ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

جاڭاشا قالا-قالاشىقتاندىرۋ قۇرىلىسىندا تىڭ تابىستارعا قول جەتتى

来源:جۇڭگو قازاق راديو تورابى     |责编:古丽美热|     发布日期: 2020-10-26 16:56

 

ٴوز حابارىمىز. قوعامدىق قامسىزداندىرۋ ەستەلىگى مەن قاتىستى كۋالىكتەردى تاپسىرعاننان كەيىن، تيانجين قالاسىندا قىزمەت ىستەگەنىنە ٴبىر جىل تولعان جاڭ فان تەحنيكالىق دارىندىلاردى ەنگىزۋ نسانى ارقىلى نوپوس داپتەرىن الىپ، تيانجين قالاسىنىڭ تۇرعىنىنا اينالدى. جاڭ فان: اقىرى وسى قالاعا ىرگە تەپتىم، قىزمەتكە ىنتام ارتا تۇستى ـ دەدى. 

    قالا رايونىنداعى تۇراقتى حالىق سانى 3 ميلليوننان تومەن قالالاردىڭ ناپوسقا قوندىرۋ شەكتەمەسىن جاپپاي كۇشىنەن قالدىرۋ، قالا رايونىنداعى تۇراقتى حالىق سانى 3 ميلليوننان اسقان قالالاردا ٴتۇيىندى ادامدار شوعىرىن ناپوسقا قوندىرۋ شەكتەمەسىن نەگىزىنەن كۇشىنەن قالدىرۋ ىستەرى جەبەلدى، جەر-جەر ناپوسقا قوندىرۋ شەكتەمەسىن بىرتىندەپ كەڭەيتتى. قازىر ناپوسقا قوندىرىلماعان 100 ميلليون ادامنىڭ قالا ناپوسىنا قوندىرۋ نىساناسى كۇنى بۇرىن ورىندالدى ! 

    «13-بەسجىلدىق» كەزىندە ادامنىڭ قالا-قالاشىقتانۋىن جەبەۋدى وزەك،ساپانى جوعارىلاتۋدى جەتەكشى ەتكەن جاڭاشا قالا-قالاشىقتانۋ قۇرىلىسى جەدەل ىلگەرىلەدى.

 ٴتۇزىم رەفورماسى تەرەڭدەتىلىپ، قالاعا ىرگە تەبۋدىڭ شەكتەمەسى بىرتىندەپ ەركىن ۇستالدى.

 گۋاڭشيدە قالا-قالاشىققا نوپوس قوندىرۋدىڭ شەكتەمەسى كۇشىنەن قالدى، جيليندە اۋىل-قىستاق قاراستىلعىنداعى ستۋدەنتتەردىڭ، اۋىل-قىستاق نوپوسىنداعى قوسىننان شەگىنگەن اسكەريلەردىڭ كەلىپ-كەتۋ ەركىندىگى بويىنشا ناپوسقا قوندىرۋ ساياساتى جولعا قويىلدى، جىجياڭ ولكەسى جاڭاشا قوعامدىق ۇيىم، كوپ بولىپ جاڭالىق جاراتۋ كەڭىستىگى سياقتىلاردان پايدالانىپ جاڭالىق اشۋ، كاسىپ جاراتۋشىلارعا قولداۋ كورسەتتى. « 13-بەسجىلدىق » كەزىندە، 31 ولكە،اۆتونوميالى رايون، توتە قاراستى قالا جانە شينجياڭ ٴوندىرىس ـ قۇرىلىس بيڭتۋانى تۇگەلدەي ٴتۇزىم رەفورماسىن اتقارۋ پىكىرىن شىعارىپ، قالا ـ قالاشىقتاردا ورنىقتى جۇمىستانعانىنا 5 جىلدان اسقان جانە وتباسىمەن قونىس اۋدارعان اۋىل شارۋاشىلىعىنان اۋىسقان جان سانى قاتارلى ٴتۇيىندى قاۋىمنىڭ نوپوسقا قونۋ ارناسى بىرتىندەپ اشىلدى. اۋىل شارۋاشىلىعىنان اۋىسقان حالىقتىڭ قالاۋىنا، قابىلەتى مەن شارت-جاعدايىنا قاراي ادامداردىڭ قالاعا كەلىپ ەركىن قونىستانۋىنا مۇمكىندىك جاساۋ كەرەك. 

    2019-جىلدىڭ سوڭىندا، ەلىمىزدىڭ قالا-قالاشىقتارىنداعى تۇراقتى حالىق سانىنىڭ جالپى حالىق سانىندا ۇستايتىن سالىستىرماسى % 60.6 بولىپ، 2015-جىلدىڭ سوڭىنداعىدان 4.5 پايىز جوعارىلادى.

  نەگىزگى الەۋمەتتىك قىزمەت وتەۋدىڭ تەڭگەرىلۋى تەزدەدى، قىزمەت وتەۋ ساپاسى بىرتىندەپ جوعارىلادى.

جىجياڭنىڭ جياشان اۋدانى دايۇن قالاشىعىندا قىستاق تۇرعىنى جاڭ جينگۋان شيپاحانانىڭ « جەلىدەگى بۇلتتىق ەمدەۋ بولمەسىنە » كىرىپ-اق، مەملەكەت بويىنشا 180 مىڭ شيپاگەرگە اۋرۋ جاعدايىن ايتىپ دياگنوزىن قويدىرۋىنا مۇمكىندىك العانىن ايتا كەلىپ تىلشىگە بىلاي دەدى: جياشان ەمدەۋ قامسىزداندىرۋ كارتوچكاسىن الىپ شاڭحايداعى 3-aدارەجەلى شيپاحانانىڭ مامان شيپاگەرىنە الدىن الا ۋادەلەسۋگە بولادى، باسقا جەردە ناۋقاس كورسەتىپ، تىكەلەي ەسەپ جابۋعا بولادى. قازىر ەمدەلۋ وتە قولايلى بولدى. 

    «13-بەسجىلدىق» كەزىندە، ەلىمىزدىڭ قالا-اۋىل وقۋ-اعارتۋ بايلىعىن بىركەلكى ورنالاستىرۋ مەحانيزمى، اۋىل-قىستاق ەمدەۋ-دەنساۋلىق ساقتاۋعا قىزمەت وتەۋ جۇيەسى، قالا مەن اۋىلدىڭ الەۋمەتتىك مادەنيەتتىك قىزمەت وتەۋ جۇيەسى، قالا مەن اۋىلدىڭ قوعامدىق قامسىزداندىرۋ ٴتۇزىمىن بىرلىككە كەلتىرۋ سياقتى ٴبىر قىدىرۋ نەگىزگى الەۋمەتتىك قىزمەت وتەۋ ٴتۇزىمى جۇيەسى اناعۇرلىم كەمەلدەنىپ، بيىلعى نەگىزگى الەۋمەتتىك قىزمەت وتەۋدى تەڭگەرۋ نىساناسىن جالپى تۇلعالىق جاقتان جۇزەگە اسىرۋعا ۇزدىكسىز نەگىز قالاندى. 

    اۋدان قالاشىعىنىڭ قالا ـ قالاشىقتانۋىندا ولقىلىقتاردى تولىقتاپ، قالا مەن اۋىلدىڭ توعىسۋ دەڭگەيى ۇزدىكسىز جوعارىلادى. 

    اتىز باسىنداعى لاس سۋدى ٴبىر جايلى ەتۋ جابدىعىنان مولدىر سۋدىڭ شىعىپ جاتقانىن كورگەندە، جىجياڭ ولكەسى جينحۋا قالاسى ۋ ـ ي اۋدانى جينپيڭ قىستاعى پارتيا ياچەيكاسىنىڭ شۋجيى ۋ شيانچۋاننىڭ جۇزىنەن كۇلكى ەستى. 2017 ـ جىلى ۋ ـ ي اۋدانى لاس سۋدى ٴبىر جاقتى ەتۋ « پۋنكت باستىعى ٴتۇزىمىن »جاپپاي اتقارعاننان كەيىن، قىستاق باستىعى ۋ شيانچۋان ٴار كۇنى تاڭەرتەڭ ساعات 7 دەن باستاپ ارالاپ تەكسەرۋ جۇرگىزەدى. ول بىلاي دەدى: ۋ ـ ي اۋدانىندا جالپى 100 ميلليون يۋاننان استام قارجى قوسقان لاس سۋدى ٴبىر جاقتى ەتۋ 2 ـ زاۆودى سىناق رەتىندە جۇمىس باستادى، ٴار كۇنگى لاس سۋدى ٴبىر جاقتى ەتۋ قۋاتى تاعى 25 مىڭ توننا ارتتى. 

    ۋ-ي اۋدانى سياقتى، بيىل بۇكىل ەلدەگى 120 اۋدان جانە اۋدان دارەجەلى قالا-قالاشىق جاڭاشا قالا-قالاشىقتاندىرۋ قۇرىلىسىنان ۇلگى كورسەتۋ قىزمەتىن ورىستەتىپ، الەۋمەتتىك قىزمەت وتەۋ، ورتا تازالىعى، قالا اكىمشىلىك باسقارۋ ىستەرى، كاسىپتىك تاربيەلەۋ قاتارلى قۇرىلعىلاردىڭ ولقىلىقتارىن تولىقتاۋدى جەدەلدەتتى، ٴارى اۋىل ـ قىستاقتى قامتىپ، شارۋالاردىڭ جاقىن ماڭدا قالا ـ قالاشىقتانۋىنا، اۋىل شارۋاشىلىعىن، اۋىل ـ قىستاقتى وسىزامانداندىرۋىنا پارمەندى قولداۋ كورسەتتى.


اۋدارعان:كۇلان ىرىسباي قىزى

中央广播电视总台 央广网 版权所有

جاڭاشا قالا-قالاشىقتاندىرۋ قۇرىلىسىندا تىڭ تابىستارعا قول جەتتى

اۋدان قالاشىعىنىڭ قالا ـ قالاشىقتانۋىندا ولقىلىقتاردى تولىقتاپ، قالا مەن اۋىلدىڭ توعىسۋ دەڭگەيى ۇزدىكسىز جوعارىلادى