بەيجيڭنەن شىعىپ، بەيجيڭ-كۇنميڭ جوعارى قارقىندى تاس جولىن بويلاپ وڭتۇستىككە قاراي 3 ساعاتتان استام ۋاقىت جۇرگەندە، توڭكەرىستىك قاسيەتتى جەر-شيبايپوعا جەتەدى. قولايلى قاتىناس اناعۇرلىم كوپ ساياحاتشىنى باۋرادى.

    چينليڭ تاۋىنىڭ قويناۋىنان ەندەي ٴوتىپ، داحىبا اقى الۋ پۋنكتىنەن جوعارى قارقىندى تاس جولدان شىققاندا، شانشي ولكەسى انكاڭ قالاسى نيڭشان اۋدانى ميزى قالاشىعى زى-ۋ الەۋمەتتىك اۋماعىنان وتەدى. الەۋمەتتىك اۋماقتىڭ كيىم-كەشەك زاۆودى جولعا جاقىن ورنالاسقان، تىگىنشى تاڭ بيحۇي قاربالاس قىزمەت ىستەۋدە. ول بىلاي دەدى: زى-ۋ الەۋمەتتىك اۋماعىنا تاۋدان كوشىرىلگەندەر ورنالاستىرىلعان، قىستاقتاردىڭ باسىم كوبى تاۋ قويناۋىندا، تۇرمىسىندا قيىنشىلىق اۋىر، تاۋدان كوشىپ تۇسكەننەن كەيىن، زاۆودتان اي سايىن 2 دە 3 مىڭ يۋان كىرىس كىرگىزدىم، وتباسىم 2014-جىلى كەدەيلىكتەن قۇتىلىپ، كەدەيلىك قالپاعىن الىپ تاستادى.

    بىلتىر «ساتىلى جوعارى قارقىندى تاس جول» بەينە كەسكىنى توراپتا قىزۋ اڭىس قوزعادى، اسقار تاۋلاردى ارالاي سالىنعان بۇل جوعارى قارقىندى تاس جول بەيجيڭ-كۇنميڭ جوعارى قارقىندى تاس جولىنىڭ سىچۋان ولكەسىندەگى يا-اننان شيچاڭعا دەيىنگى بولەگى ەدى. سىچۋان ويپاتىنىڭ جيەگىندەگى جەر بەدەرى ۇزدىكسىز كوتەرىلگەن وڭىرگە ورنالاسقاندىقتان، «يا-ان-شيچاڭ جوعارى قارقىندى تاس جولى» تاعى « بۇلت اراسىنداعى جوعارى قارقىندى تاس جول» دەپ اتالدى. ال مۇنىڭ ىشىندە تو-ۋشاننان شىميانعا دەيىنگى 50 كيلومەتردەن استام جول «ەڭ قاتەرلى جول بولەگى» دەپ اتالدى، بەيجيڭ-كۇنميڭ جوعارى قارقىندى تاس جولىنىڭ يا-ان-شيچاڭ بولەگىن جوبالاۋ جاۋاپتىسى، سىچۋان تاس جول جوبالاۋ مەكەمەسىنىڭ باس ينجەنەرى مۋ تيڭمين بىلاي دەدى: وسىنداي جەر بەدەرى شارت-جاعدايىندا جوعارى قارقىندى تاس جول سالۋدا جۇك اۆتوموبيلى 80 كيلومەتر جىلدامدىقپەن تاۋ باسىنا شىعىپ، تاۋ ەتەگىنە حاۋىپسىز ٴتۇستى.

اۋدارعان: گۇلنۇر قابىلقاق قىزى