تيانحى وزەك بولمەسى مەن تيان جوۋ 2-ٴنومىرلى باعالاۋدان ٴوتتى
ٴوز حابارىمىز: ٴتىلشى 1-ايدىڭ 14-كۇنى جۇڭگو عارىشقا ادام الىپ ۇشۋ كەڭسەسىنەن مىنانى ۇعىستى: كەڭىستىك بەكەتىنىڭ تيانحى وزەك بولمەسى، تيان جوۋ 2-ٴنومىرلى جۇك تاسىمال الەم كەمەسى جانە كەڭىستىك قولدانىلمالى جۇيەسى وزەك بولمەسىنىڭ مىندەتى عارىشقا ادام الىپ ۇشۋ ينجەنەرياسىن باسقارۋ تاراۋلارىنىڭ ۇيىمداستىرعان زاۆودتان شىعۋ باعالاۋىنان ٴساتتى ٴوتتى.
كەزەكتە، كەڭىستىك بەكەتىنىڭ تيانحى وزەك بولمەسى مەن تيان جوۋ 2-نومەرلى جۇك تاسمال الەم كەمەسىنە قاتىستى زەرتتەۋ جاساۋ، ٴوندىرۋ، سىناقتان وتكىزۋ قىزمەتى تۇگەلدەي ورىندالدى. زەرتتەۋ جاساۋ بارىسىندا تەحنيكالىق كۇي مەن ساپاسى تولىق مەڭگەرىلىپ، جۇيەلەردىڭ ٴوزارا قابىستىرىلۋى سايكەسىمدى، حاۋپ-قاتەردى پارىقتاۋ جانە مەڭگەرۋ شاراسىنىڭ ٴونىمى كورنەكتى بولىپ، ٴار قايسى يقۋات رولدارى ينجەنەريانىڭ جالپى تۇلعالىق تالابىنان شىقتى.
باعالاۋ كوميسسياسى اتالعان ەكى تيۆتەگى ۇشۋ اسپابى مەن كەڭىستىك قولدانىلمالى جۇيەسى وزەك بولمەسىنىڭ مىندەتى قورتىندىلانعان باياندامانى مۇقيات قاراپ شىعىپ، زاۆودتان شىعارۋعا ٴبىر اۋىزدان قوسىلدى.
اۋدارعان: شالقار قازەز ۇلى