كوميتەت باستىقتارى ٴماجىلىسى مىنانى ۇسىنىس ەتتى: 13- كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 28-ٴماجىلىسى اۋىل-قىستاقتاردى كوركەيتۋدى جەبەۋ زاڭى جوباسى، ازىق-تۇلىكتى ىسىراپ ەتۋگە قارسى تۇرۋ زاڭى جوباسىن، تەڭىز قاتىناسى حاۋىپسىزدىگى زاڭىنا وزگەرىس ەنگىزۋ جوباسىن، وقۋ - اعارتۋ زاڭىنا وزگەرىس ەنگىزۋ جوباسىن، ساندى مالىمەت حاۋىپسىزدىگى زاڭى جوباسىن، جەكەلەردىڭ ينفورماتسياسىن قورعاۋ زاڭى جوباسىن، حاينان ەركىن ساۋدا پورتى زاڭى جوباسىن، باقىلاۋ-تەكسەرۋ ٴمانساپتىلارى زاڭى جوباسىن، اسكەريلەردىڭ قوعامدىق ورنىن جانە ۇقىق-مۇددەسىن قامتاماسىزداندىرۋ زاڭى جوباسىن قارايدى؛ مەملەكەتتىك حالىق قۇرىلتايى قازىنا-ەكونوميكا كوميتەتىنىڭ قاراۋعا ۇسىنعان كەسىكتى بۇيىم زاڭى جوباسىن، مەملەكەتتىك كەڭەستىڭ قاراۋعا ۇسىنعان تاسجول قاتىناس حاۋىپسىزدىگى زاڭى جوباسى قاتارلى 9 زاڭعا وزگەرىس ەنگىزۋ جوباسىن قارايدى؛ ورتالىق اسكەري ىستەر كوميتەتىنىڭ قاراۋعا ۇسىنعان «جۇڭگو حالىق ازاتتىق ارمياسىنىڭ مەملەكەتتىك حالىق قۇرىلتايى مەن اۋدان دارەجەلىدەن جوعارى جەرگىلىكتى ٴار دارەجەلى حالىق قۇرىلتايلارىنىڭ ۋاكىلدەرىن سايلاۋ ادىسىنە (وزگەرىس ەنگىزىلگەن جوبا) » جونىندەگى كەڭەس جوباسىن قارايدى؛ كوميتەت باستىقتارى ٴماجىلىسىنىڭ قاراۋعا ۇسىنعان مەملەكەتتىك حالىق قۇرىلتايى تۇراقتى كوميتەتىنىڭ ورتالىقتىڭ مەجە ەسەبىن تەكسەرۋ، باقىلاۋدى كۇشەيتۋ جونىندەگى قاۋلىسىنا وزگەرىس ەنگىزۋ جوباسى تۋرالى كەڭەس جوباسى سياقتىلاردى قارايدى.

    كوميتەت باستىقتارى ٴماجىلىسى مىنانى ۇسىنىس ەتتى: تۇراقتى كوميتەتتىڭ 28 - ٴماجىلىسى مەملەكەتتىك كەڭەستىڭ ەركىن ساۋدا سىناق رايونىندا قاتىستى زاڭدىق بەلگىلەمەلەردى ۋاقىتشا رەتتەۋگە، قولدانۋعا ۇقىق بەرۋ جونىندەگى قاۋلى جوباسىن قاراۋ جايلى كەڭەس جوباسىن قارايدى؛ مەملەكەتتىك كەڭەستىڭ «شاڭحاي سەلبەستىك ۇيىمىنا مۇشە ەلدەردىڭ بىرلەسپە اسكەري مانەۆر وتكىزۋ كەلىسىمىنىڭ تولىقتاما كەلىسىمىن» قاراپ بەكىتۋگە ۇسىنۋ جونىندەگى كەڭەس جوباسىن، «جۇڭحۋا حالىق رەسپۋبليكاسى مەن يران ٴىسلام رەسپۋبليكاسىنىڭ قىلمىستىق ىستەر ٴادىليالىق سەلبەستىگى جونىندەگى شارتى» تۋرالى كەڭەس جوباسىن، «جۇڭحۋا حالىق رەسپۋبليكاسى مەن يران ٴىسلام رەسپۋبليكاسىنىڭ ازاماتتىق ىستەر جانە ساۋدا ىستەرى ٴادىليالىق سەلبەستىگى جونىندەگى شارتىن» قاراپ بەكىتۋگە ۇسىنۋ جايلى كەڭەس جوباسىن، «استرونوميا جابدىقتارىن ورنالاستىرۋ شارتىن» قارايدى. مەملەكەتتىك كەڭەستىڭ 2020 - جىلعى ورتا جاعدايى مەن ورتانى قورعاۋ نىساناسىنىڭ ورىندالۋ احۋالى، توپىراقتىڭ لاستانۋىنان ساقتانۋ جانە ونى جونگە سالۋ زاڭىنىڭ اتقارىلۋىن تەكسەرۋ بايانداماسى مەن قاراۋ پىكىرىنىڭ احۋالى، لاستانۋدان ساقتانۋ جانە ونى جونگە سالۋدان قامال الۋ شايقاسىن زاڭ بويىنشا ويداعىداي جۇرگىزۋ قىزمەتىنىڭ احۋالى جونىندەگى باياندامانى قارايدى؛ مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميسسياسىنىڭ ٴىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن قارايدى؛ مىندەتكە تاعايىنداۋ، مىندەتىنەن قالدىرۋعا قاتىستى جوبالاردى قارايدى.

    كوميتەت باستىقتارى ماجىلىسىندە مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ياڭ جىن-ۋ تۇراقتى كوميتەتتىڭ 28-ٴماجىلىسىنىڭ كەڭەس ٴتارتىپ جوباسى مەن كۇن ٴتارتىبىن ورنالاستىرۋ جونىندە مالىمەت بەردى. مەملەكەتتىك حالىق قۇرىلتايى تۇراقتى كوميتەتىنىڭ قاتىستى ورىنباسار باس حاتشىلارى، مەملەكەتتىك حالىق قۇرىلتايىنىڭ قاتىستى ارناۋلى كوميتەتتەرىنىڭ، تۇراقتى كوميتەتتىڭ قاتىستى قىزمەت كوميتەتتەرىنىڭ جاۋاپتىلارى تۇراقتى كوميتەتتىڭ 28-رەتكى ٴماجىلىسىنىڭ كەڭەس تاقىرىبى جونىندە مالىمەت بەردى.

اۋدارعان: امانتاي مۇسايىپ ۇلى