ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

14 تاراۋ بىرلەسىپ قۇجات شىعارىپ، وسى ارەكەتتەردى قاتاڭ تەكسەرۋدى جولعا قويدى

来源:جۇڭگو قازاق راديو تورابى     |责编:古丽美热|     发布日期: 2020-10-26 16:58

 

ٴوز حابارىمىز. جۋىردا بازاردى باقىلاپ-باسقارۋ باس مەكەمەسى، ورتالىق ۇگىت ءبولىمى، ونەركاسىپ جانە ينفورماتسيالاندىرۋ مينيسترلىگى قاتارلى توراپ بازارىن باقىلاپ-باسقارۋ مينيسترلىك كوميتتەر ارا سايكەستىرۋ تۇزىمىنە مۇشە 14 ورىن بىرلەسىپ «2020-جىلعى توراپ بازارىن باقىلاپ-باسقارۋ ارناۋلى ارەكەتى» جوباسىن باسىپ تاراتۋ جونىندەگى ۇقتىرۋدى » جاريالاپ، 10-ايدان 12-ايعا دەيىن 2020-جىلعى توراپ سەمسەر ارەكەتىن ورىستەتۋدى ۇيعارىپ، توراپ بازارىنداعى كورنەكتى ماسەلەلەردى شوعىرلى جونگە سالۋ، تۇتىنۋشىلار مەن تيجاراتشىلاردىڭ زاڭدى ۇقىق-مۇددەسىن، ٴادىل، ٴتارتىپتى بازار ورتاسىن قورعاۋدى جولعا قويدى. 

    «ۇقتىرۋدا» مىنالار ايقىن بەلگىلەندى: 2020 – جىلعى توراپ سەمسەر ارەكەتىنىڭ ءتۇيىندى مىندەتتەرى مىنالار: ەلەكتروندى ساۋدا تەكشەسىنىڭ جاۋاپكەرشىلىگىن تياناقتاندىرۋ، شەكتەن تىس باسەكەلەسۋ ارەكەتىنە قاتاڭ سوققى بەرۋ، توراپتا ۇقىققا قول سۇعۋ جالعان، جارامسىز تاۋارلاردى شوعىرلى ساتۋ ارەكەتىن جونگە سالۋ، جابايى حايۋاناتتار مەن وسىمدىكتەردىڭ جانە ودان جاسالعان بۇيىمداردى زاڭسىز ساۋدالاۋ ارەكەتتەرىنە قاتاڭ سوققى بەرۋ، عالامتور جارناماسىن باقىلاپ – باسقارۋدى كۇشەيتۋ جانە قوعامداعى قولامتالى ماسەلەلەردى وڭاۋ.

«ۇقتىرۋدا» مىنالار تالاپ ەتىلدى: جەر ـ جەر، تاراۋلار فۋنكتسيالىق مىندەتتى تياناق ەتىپ، جاۋاپكەرشىلىك ارقالاۋ تانىمىن كۇشەيتىپ، توراپ سەمسەر ارەكەتىنىڭ ٴتۇرلى قىزمەتتەرىنىڭ ٴتارتىپتى ورىستەتىلۋىن ورنىقتى ىلگەرىلەتۋى؛ توراپ بازارىن باقىلاپ-باسقارۋ رولىن تولىق ساۋلەلەندىرىپ، تاراۋلار ارا سەلبەستىكتى بەلسەنە ورىستەتىپ، ينفورماتسيا، زاڭ اتقارۋدا ٴوزارا كومەكتەسۋدى كۇشەيتىپ، باقىلاپ ـ باسقارۋدىڭ بىرىككەن كۇشىن قالىپتاستىرۋ؛ «ەلەكتروندىق ساۋدا زاڭىن» ۇگىتتەۋ، توعىستىرۋ قىزمەتىن ۇزدىكسىز ىلگەرىلەتىپ، ينتەرنەت بازارى تيجاراتشىلارىنىڭ سانالى تۇردە ٴوزىن تەجەۋىن، تيجارات ارەكەتتەرىن ارناعا ٴتۇسىرۋىن ىلگەرىلەتۋ كەرەك.


اۋدارعان: نازار ٴارىپ ۇلى

中央广播电视总台 央广网 版权所有

14 تاراۋ بىرلەسىپ قۇجات شىعارىپ، وسى ارەكەتتەردى قاتاڭ تەكسەرۋدى جولعا قويدى

ينتەرنەت بازارى تيجاراتشىلارىنىڭ سانالى تۇردە ٴوزىن تەجەۋىن، تيجارات ارەكەتتەرىن ارناعا ٴتۇسىرۋىن ىلگەرىلەتۋ كەرەك