ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

13-كەزەكتى مەملەكەتتىك حالىق قۇرىلتايىنىڭ 4-ٴماجىلىسى دايىندىق ٴماجىلىسىن وتكىزدى

来源:جۇڭگو قازاق راديو تورابى     |责编:阿依娜古丽|     发布日期: 2021-03-05 10:12



    ٴوز حابارىمىز. 13-كەزەكتى مەملەكەتتىك حالىق قۇرىلتايىنىڭ 4-ءماجىلىسى 3-ايدىڭ 4-كۇنى كەشتە حالىق سارايىندا دايىندىق ٴماجىلىسىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ ٴماجىلىستى باسقاردى. ماجىلىستە 13 ـ كەزەكتى مەملەكەتتىك حالىق قۇرىلتايى 4 ـ ٴماجىلىسىنىڭ ٴتوراعالار القاسى جانە باس حاتشىسى سايلاندى، 13 ـ كەزەكتى مەملەكەتتىك حالىق قۇرىلتايى 4 ـ ٴماجىلىسىنىڭ كەڭەس ٴتارتىبى داۋىسقا سالىپ ماقۇلداندى.


    13-كەزەكتى مەملەكەتتىك حالىق قۇرىلتايىنىڭ قازىرگى ۋاكىلى 2953 ادام. 3 - ايدىڭ 3 - كۇنىنە دەيىن ٴماجىلىستىڭ حاتشىلار باسقارماسىنا 2907 ۋاكىل تىزىمدەلدى. 4- كۇنگى دايىندىق ماجىلىسكە 2895 ۋاكىل قاتىناستى، 58 ۋاكىل قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.


    لي جانشۋ: 13 ـ كەزەكتى مەملەكەتتىك حالىق قۇرىلتايىنىڭ 4 ـ ٴماجىلىسى 2021 ـ جىلى 3 - ايدىڭ 5 - كۇنى اشىلاتىندىعىن، ٴماجىلىستىڭ ٴتۇرلى دايىندىق قىزمەتتەرىنىڭ تولىق ورىندالىپ بولعاندىعىن جاريالادى.


    لي جانشۋ بىلاي دەپ اتاپ كورسەتتى: 13-كەزەكتى مەملەكەتتىك حالىق قۇرىلتايى 4-ٴماجىلىسىنىڭ جەتەكشى يدەياسى: شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 ـ قۇرىلتايىنىڭ جانە پارتيا 19-كەزەكتى ورتالىق كوميتەتىنىڭ ەكىنشى، ٴۇشىنشى، ٴتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتى تياناقتاندىرىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، پارتيا باسشىلىعىنىڭ، حالىقتىڭ قوجايىن بولۋىنا، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، پارتيا مەن مەملەكەت قىزمەتىنىڭ جالپى جاعدايىن تىعىز ارقاۋ ەتىپ، نەگىزگى زاڭ مەن زاڭداردا جۇكتەلگەن مىندەتىن مۇقيات اتقارىپ، قۇرىلتايدىڭ ٴتۇرلى مىندەتتەرىن تولىق ورىنداپ، قۇرىلتايدى دەموكراتيالى، ىنتىماقتى، شىندىقتى ٴىس جۇزىنەن ىزدەيتىن، قايراتتانا العا ۇمتىلاتىن قۇرىلتاي ەتىپ اشىپ، بۇكىل ەلدەگى ٴار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسۋعا باستاپ، جۇدىرىقتاي جۇمىلىپ، ٴورىس اشا العا ىلگەرىلەپ، قىزمەتتى تىڭعىلىقتى ىستەپ، «14-بەسجىلدىق » مەزگىلىندەگى ەكونوميكالىق، قوعامدىق دامۋدىڭ تاماشا باستاماسىن جۇزەگە اسىرۋ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋ.


    دايىندىق ماجىلىستە داۋىسقا سالۋ ارقىلى 13-كەزەكتى مەملەكەتتىك حالىق قۇرىلتايى 4-ءماجىلىسىنىڭ ٴتوراعالار القاسى مەن باس حاتشىسى سايلاندى.ٴماجىلىستىڭ ٴتوراعالار القاسى 174 ادامنان قۇرالدى، ۋاڭ چىن ٴماجىلىستىڭ باس حاتشىسى بولدى.


    داۋىسقا سالىپ ماقۇلدانعان ٴماجىلىستىڭ كۇن ٴتارتىبى بويىنشا، 13-كەزەكتى مەملەكەتتىك حالىق قۇرىلتايىنىڭ 4 - ٴماجىلىسى ۇكىمەت قىزمەتىنەن باياندامانى قارايدى. حالىق شارۋاشىلىعى مەن قوعامدىق دامۋدىڭ 14-بەسجىلدىق جوسپارى مەن 2035-جىلعى بولاشاقتىق نىسانا پروگرامماسىنىڭ جوباسىن تەكسەرەدى. 2020-جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2021-جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى باياندامانى، 2021 - جىلعى حالىق شارۋاشىلىعى مەن قوعامدىق دامۋ جوسپار جوباسىن تەكسەرەدى. 2020 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ احۋالى جانە 2021 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسى جونىندەگى باياندامانى، 2021 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسىن تەكسەرەدى. مەملەكەتتىك حالىق قۇرىلتايى تۇراقتى كوميتەتىنىڭ قاراۋعا ۇسىنعان « جۇڭحۋا حالىق رەسپۋبليكاسى مەملەكەتتىك حالىق قۇرىلتايى ۇيىمدىق زاڭىنىڭ ( وزگەرىس ەنگىزىلگەن جوباسى ) » جونىندەگى كەڭەس جوباسىن قارايدى. مەملەكەتتىك حالىق قۇرىلتايى تۇراقتى كوميتەتىنىڭ قاراۋعا ۇسىنعان «جۇڭحۋا حالىق رەسپۋبليكاسى مەملەكەتتىك حالىق قۇرىلتايى ٴىس قاراۋ ەرەجەسىنىڭ (وزگەرىس ەنگىزىلگەن جوباسى» جونىندەگى كەڭەس جوباسىن قارايدى. مەملەكەتتىك حالىق قۇرىلتايى تۇراقتى كوميتەتىنىڭ قاراۋعا ۇسىنعان «مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلام ٴتۇزىمىن كەمەلدەندىرۋ قاۋلىسى» جونىندەگى كەڭەس جوباسىن قارايدى. مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قارايدى، ەڭ جوعارى حالىق سوت مەكەمەسىنىڭ قىزمەت بايانداماسى جانە ەڭ جوعارى حالىق پروكۋراتۋراسىنىڭ قىزمەت بايانداماسىن قارايدى.

اۋدارعان: نازار ٴارىپ ۇلى

中央广播电视总台 央广网 版权所有

13-كەزەكتى مەملەكەتتىك حالىق قۇرىلتايىنىڭ 4-ٴماجىلىسى دايىندىق ٴماجىلىسىن وتكىزدى

13-كەزەكتى مەملەكەتتىك حالىق قۇرىلتايىنىڭ 4-ءماجىلىسى 3-ايدىڭ 4-كۇنى كەشتە حالىق سارايىندا دايىندىق ٴماجىلىسىن وتكىزدى