ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

تيانجين قالاسى باس شۋجي شي جينپيڭنىڭ نۇسقاۋى مەن تالاپتارىن تياناقتاندىرىپ، جوعارى ساپالى دامۋعا كۇش سالدى

来源:جۇڭگو قازاق راديو تورابى     |责编:达吾力别克 |     发布日期: 2020-09-14 09:42

ءوز حابارىمىز. 2013-جىلى 5-ايدا، باس شۋجي شي جينپيڭ تيانجين قىزمەتى جونىندە «ءۇش جاقتان كۇش سالۋ» ماڭىزدى تالابىن العا قويدى، مۇنىڭ ءبىرى «دامۋدىڭ ساپاسى مەن ونىمدىلىگىن كۇش سالا جوعارىلاتۋ» بولىپ تابىلادى. سوڭعى جىلداردان بەرى تيانجين قالاسى كونە قوزعاۋشى كۇشتەردى جاڭا قوزعاۋشى كۇشكە اۋىستىرۋ بارىسىنداعى قىسىم مەن سايىسقا ءدوپ كەلدى، جوعارى ساپالى دامۋ جولىمەن جۇرۋدەن اۋىتقىماي، «4 + 3 + 1» كاسىپ جۇيەسىن قۇرۋدى ستراتەگيالىق تۇتقا ەتىپ، شارۋاشىلىق قۇرىلىمىنىڭ تيپىن وزگەرتىپ، دارەجەسىن جوعارىلاتىپ، «مەملەكەت بويىنشا وزىق جاساۋ-زەرتتەۋ بازاسىن» قۇرۋ قۇرىلىسىن تەزدەتتى.


8 -ايدىڭ 7- كۇنى، تيانجين قالاسىنىڭ 5G دامۋ وداعى رەسمي قۇرىلدى. بۇل وداقتىڭ مۇشەلەرى نەگىزدىك تەلەگراف كاسىپورىندارىن قامتىدى، حۋاۋي، جۇڭشيڭ سياقتى 5G جابدىعىمەن قامدايتىن كاسىپورىندار، چيلين جۇمساق بولشەگى، كى-دا شۇن-في قاتارلى كوپتەگەن كاسىپ سالاسىنىڭ كوشباسشى كاسىپورىندارى وسى وداققا مۇشە بولدى. الدىنالا بەلگىلەنگەن دامۋ نىساناسى بويىنشا، 2025-جىلعا بارعاندا، تيانجين قالاسى 5G تورابىن تولىق شارپىعان، كاسىپ ەكولوگياسى كەمەلدى، قولدانىلۋ ورتاسى مول، كاسىپ سالاسى توعىسا داميتىن مەملەكەت بويىنشا ماڭداي الدى 5G قالاسىن قۇرىپ شىعاتىن بولادى. جۇڭگو بىرلەسپە حابارلاسۋ توبى تيانجين بولىمشە سەرىكتىگى ۇكىمەت جانە كاسىپورىن قاريدارلار ىستەرىنە جاۋاپتى ءبولىمىنىڭ باس ديرەكتورى چىن فىڭيان بىلاي دەدى: تيانجين قالاسى جاساۋ كاسىبىندەگى قۋاتتى قالاعا جاتادى، بىرنەشە جىلدا كونە قوزعاۋشى كۇشتى جاڭا قوزعاۋشى كۇشكە الماستىرۋ بارىسىندا تىڭ سايىستارعا تاپ بولدى. مەنىڭشە، 5G سىندى جاڭا تەحنيكا ارقىلى جاساۋ كاسىبىنىڭ دارەجەسىن جوعارىلاتىپ دامۋ جۇيەسىن جەتىلدىرۋ—بولاشاقتىق دامۋعا بەرىك نەگىز قالادى.


سوڭعى جىلدارى تيانجين ەكونوميكاسى ەكونوميكالىق قۇرىلىمدى ساپالىلاندىرۋدىڭ، ارتۋ قوزعاۋشى كۇشىن اۋىستىرۋدىڭ قيىن قامال الۋ كەزەڭىنە ءوتتى. بيىل توسىننان تۋىلعان جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتى تيانجين ەكونوميكاسىنا ءتىپتى دە اۋىر سوققى بولدى. بۇرىن بولىپ كورمەگەن اۋىر سىن-سايىس الدىندا، تيانجين قالاسى ستراتەگيالىق تاباندىلىقتى ساقتاپ، جوعارى ساپالى دامۋ جولىمەن جۇرۋدەن اۋىتقىمادى. تيانجين قالالىق ونەركاسىپ جانە ينفورماتسيالاندىرۋ مەكەمەسىنىڭ باس ەكونوميسى جوۋ شىڭسو بىلاي دەدى: كاسىپ قۇرىلىمىن رەتكە سالۋ وتە قيىن جۇمىس، ول تاباندىلىق پەن قايسارلىقتى قاجەت ەتەدى. سوندىقتان ءبىز 2017-جىلدان باستاپ، كاسىپورىندارعا كەڭ كولەمدى تەڭشەۋ جۇرگىزىپ، كاسىپ جۇيەسىن قايتا قۇرۋعا كۇش سالدىق.


تيانجين قالاسى ءبىر جاعىنان مەشەۋ ءوندىرىس قۋاتىن تارتىپپەن شەگىندىردى، ەندى ءبىر جاعىنان، جاڭالىق اشۋدى دامۋ جالپى جاعدايىنىڭ وزەكتى ورنىنا قويىپ، جوعارى دەڭگەيلى كاسىپ ارقىلى جوعارى ساپالى دامۋعا تىرەك ەتۋگە تاباندى بولىپ، «4 + 3 +1» كاسىپ جۇيەسىن كۇش سالا قۇردى، اتاپ ايتقاندا، زەردەلى عىلىم-تەحنيكا كاسىبى، بيولوگيالىق ءدارى-دارمەك، جاڭا ەنەرگيا، جاڭا ماتەريال سىندى 3 ۇلكەن جاڭادان گۇلدەنگەن كاسىپ، اۆياتسيا-عارىش، جوعارى دەڭگەيلى جابدىق، اۆتوكولىك، مۇناي سىندى ابزالدىققا يە 4 ءىرى كاسىپتى دامىتۋعا كۇش سالدى. تىڭشۇن، چي-لين، چاڭچىڭ، حۋاۋي قاتارلى نەگىزگى كاسىپورىنداردىڭ تيانجيندە ىرگە تەبۋىنە بايلانىستى، قازىر تيانجين قالاسىنىڭ ينفورماتسيا حاۋىپسىزدىگى كاسىبىنىڭ كولەمى بۇكىل ەلدەگى سالىستىرماسى %23 كە جەتىپ، 4 مىڭنان استام كاسىپورىن تيانجيڭگە ىرگە تەپتى. تيانجين قالاسىنىڭ ينفورماتسيا حاۋىپسىزدىگى كاسىبىن جەبەۋ ورتالىعىنىڭ مەڭگەرۋشىسى جاۋ گوچياڭ بىلاي دەدى: كەزەكتە تيانجين قالاسىندا ەرەكشە ءىرى حاۋىپسىزدىك كاسىپ قۇرىلىمى قالىپتاستى. مۇنىڭ ىشىندە حاۋىپسىزدىكتى ساقتاۋ جۇيەسى—حاۋىپسىزدىكتى ساقتاۋ جۇمساق بولشەگى مەن قىزمەت وتەۋ جۇيەسىن قامتيدى، چيپ جانە وزەكتى قاتتى بولشەك سالاسى دا زور دارەجەدە دامدى، كاسىپتەرگە جاڭالىق ەنگىزىپ جەتىلدىرۋ جانە قىزمەت وتەۋ سالاسى دا بىرتىندەپ كەمەلدەندى.


زەردەلى عىلىم-تەحنيكا كاسىبى تيانجين قالاسىنىڭ قوزعاۋشى كۇشتى جاڭالاۋ اياق الىسىن تەزدەتۋ، جوعارى ساپالى دامۋدى جۇزەگە اسىرۋداعى ماڭىزدى قوزعالتقىشىنا اينالدى. تيانجين قالاسىنىڭ بيولوگيالىق ءدارى-دارمەك، جاڭا ەنەرگيا، جاڭا ماتەريال سىندى ءۇش ءىرى جاڭادان گۇلدەنگەن كاسىبى جەدەل دامىدى. تيانجين ليشىڭ باتەريا سەرىكتىگىنىڭ ليتي يوندى باتەريانى زەيىندەستىرۋ زاۆوتىندا، ءتورت بۇرىشتى ليتي يوندىق باتەرەيا ءوندىرۋ لەنياسى قاربالاس جۇمىس ىستەۋدە. زەردەلى زاۆود قۇرۋ ارقىلى، لي شىڭ باتارەيا سەرىكتىگى جىلىنا 300 ميلليون امپەراتتى ليتي يوندىق باتەرەيا ءوندىرىس لەنياسىن بىرتىندەپ قالىپتاستىرىپ، ونەركاسىپ جانە ينفورماتسيالاندىرۋ مينيسترلىگىنىڭ زەردەلى جاساۋ سىناق تۇيىنىنەن ۇلگى كورسەتۋ وبيەكتىسىنە ەنگىزىلدى.


تيانجين قالاسىنداعى بۇرىنعى اۆياتسيا، عارىش، جوعارى دەڭگەيلى جابدىق، اۆتوموبيل، مۇناي سياقتى 4 ۇلكەن ءداستۇرلى ابزالدىققا يە كاسىپتەر دە بۇرىلىس جاساپ دامۋ ورايىنا يە بولدى. جۇڭشين تيانجين ەكولوگيالىق قالاسىندا، 6-ايدىڭ سوڭىندا عانا باستالعان 1-اۆتوموبيل سەرىكتىگى TOYOTA جاڭا ەنەرگيا بولىمشە سەرىكتىگىنىڭ نىساندارى جەدەل ىسكە قوسىلدى، جۇڭشين تيانجين ەكولوگيالىق قالا ساۋدا مەكەمەسىنىڭ باستىعى ساۋ چىڭ تانىستىرىپ بىلاي دەدى: كەلەسى قادامدا تۇتاس اۆتوموبيل جاساۋدى وزەك، بولشەكتەردى كەمەلدەندىرۋ، اۆتوموبيل وسىزامانعى قىزمەت وتەۋ كاسىبىن تىرەك ەتكەن كاسىپتىڭ جاڭا جاعدايىن قالىپتاستىرۋعا كۇش سالامىز، بۇل نىسان 2022-جىلى ىسكە قوسىلادى، مەجەمەن جىلىنا 50 ميلليارد يۋاندىق ونەركاسىپ ءونىم قۇنى تىڭنان قوسىلادى.


داعدارىستان وراي جاراتىپ، قيىنشىلىقتان شىعار جول ىزدەۋ كەرەك. تيانجين قالاسى جۇقپالى اۋرۋدان ساقتانۋ جانە ونى تىزگىندەۋ مەن ەكونوميكالىق، قوعامدىق دامۋدا تەڭ يگىلىككە كەنەلۋدى قۇلشىنا جۇزەگە اسىرۋدا. ونەركاسىپ جانە ينفورماتسيالاندىرۋ مينيسترلىگىنىڭ بىرنەشە كۇننىڭ الدىندا جاريالاعان «2020-جىلعى وزىق جاساۋ كاسىبى نىساندارىنىڭ» مەردىگەرلىك قۇلاقتاندىرۋىندا، تيانجين قالاسىنىڭ ينفورماتسيا حاۋىپسىزدىگى كاسىبى مەن قوزعاۋشى كۇش باتەريا كاسىپ شوعىرى اعالاپ الدا جۇرىپ، بۇكىل ەل بويىنشا سارالانعان 20 شوعىردىڭ تيانجين قالاسى ەكەۋىن يەلەدى. بيىل 7-ايدا تيانجين قالاسىنىڭ كولەمدەنگەن ونەركاسىبىنىڭ ارتقان قۇنى وتكەن جىلدىڭ ۇقساس مەزگىلىندەگىدەن %11.5 ارتىپ، ءۇرتىس 3 اي ارتۋ جۇزەگە اسىرىلىپ، اي سايىن جاقسارۋ جاعدايى قالىپتاستى. تيانجين قالالىق ونەركاسىپ جانە ينفورماتسيالاندىرۋ مەكەمەسىنىڭ باس ەكونوميسى جوۋ شىڭسو بىلاي دەدى: ءبىز « 14-بەسجىلدىقتىڭ» سوڭىنا دەيىن، ونەركاسىپتىڭ ستراتەگيالىق جاڭادان گۇلدەنگەن كاسىبىنىڭ ارتقان قۇنىنىڭ ونەركاسىپتە ۇستايتىن سالىستىرماسىن %40 تەن اسىرۋعا كۇش سالىپ، جاڭا ۇرپاق ينفورماتسيا تەحنيكاسى، جاڭا ماتەريال سىندى قوس ميلليارتتىق كاسىپ جۇيەسىن، بيولوگيالىق ءدارى-دارمەك، وزىق جابدىق، جاڭا ەنەرگيا جانە جاڭا ەنەرگيالى اۆتوموبيل سىندى 3 ميلليارتتىق كاسىپ شوعىرلىن قالىپتاستىرىپ، ەنەرگيانى ۇنەمدەپ، ورتانى قورعاۋ كاسىبىن كەڭەيتىپ، تيانجين قالاسىن دۇنيە جۇزىندەگى ماڭىزدى ستراتەگيالىق جاڭادان گۇلدەنگەن كاسىپتەر شوعىرلانعان رايونعا اينالدىرۋعا كۇش سالامىز.


اۋدارعان: نازار ٴارىپ ۇلى

中央广播电视总台 央广网 版权所有

تيانجين قالاسى باس شۋجي شي جينپيڭنىڭ نۇسقاۋى مەن تالاپتارىن تياناقتاندىرىپ، جوعارى ساپالى دامۋعا كۇش سالدى

2013-جىلى 5-ايدا، باس شۋجي شي جينپيڭ تيانجين قىزمەتى جونىندە «ءۇش جاقتان كۇش سالۋ» ماڭىزدى تالابىن العا قويدى، مۇنىڭ ءبىرى «دامۋدىڭ ساپاسى مەن ونىمدىلىگىن كۇش سالا جوعارىلاتۋ» بولىپ تابىلادى. سوڭعى جىلداردان بەرى تيانجين قالاسى كونە قوزعاۋشى كۇشتەردى جاڭا قوزعاۋشى كۇشكە اۋىستىرۋ بارىسىنداعى قىسىم مەن سايىسقا ءدوپ كەلدى،