كۇرەسكە تولى 100 جىل، تىڭ جورىققا اتتانۋ--پارتيا تاريحىن ۇيرەنىپ، يدەياسىن ۇعىنىپ، ناقتى ىستەر ىستەپ، جاڭا جاعداي جاراتايىق» تاقىرىبىنداعى جەلىلەس حاباردىڭ «ىسكە شىنايى كىرىسىپ، شاڭحاي پارتيا تاريحىن ۇيرەنۋ تاربيەسىن تىڭعىلىقتى ورىستەتتى
ٴوز حابارىمىز. شاڭحاي قالاسى ورتالىقتىڭ ورنالاستىرۋ، تالاپتارىن جاپپاي دايەكتىلەندىرىپ، «شىنايىلىق» پەن «ومىرشەڭدىكتى» كورنەكتىلەندىرۋگە تاباندى بولىپ، حالىق قالاسىنىڭ ماڭىزدى ۇستانىمىن قالانىڭ دامۋى مەن قىزمەتىنىڭ جان-جاعىنا ٴسىڭىرىپ، قايراتتانا العا ۇمتىلاتىن رۋحاني كۇيمەن، تىڭعىلىقتى دا ٴونىمدى قىزمەت ارەكەتىمەن پارتيا تاريحىن ۇيرەنۋ تاربيەسىنىڭ ىشكەرىلەي جۇرگىزىلۋىن، ناقتىلانۋىن ىلگەرىلەتتى. «كۇرەسكە تولى 100 جىل، تىڭ جورىققا اتتانۋ--پارتيا تاريحىن ۇيرەنىپ، يدەياسىن ۇعىنىپ، ناقتى ىستەر ىستەپ، جاڭا جاعداي جاراتايىق» تاقىرىبىنداعى جەلىلەس حاباردىڭ بۇگىن «ىسكە شىنايى كىرىسىپ، شاڭحاي پارتيا تاريحىن ۇيرەنۋ تاربيەسىن تىڭعىلىقتى ورىستەتتى» دەگەن ٴبولىمىن تىڭدايسىزدار.
شاڭحاي قالالىق پارتكوم پارتيا تاريحىن ۇيرەنۋ تاربيەسىنە ايرىقشا ٴمان بەرىپ، قالالىق پارتكومنىڭ شۋجيى لي چياڭ گرۋپپا باستىعى بولعان باسشىلىق قۇرىلىمىن قۇرىپ، ۇيرەنۋ تاربيەسىن اتقارۋ جوباسىن جاسادى. شاڭحاي قازىر زاڭ شىعارۋدى ىلگەرىلەتىپ، توڭكەرىستىك بايلىقتى قورعاۋعا دەن قويۋدا. پارتيا تاريحىن ۇيرەنۋ تاربيەسىن وراي ەتىپ، قازىرگە دەيىن بار بولعان ٴتۇرلى توڭكەرىستىك بايلىقتان 612 ورىندى جاپپاي تەكسەرىپ، توڭكەرىستىك بەلگىلەردى كۇش سالا قۇرىپ، جۇڭگو كوممۋنيستەرىنىڭ رۋحاني مەكەنىن ويداعىداي قورعادى.
پارتيا تاريحىن ۇيرەنۋ تاربيەسىندە شاڭحايداعى ٴار دارەجەلى كادرلار نەگىزگى ساتىنىڭ ٴبىرىنشى شەبىنە بارىپ تەكسەرۋ-زەرتتەۋ جۇرگىزىپ، حالىقتىڭ حال-جايىن ۇعىسىپ، ناقتى جاعدايدى يگەردى. جۇمىستانۋ، وقۋ ـ اعارتۋ، ەمدەۋ سياقتى ٴتۇيىندى سالالاردى ارقاۋ ەتىپ، حالىققا ٴتيىمدى 16 ينجەنەريانى سومدادى.
اۋدارعان: امانتاي مۇسايىپ ۇلى
