ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ەكولوگيانى الدىمەن ويلاستىرۋدى، جاسىل دامۋدى جەتەكشى ەتكەن جوعارى ساپالى دامۋدىڭ جاڭا جولىمەن جۇرەيىك

来源:جۇڭگو قازاق راديو تورابى     |责编:古丽美热|     发布日期: 2020-10-26 10:21

 

    ٴوز حابارىمىز. «13-بەسجىلدىق» جوسپار جاسىل دامۋ يدەياسىن مەملەكەتتىڭ بەسجىلدىق جوسپارىنا تۇڭعىش رەت ەنگىزىپ، دوڭگەلەك داۋلەتتى قوعامدى جالپى بەتتىك قۇرۋداعى ولقىلىقتاردى كۇش سالا تولىقتادى. شي جينپيڭ جولداستى ۇيتقى ەتكەن پارتيا ورتالىق كوميتەتى ەكولوگيالىق وركەنيەت قۇرىلىسىنا وسكەلەڭ ٴمان بەرىپ، ەكولوگيانى الدىمەن ويلاستىرۋدان، جاسىل دامۋ جولىمەن جۇرۋدەن اۋىتقىمادى، 5 جىلدان بەرى ەلىمىزدىڭ ەكولوگيالىق وركەنيەت قۇرىلىسىنىڭ تەبىنى بۇرىن بولىپ كورمەگەن دارەجەدە ارتتى.【باس شۋجيعا دوكلات】 اتتى ەرەكشە باعدارلامامىزدىڭ بۇگىنگى كەزەگىندە « ەكولوگيانى الدىمەن ويلاستىرۋدى، جاسىل دامۋدى جەتەكشى ەتكەن جوعارى ساپالى دامۋدىڭ جاڭا جولىمەن جۇرەيىك» دەگەن ٴبولىمىن تىڭدايسىزدار. 

    قوڭىر كۇز،يۇننان ولكەسىنىڭ كۇنميڭ قالاسى گۋاندۋ رايونى شيڭحاي تۇبەگىنىڭ سازدىق باقشاسىنا كىرسەڭىز، كول جاعاسىنداعى قاۋلاپ وسكەن قامىستاردى، جاسىل جەلەك جامىلعان ورماندىقتى كورىپ كوز ايىم بولاسىز، الىستاعى ديانچى كولى ساياحات كورىنس رايونى اسا ٴبىر جىم- جىرتتىققا شوماعان، اق قۇتان، قىزىل تۇمسىق شاعالالار ازىق ىزدەپ اينالىپ ۇشىپ جۇر، جايلى دا جاراسىمدى كورىنىس ادام جانىن باۋرايدى. 

    ديانچى كولى ساياحات كورىنس رايونى بۇرىن بۇكىل ەل بويىنشا بىلعانىشى ەڭ اۋىر كول بولاتىن.جۋىق جىلداردان بەرى جونگە سالۋ ارقىلى ديانچى كولىنىڭ سۋ ساپاسى جالپى جاقتان ورنىقتى جاقساردى. 2008 ـ جىلى 11 ـ ايدا شي جينپيڭ يۇنناندا تەكسەرۋ ـ زەرتتەۋ جۇرگىزگەندە ديانچى كولىندەگى لاستانۋدى جونگە سالۋ ينجەنەرياسىن كوزدەن كەشىرگەن بولاتىن. 2020 ـ جىلى 1 ـ ايدا ول ديانچى كولىن قورعاۋ، باسقارۋ جاعدايىن تاعى ٴبىر رەت كوزدەن كەشىردى، ٴارى كەيىنگى ۇرپاقتارىمىزعا اۋىرتپالىق سالماۋىمىز، ادامزاتقا باقىت جاراتۋىمىز، تۇنىق سۋ، جاسىل تاۋدى ناعىز باعالى بايلىققا اينالدىرۋىمىز كەرەك دەپ باسا دارىپتەدى. 

    شيڭحاي تۇبەگى سازدىق باقشاسىنىڭ قىزمەتكەرى لي يۇيحان بىلاي دەدى : « 13-بەسجىلدىق » جوسپاردان بەرى، ديانچى كولىنىڭ سۋ ساپاسى 4-دارەجەدەن 5-دارەجەگە كوتەرىلدى. بۇرىن كورىنبەيتىن قىزىل تۇمسىق شاعالا، اق قۇتاندار توپ-توبىمەن كولگە قونىستاندى. 

    تاياۋ جىلداردان بەرى، شي جينپيڭ حۋاڭحى، چاڭجياڭ الابىنىڭ ەكولوگياسىن قورعاۋ جانە دامىتۋ جاعدايىن تالاي رەت ناقتى تەكسەرىپ، اڭگىمە ٴماجىلىسىن باسقارىپ اشىپ،حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋدى ىلگەرىلەتۋ، چاڭجياڭ ەكونوميكالىق بەلدەۋىنىڭ دامۋىن ” بىرلىكتە جالپى بەتتىك قورعاۋ، قاۋىرت اشپاۋ “كەرەك دەپ ورنالاستىرۋ جاسادى. 

    گانسۋ- حۋاڭحى الابىنداعى ماڭىزدى سۋ قاينارىن ساقتايتىن جانە تولىقتايتىن رايون. 2019 – جىلى 8-ايدا شي جينپيڭ لانجوۋ قالاسىنىڭ حۋاڭحى وزەنىن جونگە سالۋ لانتيە ناسوس پۋنكتىنىڭ نىسان تۇيىنىنە كەلدى. جاياۋلار جولىمەن جۇرىپ حۋاڭحى وزەنىنىڭ ەكى جاعالاۋىنداعى ەكولوگيانى قالپىنا كەلتىرۋ جانە كورىنىس قۇرىلىسىن كوزدەن كەشىردى. لانجوۋ قالاسى وزەن-كول باسقارۋ، قورعاۋ ورتالىعىنىڭ ورىنباسار مەڭگەرۋشىسى، لانجوۋ قالاسى حۋاڭحى وزەن ارناسىن باسقارۋ پۋنكتىنىڭ باستىعى گو دىجيۇن بىلاي دەدى : بۇگىنگى تاڭداعى حۋاڭحى سۋى نەگىزىنەن قوڭىر ٴتۇسكە ەندى، ٴبىر توننا سۋدىڭ ىشىندە لاي-قۇم مولشەرى 100 گرامعا جەتپەيدى. 

    ەكونوميكانىڭ جوعارى ساپالى دامۋىن ىلگەرىلەتۋدە الدىمەن لاستاۋ، ونان سوڭ جونگە سالۋدىڭ كونە جولىمەن جۇرۋگە استە بولمايدى. 2019 – جىلى 1-ايدا شي جينپيڭ حىبەي شيۇڭ – ان جاڭا رايونىنا كەلدى. « مىڭ جىلدىق كوركەم ورمانعا » كوز سالىپ سامالاداي سامسىعان ٴزاۋلىم قاراعايلاردى كورىپ مىناداي دەپ باسا دارىپتەدى : الدىمەن جاسىل ورمانمەن كومكەرۋ، سوڭىنان قالا قۇرۋ _ _ شيۇڭ ـ ان جاڭا رايون قۇرىلىسىنداعى جاڭا تانىم. 

    وسى 5 جىلدا ەلىمىزدىڭ ەكولوگيالىق ورتاسىن قورعاۋدا تاريحي سيپاتتى، بۇرىلىس سيپاتتى، جالپى جاعدايلىق سيپاتتى وزگەرىستەر تۋىلدى. جەر-جەر ىشكى ٴوندىرىس جالپى ونىم قۇنىمەن عانا ساناسۋدى نەگىز ەتپەستەن، كاسىپ قۇرىلىمىن، ەنەرگيا قۇرىلىمىن، تاسىمال قۇرىلىمىن رەتتەۋدى تەزدەتىپ، كاسىپورىنداردىڭ دامۋ فورماسىنا بۇرىلىس جاساۋعا،ساپالاندىرۋعا جەتەكشىلىك ەتتى. مەشەۋ ٴوندىرىس قۋاتىن قاتاردان قالدىرىپ، جاسىل دامۋ- ٴتۇرلى كورسەتكىشتەردىڭ دارەجەسىن جوعارىلاتتى،«14-بەسجىلدىق» جوسپار مەزگىلىندە كورىكتى جۇڭگو قۇرىلىسى جالعاستى جەبەلىپ، اسپانى اشىق، سۋ ٴمولدىر، جەرى جاسىل مەكەن قۇرۋعا كۇش سالىنادى. 

    

اۋدارعان: كۇلان ىرىسباي قىزى

中央广播电视总台 央广网 版权所有

ەكولوگيانى الدىمەن ويلاستىرۋدى، جاسىل دامۋدى جەتەكشى ەتكەن جوعارى ساپالى دامۋدىڭ جاڭا جولىمەن جۇرەيىك

اسپانى اشىق، سۋ ٴمولدىر، جەرى جاسىل مەكەن قۇرۋعا كۇش سالىنادى