حان جىڭ ولكە-مينيستر دارەجەلى كادرلاردىڭ وسىزامانعى قازىنا-باجى، فينانس ٴتۇزىلىسىن ورناتۋ ارناۋلى تاقىرىپتىق زەرتتەۋ-تالقىلاۋ كۋرسى اڭگىمە ماجىلىسىنە قاتىناستى
ٴوز حابارىمىز. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 4-ايدىڭ 15 ـ كۇنى ولكە-مينيستر دارەجەلى كادرلاردىڭ وسىزامانعى قازىنا ـ باجى، فينانس ٴتۇزىلىسىن ورناتۋ ارناۋلى تاقىرىپتىق زەرتتەۋ ـ تالقىلاۋ كۋرسىنىڭ اڭگىمە ماجىلىسىنە قاتىناسىپ، كۋرسانت ۋاكىلدەرىنىڭ ٴسوزىن تىڭدادى ٴارى ٴسوز سويلەدى. ول مىنالاردى باسا دارىپتەدى : شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتەندىرىپ، پارتيا 19-كەزەكتى ورتالىق كوميتەتىنىڭ بەسىنشى جالپى ٴماجىلىسى مەن ۇكىمەت قىزمەتىنەن بايانداماداعى ورنالاستىرۋلاردى دايەكتى تياناقتاندىرۋ؛ ەكونوميكالىق جاعدايعا عىلمي تالداۋ جاساپ، زەرتتەپ، قازىنا ـ باجى ٴتۇيىندى قىزمەتتەرىن ويداعىداي يگەرۋ ارقىلى وسىزامانعى قازىنا ـ باجى ٴتۇزىلىسىن ورناتۋدى ىلگەرىلەتىپ، جالپى بەتتىك سوتسياليستىك وسىزاماندانعان مەملەكەت قۇرۋعا پارمەندى تىرەك جانە كەپىل ازىرلەۋ كەرەك.
حان جىڭ بىلاي دەدى: بيىل جىل باسىنان بەرى، ەلىمىز ەكونوميكاسىندا جۇقپالى اۋرۋدىڭ ىقپالىن ارىلتۋ شارت-جاعدايىندا قالپىنا كەلۋ سيپاتتى ارتۋدىڭ جۇزەگە اسۋى وڭاي ـ وسپاق قولعا كەلگەن جوق. سونىمەن بىرگە مىنانى دا كورە ٴبىلۋىمىز كەرەك: ەلىمىزدىڭ ەكونوميكالىق اينالىمى ٴالى دە كوپتەگەن تۇراقسىزدىققا ٴدوپ كەلىپ وتىر. ەكونوميكالىق جاعدايعا جالپى جۇزدىك، وبيەكتيۆ، بايىپتى تالداۋ جاساپ، زەرتتەۋ جۇرگىزۋ؛ ماسەلە مەن سىن-سايىستارعا تايسالماي قارسى بەتتەۋ؛ جوعارى ساپالى دامۋدى ىلگەرىلەتۋ، ورتاق اۋقاتتانۋدى تىڭعىلىقتى ىلگەرىلەتۋ، جالپىلىق مەملەكەت حاۋىپسىزدىگى كوزقاراسىن بەرىك ورناتۋ سىندى 3 تەتىكتى ويداعىداي يگەرۋ؛ ماڭىزدى ستراتەگيالىق وراي مەزگىلىن مىقتى يگەرىپ جانە ويداعىداي پايدالانىپ، زەيىن ـ زەردە، كۇش-كۋاتتى شوعىرلاندىرا وتىرىپ ٴوز ٴىسىمىزدى ويداعىداي ىستەۋىمىز كەرەك.
حان جىڭ مىنالاردى باسا دارىپتەدى: پارتيا مەن مەملەكەت قىزمەتىنىڭ جالپى جاعدايى تۇرعىسىنان ٴتۇرلى قازىنا-باجى قىزمەتىن تىڭعىلىقتى ىستەۋ كەرەك. جەرلىك ۇكىمەتتەردىڭ كومەسكى قارىزىنىڭ ارتۋىن باتىل تيۋ؛ قارىزدىڭ ساقتالۋ مولشەرى ماسەلەسىن ورنىقتى شەشۋ؛ جەرلىك ۇكىمەتتەردىڭ قارىز حاۋىپ ـ قاتەرىنەن ساقتانۋ جانە جويۋ كەرەك. جەرلىك ۇكىمەتتەردىڭ ارناۋلى زايومىنان ويداعىداي پايدالانىپ، «قارجىنىڭ نىسانمەن بىرگە جۇرۋىنە» تاباندى بولۋ؛ نىسان زاپاسىن ىشكەرىلەي ناقتىلاندىرۋ كەرەك. «تۇرعىن ٴۇي تاۋار ەمەس، تۇرۋعا ارنالعان» دەگەن تانىمعا تاباندى بولۋ؛ قورا-جاي شارۋاشىلىعىن قىسقا مەرزىمدىك ەكونوميكانى ىنتالاندىرۋدىڭ ٴتاسىلى ەتپەۋ؛ قورا-جاي بازارىن تەڭشەۋ ـ مەڭگەرۋدى كۇشەيتۋ؛ قورا-جاي بازارىنىڭ ورنىقتى، اقاۋسىز دامۋىن جەبەۋ كەرەك. زەينەتاقىنىڭ ۋاعىندا، تولىعىمەن تاراتىلۋىنا كەپىلدىك ەتۋ؛ نەگىزدىك زەينەتكەرلىك قامسىزداندىرۋىن مەملەكەت بويىنشا ٴبىر تۇتاس جوسپارلاۋدى ورنىقتى، ٴتارتىپتى ىلگەرىلەتۋ؛ قوعامدىق قامسىزداندىرۋ قاراجاتى مەن باجىعا جاتپايتىن كىرىستى باجى تاراۋلارىنىڭ جيناۋىنا ورنالاستىرۋ قىزمەتىن ويداعىداي ىستەۋ كەرەك. جەرلىك ۇكىمەتتەردىڭ جاۋاپكەرشىلىگىن ناقتىلاندىرۋ؛ نەگىزگى ساتىنىڭ «ٴۇشتى قامتاماسىزداندىرۋ» تومەنگى شەگىن مىقتاپ يگەرۋگە كەپىلدىك ەتۋ كەرەك. ساياسي تۇجىرىم جاساۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، ادال، كىرشىكسىز، جاۋاپكەرشىلىك ارقالايتىن قازىنا ـ باجى قۇرىش قوسىنىن قالىپتاستىرۋ كەرەك.
اۋدارعان: قاناتبەك جۇماباي ۇلى
