ٴوز حابارىمىز. 2021-جىلعى تايۋان قىزمەتى ٴماجىلىسى 1-ايدىڭ 17-، 18-كۇندەرى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ ياڭ ماجىلىسكە قاتىناستى ٴارى ٴسوز سويلەدى. ول مىنالاردى باسا دارىپتەدى : شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ تايۋان قىزمەتى جونىندەگى شەشىمدەرى مەن ورنالاستىرۋلارىن مۇقيات دايەكتى تياناقتاندىرىپ،«ٴبىر جۇڭگو پرينسيبى» مەن «92 ـ جىلعى ورتاق تانىمعا» تاباندى بولىپ « تايۋاندى دەربەستەندىرۋ » بولشەكتەۋ ارەكەتى مەن سىرتقى كۇشتەردىڭ كيلىگۋىن باتىل تەجەپ، ەكى جاعالاۋ قاتىناسىنىڭ بەيبىت دامۋىن، توعىسپالى دامۋىن بەلسەنە جەبەپ، وتاننىڭ بىرلىككە كەلۋ اياق الىسىن ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋعا جاقسى باستاما جاراتىپ، جاقسى قادام تاستاپ، كۇش قوسىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋىمىز كەرەك. 

    ۋاڭ ياڭ بىلاي دەپ اتاپ كورسەتتى : بۇگىنگى دۇنيە ٴجۇزى 100 جىلدا بولماعان زور وزگەرىستى باستان كەشىرۋدە، تايۋان بۇعازىنىڭ جاعدايى ٴالى دە قاتاڭ دا كۇردەلى، تايۋان قىزمەتى ٴدوپ كەلگەن وراي مەن سىن ـ سايىستاردا تۇگەلدەي تىڭ وزگەرىستەر جارىققا شىقتى، «ۋاقىت» پەن «اۋقىم» قاشاندا ٴبىزدىڭ جاقتا. وزگەرىستى دۇرىس تانىپ، وزگەرىسكە عىلمي توتەپ بەرىپ، حاۋىپ ـ قاتەر تانىمىن كۇشەيتىپ، تومەنگى شەكتە ويلاۋدى بەرىك ورناتىپ، كۇرەس رۋحىن ساۋلەلەندىرىپ، «تايۋاندى دەربەستەندىرۋ» بولشەكتەۋشى كۇشتەرىنىڭ شەتەل كۇشتەرىن وزىنە تارتۋ، «دەربەستىكتى» كوزدەپ سوقتىعۋىن باتىل تەجەپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعايتىن بەكىم مەن ەرىك ـ جىگەردى تولىق ايگىلەپ، ٴارقانداي ادامنىڭ، ٴارقانداي كۇشتىڭ ٴارقانداي تاسىلمەن تايۋاندى وتان قۇشاعىنان ٴبولىپ اكەتۋىنە استە جول بەرمەۋ كەرەك. تايۋان ساۋداگەرلەرى مەن تايۋان كاسىپورىندارىنىڭ مەملەكەتتىڭ جاڭا دامۋ جاعدايىن قالىپتاستىرۋ ورايىن مىقتى يگەرىپ، «14-بەسجىلدىق» جوبانىڭ اتقارىلۋىنا، مەملەكەتتىڭ وڭىرلىك سايكەستى دامۋ ستراتەگياسىنا بەلسەنە ات سالىسۋىنا قولداۋ كورسەتىپ، فۋجياننىڭ بۇعازدىڭ ەكى جاعالاۋىنىڭ توعىسپالى دامۋىنىڭ جاڭا جولىن قاراستىرۋىنا قولداۋ كورسەتۋ كەرەك. تايۋان دەموكراتيالىق اۆتونوميا وداعى بيلەۋشىلەرىنىڭ ەكى جاعالاۋدىڭ اۋىس-كۇيىسى مەن سەلبەستىگىنىڭ بوگەتتەرىن بۇزىپ، تايۋاندىق باۋىرلاستاردىڭ باقىتىن قامتاماسىز ەتۋ مەن ۇقساس مامىلەنى جۇزەگە اسىرۋ جونىندەگى تۇزىمدىك ورنالاستىرۋ مەن ساياساتتىق شارالاردى ۇزدىكسىز كەمەلدەندىرىپ، تايۋاندىق باۋىرلاستاردىڭ اناعۇرلىم كوپ تابىس سەزىمىنە كەنەلۋىنە مۇمكىندىك جاساۋ كەرەك. 

    ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەتى كوميتەتى كەڭسەسىنىڭ مەڭگەرۋشىسى ياڭ جيەچى ٴماجىلىستى باسقاردى. ورتالىقتاعى پارتيا، ۇكىمەت، ارميا سالاسىنداعى قاتىستى تاراۋلار مەن جەر ـ جەردەگى قاتىستى جاۋاپتى جولداستارى ماجىلىسكە قاتىناستى.


اۋدارعان: سەرىك راقىم ۇلى