى زاڭ بويىنشا جازالاۋ كەرەك. كەدەيلىكتەن جاپپاي ارىلتۋ مەن اۋىل-قىستاقتاردى گۇلدەندىرۋ ستراتەگياسىنىڭ ٴونىمدى ۇشتاسۋىن ىلگەرىلەتۋ، ديقان جۇمىسكەرلەردىڭ اۋىلىنا قايتىپ كاسىپ جاراتۋىنا، كاسىپتەنۋىنە شابىت بەرىپ، قالاعا بارىپ جۇمىستانعانداردىڭ ەرتىپ جۇرگەن پەرزەنتتەرىن مىندەتتى وقۋ-اعارتۋ بويىنشا مەكتەپكە قابىلداۋ ساياساتىن تياناقتاندىرۋ، اتا-انالار سىرت جەرگە جۇمىس بابىمەن كەتكەندە قارتتار مەن بالالاردىڭ اۋىلدا قالۋ احۋالىن تۋ باستان بىرتىندەپ ازايتۋ كەرەك. نەگىزگى ساتىنى باسقارۋدى كۇشەيتىپ، اۋىلدا قالعان قارتتار مەن بالالاردىڭ پسيحيكالىق اقاۋسىزدىعى مەن دەنساۋلىعىن قورعاۋ كەرەك. 

    وقۋ-اعارتۋ مينيسترلىگى، حالىق ىستەرى مينيسترلىگى، ٴادىليا مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، اۋىل شارۋاشىلىعى، اۋىل-قىستاق مينيسترلىگى جانە مەملەكەتتىك دەنساۋلىق ساقتاۋ، سالاماتتىق كوميتەتى سياقتى تاراۋلاردىڭ جاۋاپتى جولداستارى ناق مايداندا پىكىر الماستىردى.


اۋدارعان: امانتاي مۇسايىپ ۇلى

中央广播电视总台 央广网 版权所有

مەملەكەتتىك ساياسي كەڭەس توراپ ارقىلى ۇكىمەت ىسىنە كەڭەس بەرۋ الىس ارالىقتى كەڭەس ٴماجىلىسىن اشتى

حالىقتى وزەك ەتكەن دامۋ يدەياسىن ناقتاپ تياناقتاندىرىپ، ٴاربىر قارت پەن بالاعا سوتسياليستىك ۇلى شاڭىراقتىڭ مەيىرىن سەزىندىرۋ كەرەك