4-ايدىڭ 15-كۇنى-مەملەكەت حاۋىپسىزدىگى زاڭى شياڭگاڭدا اتقارىلعاننان كەيىنگى تۇڭعىش رەتكى «جالپى حالىقتىق مەملەكەت حاۋىپسىزدىگى تاربيە كۇنى»، تۇستەن بۇرىن ەرەكشە اكىمشىلىك رايون ۇكىمەتى ۇيىمداستىرعان «2021-جىلعى جالپى حالىقتىق مەملەكەت حاۋىپسىزدىگى تاربيە كۇنىنىڭ» اشىلۋ سالتى جانە تاقىرىپتىق لەكسيا شياڭگاڭ ٴماجىلىس-كورمە ورتالىعىندا وتكىزىلدى. بيىلعى قيمىلدىڭ باستى تاقىرىبى- «مەملەكەتتىڭ حاۋىپسىزدىگىن ساقتاپ، مەكەنىمدى قورعايمىن»، مۇنداعى ماقسات-شياڭگاڭ تۇرعىندارىنا مەملەكەت حاۋىپسىزدىگىنىڭ شياڭگاڭنىڭ ۇزاق ۋاقىتتىق ورنىقتىلىعى مەن گۇلدەنۋىن، مەملەكەتتىڭ باياندى تىنىشتىعىن قورعاۋداعى ماڭىزدى ٴمانىن ۇعىندىرۋ.

    شياڭگاڭ ەرەكشە اكىمشىلىك رايون ۇكىمەتىنىڭ ٴتارتىپ ساقتاۋ اسكەري ٴبولىمىنىڭ جاتتىعۋ مەكتەبى 4-ايدىڭ 15-كۇنى سىرتقا اشىق ۇستاۋ كۇنى قيمىلىن وتكىزدى، شياڭگاڭنىڭ ٴار سالاسى دا جالپى حالىقتىق مەملەكەت حاۋىپسىزدىگىنە قاتىستى ٴماندى دە ماعىنالى قيمىلدار وتكىزىپ، مەملەكەت حاۋىپسىزدىگىن قورعاۋدىڭ ماڭىزدىلىعى مەن كوكەي تەستىلىگىن كەڭ كولەمدە ۇگىتتەدى.

    اۋمىن ەرەكشە اكىمشىلىك رايون ۇكىمەتى مەن ورتالىق حالىق ۇكىمەتىنىڭ اۋمىن ەرەكشە اكىمشىلىك رايونىنداعى بايلانىس كەڭسەسى بىرلەسىپ قۇرعان 3-كەزەكتى «جالپى حالىقتىق مەملەكەت حاۋىپسىزدىگى تاربيەسى كورمەسى» كەشە رەسمي اشىلدى.

    كورمەگە 400 دەن استام سۋرەت، 20 عا جۋىق كينو فيلىمى قويىلىپ كوپتەگەن قالا حالقىن باۋرادى. بۇدان سىرت تاعى بۇكىل اۋمىنداعى ورتا مەكتەپ وقۋشىلارىنا «مەملەكەت حاۋىپسىزدىگى جانە مەن» تاقىرىبىنداعى ماقالا جيناۋ جارىسى وتكىزىلىپ، 5000 عا جۋىق وقۋشى بەلسەنە قاتىناستى.

اۋدارعان: كۇلان ىرىسباي قىزى