ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

«كوكتەمنىڭ حيكاياسىن» جالعاستى جاقسى جازايىق- باس شۋجي شي جينپيڭنىڭ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىنا قاتىناسقاندىعى جانە گۋاڭدۇڭدا قىزمەت تەكسەرگەندىگى جايلى

来源:جۇڭگو قازاق راديو تورابى     |责编:达吾力别克 |     发布日期: 2020-10-17 10:33

ءوز حابارىمىز. 2012 - جىلى 12- ايدا، پارتيا 18 - قۇرىلتايىنان كەيىن باس شۋجي شي جينپيڭ تۇڭعىش رەت بەيجيڭنەن اتتانىپ قىزمەت تەكسەرگەندە گۋاڭدۇڭعا بارىپ، « رەفورما جاساپ، ەسىك اشۋدى ۇزدىكسىز العا ىلگەرىلەتۋ » جونىندە اتتانىسقا كەلتىرۋ بۇيرىعىن شىعاردى ؛ 2018 ـ جىلى 10 ـ ايدا رەفورما جاساپ، ەسىك اشۋدىڭ 40 جىلدىعىن قۇتتىقتاۋ قارساڭىندا، باس شۋجي شي جينپيڭ تاعى دا وسى اراعا بارىپ، «رەفورمانى ۇزدىكسىز جاپپاي تەرەڭدەتۋ، ەسىكتى جاپپاي ايقارا اشۋ ۇندەۋىن شىعارىپ، دۇنيە ءجۇزىن جالت قاراتاتىن جاڭا، اناعۇرلىم زور كەرەمەتتەر جاراتۋعا قۇلشىنۋدى دارىپتەدى» ؛ 2020 - جىلى 10- ايدا شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ بايلانسىمەن، باس شۋجي شي جينپيڭ تاعى رەت دا وسى اراعا بارىپ، قۇتتىقتاۋ جينالىسىنا قاتىناستى ءارى چاۋجۋ جانە شانتۋعا بارىپ تەكسەرۋ ـ زەرتتەۋ جۇرگىزىپ، رەفورما جاساپ، ەسىك اشۋدى ىشكەرلەي جەبەۋدە تاعى دا تىڭ جورىققا اتتاناتىن ءداۋىر ءۇنىن اڭعارتتى.


2020 ـ جىلى 10 ـ ايدىڭ 14 ـ كۇنى تۇستەن بۇرىن «كوكتەمنىڭ حيكاياسىمەن» جۇرتتا ابدەن تانىس ءارى تەرەڭ سۇيىسپەنشىلىككە تولى اۋەن شىنجىن چيانحاي حالىقارالىق ءماجىلىس ورتالىعىندا تاعى دا اسقاقتادى. شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسى وسى ارادا سالتاناتپەن وتكىزىلدى، باس شۋجي شي جينپيڭ جينالىسقا قاتىناستى ءارى ماڭىزدى ءسوز سويلەدى.


ءبىر ساعاتقا جۋىق ماڭىزدى سوزىندە، باس شۋجي شي جينپيڭ 40 جىلدان بەرگى شىنجىن ەكونوميكالىق ەرەكشە رايونىنىڭ تاريحي سەكىرىسىن تەرەڭ سۇيىسپەنشىلىكپەن ەسكە الىپ، ەكونوميكالىق ەرەكشە رايوننىڭ 40 جىلدىق رەفورما جاساۋ، ەسىك اشۋ، جاڭالىق اشۋ، دامۋ بارىسىندا توپتاعان قۇندى تاجىريبەلەرىن قورىتىندىلاپ،جاڭا داۋىردەگى شىنجىن ەكونوميكالىق ەرەكشە رايونى قۇرىلىسى جونىندە ايقىن تالاپ قويدى. ىستىق ىقىلاستى ءسوز جاريالانعان الاڭدا قىزۋ شاپالاق ءۇنى تولاستامادى. ماجىلىستەن كەيىن باس شۋجي شي جينپيڭ « الدىمەن سىناق ەتۋدەن الدىمەن ۇلگى كورسەتۋگە دەيىن _ _ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ كورمەسىن » ەكسكۋرسيالاپ، شىنجىننىڭ 40 جىلدان بەرگى وراسان زور وزگەرىستەرىن ەگجەي ـ تەگجەيلى ۇعىستى.


10- ايدىڭ 14- كۇنى تۇستەن كەيىن باس شۋجي شي جينپيڭ ليانحۋاشان تاۋىنا بارىپ، دىڭ شياۋپيڭ جولداستىڭ مىس مۇسىنىنە گۇل شارباق قويىپ، كوپشىلىكپەن بىرگە مىس مۇسىنگە 3 رەت تاعزىم ەتىپ، دىڭ شياۋپيڭ جولداسقا دەگەن وسكەلەڭ قۇرمەت پەن تەرەڭ ساعىنىشىن ءبىلدىردى.


باس شۋجي شي جينپيڭ مىنبەردە تۇرىپ شىنجىننىڭ جالپى بەينەسىنە ۇڭىلە قاراپ، اسپانمەن تىلدەسكەن ءزاۋلىم عيماراتتار مەن وسىزاماندانعان كوركەم كوكجيەككە كوز جۇگىرتتى. باس شۋجيدىڭ قۇتتىقتاۋ جينالىسىندا ايتقانىنداي، شىنجىن —رەفورما جاساپ، ەسىك اشقاننان كەيىن، پارتيا مەن حالىق تىزە قوسا وتىرىپ، شىت جاڭا قالا قۇرىپ، جۇڭگوشا سوتسياليزمنىڭ اق قاعازعا ورنەكتەلگەن تارتىمدى كورىنىسىن كەستەلەدى.


باس شۋجي شي جينپيڭ قاۋمالاي كەلگەن قالا تۇرعىندارىنا بىلاي دەدى : 40 جىلدىق دامۋدى باستان كەشىرسەدە شىنىجىن ءالى دە جاس قالا سانالادى، قارىشتاپ دامىپ، بارعان سايىن گۇلدەنەتىن بولادى. پارتيا ورتالىق كوميتەتى ەكونوميكالىق ەرەكشە رايونعا جاڭا مازمۇن قوسىپ، بورىش جۇكتەدى. ءبىز جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الىپ، ءبىرىنشى 100 جىلدىق كۇرەس نىساناسىن جۇزەگە اسىراتىن بولامىز. جاڭا جۇڭگو قۇرىلعان 100 جىلدا، ءبىز سوتسياليستىك وسىزاماندانعان قۇدىرەتتى مەملەكەت قۇرامىز. ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن، شىنجىن تاعى دا تىڭ تەبىنىمەن ارىنداي العا باسىپ،اسەم كورىنسىن ايگىلەۋى قاجەت. شىنجىن دامىپ بۇگىنگى كۇنگە جەتۋ بارسىندا كوپشىلىككە سۇيەندى، شىنجىننىڭ بولاشاعى دا كوپشىلىكتىڭ ورتاق قۇلشىنۋىنا سۇيەنەدى.


چاۋجوۋ دۇنيە جۇزىندەگى ەڭ ۇلكەن فارفور ءوندىرۋ، ەكسپورت ەتۋ بازاسى. 10 ـ ايدىڭ 12 ـ كۇنى تۇستەن كەيىن باس شۋجي شي جينپيڭ سول اراداعى فارفور ارقىلى گۇلدەنگەن ەلەكتروندىق بولشەك وندىرەتىن كاسىپورىن —چاۋجوۋ سانحۋان (توبى) شەكتى جارنا سەرىكتەستىگىن كوزدەن كەشىردى. ءوندىرىس سەحىندا باس شۋجي شي جينپيڭ كاسىپورىننىڭ ءوندىرىستى قالپىنا كەلتىرۋ جاعدايىن ەگجەي ـ تەگجەيلى ۇعىستى.


باس شۋجيدىڭ كەلگەنىن كورگەن كاسىپورىن قىزمەتكەرلەرى ارت ـ ارتىنان قاۋمالاي جينالدى. باس شۋجي شي جينپيڭ ولارعا بىلاي دەدى : سىزدەردىڭ كاسىپورىندى جاقسى قۇرۋ مەن جاڭالىق اشۋ جاعىنداعى قۇلشىنستارىڭىز ماعان تەرەڭ اسەر قالدىردى. دەربەس جاڭالىق جاراتۋ مەن كەزەكتە ەڭ ءمان بەرىپ وتىرعان ءارى پارتيا ورتالىق كوميتەتى ەڭ ءمان بەرىپ وتىرعان ءىس. كاسىپورىنداردى دامىتۋدا، شارۋاشىلىقتىڭ دارەجەسىن جوعارىلاتۋدا، شارۋاشىلىقتى جوعارى ساپامەن دامىتۋدا دەربەس جاڭالىق جاراتۋعا سۇيەنۋ كەرەك. قازىر ءبىز ءجۇز جىلدا بولماعان زور وزگەرىستەردى باستان كەشىرىپ وتىرمىز. باسەكە مەن ءتۇرلى سىن - سىناقتاردىڭ قىسىمىنا جولىعۋدان ساقتانۋ قيىن، مۇنداي جاعدايدا ءبىز ءتىپتى دە جوعارى دەڭگەيدە ءوز كۇشىىمىز سۇيەنىپ ءومىر ءسۇرۋ جولىمەن ءجۇرۋىمىز كەرەك.


جۇرت اراسىندا دۋ قول شاپالاق ءۇنى كوتەرىلدى.


تاريح قاشان دا بۇراندا فورماسىندا العا باسادى. وتكەندە ءبىزدىڭ ەسىك اشۋىمىز «ىلەسۋ» ەدى. قازىر ءبىزدىڭ ەسىك اشۋىمىز «جول باستاۋعا» اينالدى، بۇل ءتىپتى دە جوعارى ورەدەگى ەسىك اشۋ بولىپ تابىلادى. باس شۋجي ىلە ـ شالا بىلاي دەدى: ءبىز ىشكى ۇلكەن اينالىمدى نەگىزگى تۇلعا ەتكەن، ىشكى جانە حالىقارالىق قوس اينالىم ءبىرىن ـ ءبىرى جەبەيتىن جاڭا دامۋ جاعدايىن جەدەل قالىپتاستىرۋدى العا قويدىق، كوپشىلىكتىڭ پارتيا ورتالىق كوميتەتىنىڭ ستراتەگيالىق ماقساتىن تەرەڭ ءتۇسىنۋىن ءۇمىت ەتەمىز. ءىرى ستراتەگيالىق جاعدايدا ءوز ورنىمىزدى دۇرىس تاۋىپ، مەملەكەتتىڭ قۇدىرەتتەنۋى مەن سوتسياليستىك وسىزامانداندىرۋ قۇرىلىسىنا ءوز ۇلەستەرىمىزدى قوسۋىمىز كەرەك.


10 ـ ايدىڭ 12 ـ كۇنى تۇستەن كەيىن باس شۋجي شي جينپيڭ گۋاڭجي كوپىرىنىڭ جاعاسىنا كەلىپ، بايىرعى كوپىردى، بايىرعى قالانى قالپىنا كەلتىرۋ، قورعاۋ سياقتى جاعدايلاردى ۇعىستى.


باس شۋجيدىڭ كەلگەن حابارىن ەستىپ كوشەگە ادامدار كوپتەپ جينالدى، كوپشىلىك «باس شۋجي سالەمەتسىزبە!»، «باس شۋجي جاپا شەكتىڭىز!» دەپ قۋانىشپەن امانداستى. شي جينپيڭ بىلاي دەدى: چاۋجوۋ تاريحى ۇزاق، مادەنيەتى مايەكتى ايگىلى قالاسى سانالادى، مۇندا باعالى دۇنيەلەر مول،چاۋجوۋ جىبەگى، چاۋجوۋ فارفورى، چاۋجوۋ ويماشىلىعى، چاۋجوۋ مۇسىنشىلىگى،چاۋجوۋ تەاتىرى جانە چاۋجوۋ شاي دامدەۋ ونەرى، چاۋجوۋ قۋىرماشتارى قاتارلىلاردىڭ بارلىعى جۇرتقاتانىس، باعالى بايىلىق، بۇلار وڭاي قولعا كەلگەن ەمەس، سوندىقتان وسى قالانى سۇيىپ، ويداعىداي قورعاپ، جاقسى قۇرۋىمىز كەرەك.


10 ـ ايدىڭ 13 ـ كۇنى تۇستەن كەيىن باس شۋجي شي جينپيڭ شانتوۋ قالاسىنىڭ شاعىن باقشالى كايبۋ رايونىندا قىزمەت تەكسەردى.


كوپشىلىك باس شۋجيگە جاپا ـ تارماعاي امانداستى، قول تەلەفوندارىن الىپ، قاس قاعىم ساتتەردى سۋرەتكە ءتۇستىرىپ جاتتى. كوشەنىڭ ورتاسىندا تۇرىپ، باس شۋجي شي جينپيڭ تەبىرەنە بىلاي دەدى : وسى رەت شانتۋعا كەلىپ، شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىنا قاتىناستىم. ەل ىشى- سىرتىنداعىلارعا؛ جۇڭگو كوممۋنيستىك پارتياسى جۇڭگو حالقىنا باسشىلىق ەتىپ، رەفورما جاساپ، ەسىك اشۋ جولىنان اۋىتقىماي، سوتسياليستىك وسىزاماندانعان قۇدىرەتتى ەل قۇراتىندىعىن جانە قۇل ۇستاسا وتىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن قۇلشىنا جۇزەگە اسىراتىندىعىن ايگىلەدىك.


اۋدارعان: سەرىك راقىم ۇلى

中央广播电视总台 央广网 版权所有

«كوكتەمنىڭ حيكاياسىن» جالعاستى جاقسى جازايىق- باس شۋجي شي جينپيڭنىڭ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىنا قاتىناسقاندىعى جانە گۋاڭدۇڭدا قىزمەت تەكسەرگەندىگى جايلى

2012 - جىلى 12- ايدا، پارتيا 18 - قۇرىلتايىنان كەيىن باس شۋجي شي جينپيڭ تۇڭعىش رەت بەيجيڭنەن اتتانىپ قىزمەت تەكسەرگەندە گۋاڭدۇڭعا بارىپ، « رەفورما جاساپ، ەسىك اشۋدى ۇزدىكسىز العا ىلگەرىلەتۋ » جونىندە اتتانىسقا كەلتىرۋ بۇيرىعىن شىعاردى ؛ 2018 ـ جىلى 10 ـ ايدا رەفورما جاساپ، ەسىك اشۋدىڭ 40 جىلدىعىن قۇتتىقتاۋ قارساڭىندا،