ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ەلىمىز كوپ ٴتۇرلى شارانى قاتار قولدانىپ اۋىل-قىستاقتاردىڭ گۇلدەنۋىن جالپى بەتتىك جەبەيدى

来源:جۇڭگو قازاق راديو تورابى     |责编:阿依娜古丽|     发布日期: 2021-01-14 10:04


    ٴوز حابارىمىز. اۋىل شارۋاشىلىعى، اۋىل-قىستاق مينيسترلىگىنىڭ قاتىستى جاۋاپتىسى وسى ايدىڭ 13-كۇنى مەملەكەتتىك كەڭەستىڭ اقپارات كەڭسەسى اشقان اقپارات جاريالاۋ جيىنىندا تانىستىرىپ بىلاي دەدى: ەلىمىز اۋىل-قىستاقتاردىڭ گۇلدەنۋىن جالپى بەتتىك جەبەۋ ٴۇشىن استىق سياقتى ماڭىزدى اۋىل شارۋاشىلىق ونىمدەرىنىڭ قامدالۋىن قامتاماسىزداندىرۋ ورەسىن جوعارىلاتىپ، اۋىل-قىستاق شارۋاشىلىعىن زور كۇشپەن دامىتىپ، اۋىل-قىستاق قۇرىلىسى ارەكەتىن اتقارادى.


    استىق حاۋىپسىزدىگىن قامتاماسىزداندىرعاندا عانا اۋىل-قىستاقتاردى كوركەيتۋ نەگىزى بەكەمدەلەدى. اۋىل شارۋاشىلىعى، اۋىل-قىستاق مينيسترىنىڭ ورىنباسارى ليۋ حۋانشين بىلاي دەدى: كەزەكتەگى جانە بۇدان بىلايعى ٴبىر مەزگىلدە تۇقىم مەن ەگىستىك جەر سىندى ەكى «ماڭىزدى ٴتۇيىن» مىقتى ۇستالىپ، 1 ميلليارد 800 ميلليون مۋلىق ەگىستىك جەر القابى قورعالىپ، جوعارى ولشەمدى اتىز-ارىق قۇرىلىسى كۇشەيتىلىپ، تۇقىم كاسىبىن جاڭالاۋ شايقاسى جۇرگىزىلەدى. سونىمەن ٴبىر ۋاقىتتا، اۋىل-قىستاق كاسىپتەرى زور كۇشپەن دامىتىلىپ، اۋىل-قىستاق قۇرىلىسى اتقارىلادى. اۋىل-قىستاقتاردىڭ تاسجول، سۋمەن قامداۋ حاۋىپسىزدىگى، اۋىل-قىستاق ەلەكتر تورابىن جاڭا كەزەكتى ورەلەندىرىپ وڭاۋ، اۋىل-قىستاق زات اينالىم جۇيەسى قۇرىلىسى، اۋىل-قىستاقتارداعى تۇرعىن ۇيلەردىڭ ساپاسىن جوعارىلاتۋ قاتارلى ٴبىر سىپىرا ٴتۇيىندى ينجەنەريا اتقارىلىپ، اۋدان، اۋىل، قىستاقتاردىڭ نەگىزدىك الەۋمەتتىك قىزمەت وتەۋىن ٴبىر تۇلعالاندىرۋ اياق الىسى ۇزدىكسىز جەبەلەدى، وقۋ-اعارتۋ، ەمدەۋ، مادەنيەت، دەنساۋلىق ساقتاۋ سياقتى الەۋمەتتىك بايلىقتار اۋدان كولەمىندە بولىسكە سالىنادى.


    2019-جىلى، ەلىمىزدەگى اۋىل شارۋاشىلىق ونىمدەرىنىڭ توراپتاعى ساۋدا سوماسى 400 ميلليارد يۋانعا تايادى. اۋىل شارۋاشىلىعى، اۋىل-قىستاق مينيسترلىگىنە قاراستى دامۋدى جوسپارلاۋ مەكەمەسىنىڭ باستىعى زىڭ ياندى بىلاي دەدى: الدا، ساۋدا ىستەرىن ەلەكترونداندىرۋدىڭ ديقانداردىڭ كىرىسىن ارتتىرۋداعى جەبەۋشىلىك رولى بارىنشا زورايادى. 4G تورابى قازىر اكىمشىلىك قىستاقتاردىڭ %98 ىنە جالپىلاستى، كەلەسى قادامدا G5 تورابى دا اۋىل-قىستاقتارعا جالپىلاساتىن بولادى، وسىدان بىلايعى ٴبىر مەزگىلدە «سيفىرلى جۇڭگو» قۇرىلىسىنىڭ جەدەلدەۋىنە ىلەسە اۋىل-قىستاقتاردا ەلەكتروندانعان ساۋدا ىستەرى قارىشتاپ دامۋىنىڭ اۋىل شارۋاشىلىعىنىڭ فورماسىن جاڭالاپ، دارەجەسىن جوعارىلاتاتىندىعىنا كامىل سەنەمىز.


    اۋىل شارۋاشىلىعى، اۋىل-قىستاق مينيسترلىگىنە قاراستى ساياسات پەن رەفورما مەكەمەسىنىڭ جاۋاپتىسى جاۋ چاڭباۋ بىلاي دەدى: كەلەسى قادامدا، اۋىل-قىستاقتاردىڭ كوللەكتيۆ تيجارات سيپاتىنداعى مال-مۇلىك جارنا سەلبەستىك ٴتۇزىمى رەفورماسى جالپى بەتتىك جەبەلىپ، جاڭاشا اۋىل-قىستاق كوللەكتيۆ شارۋاشىلىعى دامىتىلىپ، اۋىل-قىستاقتاردىڭ كوللەكتيۆ تيجارات سيپاتىنداعى قۇرىلىسقا ىستەتىلەتىن جەرلەر بازارعا ەنگىزىلەدى. اۋداندار قالا مەن اۋىلدى توعىستىرىپ دامىتۋداعى ماڭىزدى شىعار ٴتۇيىن ەتىلىپ، جەر-ەڭبەككۇش سياقتى ماڭىزدى فاكتورلاردىڭ بازارلاندىرۋ رەفورماسى جانە نوپوس ٴتۇزىمى رەفورماسىندا جاڭالانۋىن جەدەلدەتىپ، قالا-اۋىل ماڭىزدى فاكتورلارىنىڭ تەپە-تەڭ ايىرباستالىپ، قوس باعىتتا اينالىمعا ٴتۇسۋى جەبەلىپ، ديحاندار قالا-قالاشىقتانۋ جانە وسىزاماندانۋدىڭ دامۋ جەتىستىكتەرىنەن تەپە-تەڭ يگىلىكتەنەتىن بولادى.


اۋدارعان: امانتاي مۇسايىپ ۇلى

中央广播电视总台 央广网 版权所有

ەلىمىز كوپ ٴتۇرلى شارانى قاتار قولدانىپ اۋىل-قىستاقتاردىڭ گۇلدەنۋىن جالپى بەتتىك جەبەيدى

ەلىمىز اۋىل-قىستاقتاردىڭ گۇلدەنۋىن جالپى بەتتىك جەبەۋ ٴۇشىن استىق سياقتى ماڭىزدى اۋىل شارۋاشىلىق ونىمدەرىنىڭ قامدالۋىن قامتاماسىزداندىرۋ ورەسىن جوعارىلاتىپ، اۋىل-قىستاق شارۋاشىلىعىن زور كۇشپەن دامىتىپ، اۋىل-قىستاق قۇرىلىسى ارەكەتىن اتقارادى.