ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

جەر-جەر اۋىل-قىستاقتارداعى ىندەتتەن ساقتانۋ تورىن كۇشەيتتى

来源:جۇڭگو قازاق راديو تورابى     |责编:古丽美热|     发布日期: 2021-01-18 11:23

 

ٴوز حابارىمىز. جەر-جەر اۋىل-قىستاقتارداعى ىندەتتەن ساقتانۋ تورىن قاتاڭداستىرىپ، اۋىلىنا قايتقانداردى تور كوزدەندىرىپ باسقارىپ، ىندەتتەن ساقتانۋ بىلىمدەرىن ۇگىتتەپ، ىندەتتەن ساقتانۋ ساياساتتارىن تۇسىندىرىپ، جۇرتشىلىقتىڭ ٴوزىن قورعاۋ تانىمىن كۇشەيتتى. 

    حۋبەي ولكەسى يچاڭ قالاسىنا قاراستى داڭ ياڭ قالاسى بانيۋە قالاشىعى بانيۋەشان الەۋمەتتىك رايونىنا تۇسكەن حالىق ساقشىسى مي شياۋشين تاڭەرتەڭ ەرتە ٴوزى بايلانىس جاسايتىن قىستاق تۇرعىننىڭ ۇيىنە باردى. قىستاقتىڭ ىندەتتەن ساقتانۋ تورىنداعى ساڭلاۋلاردى بىتەۋ ٴۇشىن الدىمەن ادامداردى قاتاڭ باسقارۋ قاجەت. مي شياۋشين مەن ونىڭ قىزمەتتەستەرى ٴبىر قىستاققا ٴبىر ادام جاۋاپتى بولىپ، اۋىلىنا قايتقان ادامداردىڭ جاعدايىن ىشكەرلەي ۇعىستى. 

    شياۋگان قالاسى داۋە اۋدانى دۇڭشين اۋىلىندا «اۋىل ٴۇنى راديوسى» قىستاق تۇرعىندارىنا اۋىلدىڭ ىندەتتەن ساقتانۋ-تىزگىندەۋ تالابىن جەتكىزدى: كوپشىلىكتەن مۇمكىندىگىنشە كوكتەم مەرەكەسىن ٴوز جەرىندە وتكىزۋدى تالاپ ەتتى، ەگەر اۋىلعا قايتپاقشى بولسا، قىستاق ەكى كوميتەتىنە دەر كەزىندە مالىمدەۋى قاجەت. 

    اۋىلىنا قايتقانداردىڭ جۇقپالى اۋرۋدان ساقتانۋ جانە ونى تىزگىندەۋدى توز كوزدەرندىرىپ باسقارۋدا نەگىزگى ساتى ەمدەۋ، دەنساۋلىق ساقتاۋ قۇرىلىمدارىنىڭ رولى وتە زور. حانچۋان قالاسى تۇنحۋ قالاشىعى شيپاحاناسىنداعى ەمدەۋ قىزمەتكەرلەرى جۇعىمدالۋ قاتەرى ورتاشا جانە جوعارى رايونىنان كەلگەن اۋىلىنا قايتقان 7 ادامعا تەكسەرۋ جۇرگىزۋدە، قىزعان ناۋقاستاردى تەكسەرۋ امبولاتورياسىنىڭ نەگىزگى شيپاگەرى شيا چي بىلاي دەدى : قالاشىق 50 دەي جاتاق ٴۇيىن الدىن الا دايىنداپ، جۇعىمدالۋ قاتەرى ورتاشا جانە جوعارى رايونىنان كەلگەن اۋىلىنا قايتقانداردى شوعىرلى اۋاشالادى. 

    انحۇي ولكەسى بىڭبۋ قالاسىنىڭ جۇقپالى اۋرۋدان ساقتانۋ جانە ونى ەمدەۋ تاراۋلارى اۋىل-قالاشىقتارمەن بىرلەسىپ، سىرتتا جۇمىس ىستەۋشىلەردىڭ ينفورماتسياسىن تەكسەرىپ تىزىمگە الىپ، اۋىلىنا قايتقانداردىڭ نۋكلەيىن قىشقىلىن دەرەۋ اقىسىز تەكسەردى.


اۋدارعان: سەرىك راقىم ۇلى

中央广播电视总台 央广网 版权所有

جەر-جەر اۋىل-قىستاقتارداعى ىندەتتەن ساقتانۋ تورىن كۇشەيتتى

سىرتتا جۇمىس ىستەۋشىلەردىڭ ينفورماتسياسىن تەكسەرىپ تىزىمگە الىپ، اۋىلىنا قايتقانداردىڭ نۋكلەيىن قىشقىلىن دەرەۋ اقىسىز تەكسەردى