ٴوز حابارىمىز. مەملەكەتتىك ازىق-تۇلىك حاۋىپسىزدىگى قىزمەتىندەگى وزات كوللەكتيۆتەر مەن ۇزدىك جەكەلەردى ماداقتاۋ ـ سيلاۋ تەلەۆيزور-تەلەفون ٴماجىلىسى 4-ايدىڭ 16-كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماڭىزدى بەكىتۋ جازدى. بەكىتۋدە مىنالار اتاپ كورسەتىلدى: ازىق-تۇلىك حاۋىپسىزدىگى ٴاربىر ادامنىڭ دەنساۋلىعى مەن باس اماندىعىنا قاتىستى، حالىق تۇرمىسىنا قاتىستى ٴىرى ٴىس. سوڭعى جىلدارى جەر ـ جەر، قاتىستى تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، جۇدىرىقتاي جۇمىلىپ بىرگە يگەرىپ، بىرگە باسقارىپ، سايكەسە بىرگە جونگە سالىپ، ازىق ـ تۇلىك حاۋىپسىزدىگى جاعدايىنىڭ ۇزدىكسىز ورنىقتى بولۋىن، جاقسارۋىن ىلگەرىلەتتى. ماداقتالىپ ـ سيلانعان وزات كوللەكتيۆتەر مەن ۇزدىك جەكەلەردى قىزۋ قۇتتىقتايمىن، ازىق ـ تۇلىك حاۋىپسىزدىگى شەبىندەگى قالىڭ جولداستارعا شىنايى سالەم جولدايمىن! شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، حالىقتى بارىنەن جوعارى قويۋ، ٴومىردى بارىنەن جوعارى قويۋ تانىمىن بەرىك ورناتىپ، ازىق ـ تۇلىك حاۋىپسىزدىگى قىزمەتىن تيتتەي دە بوساڭسىتپاي ويداعىداي يگەرۋ كەرەك. ٴار دارەجەلى ازىق ـ تۇلىك حاۋىپسىزدىگى كوميتەتتەرىنىڭ ٴبىر تۇتاس جوسپارلاۋ، سايكەستىرۋ رولىن تولىق ساۋلەلەندىرىپ، ٴار جاقتىڭ جاۋاپكەرشىلىگىن ناقتىلاندىرىپ، باقىلاۋ ـ باسقارۋ مەحانيزمىن ونان ارى كەمەلدەندىرىپ، باقىلاۋ ـ باسقارۋ قابىلەتى قۇرىلىسىن كۇشەيتىپ، ٴوندىرىس، اينالىم، تۇتىنۋ وتكەلىن قاتاڭ يگەرىپ، ازىق ـ تۇلىك حاۋىپسىزدىگىنە قاتىستى زاڭعا قايشى قىلمىستاردى قاتاڭ ٴبىر جاقىلى ەتىپ، حاۋىپ ـ قاتەردەن ساقتانۋ جانە شۇعىل جاعدايعا توتەپ بەرۋ، توسىن وقيعالاردى ٴبىر جاقتى ەتۋ دەڭگەيىن جەدەل جوعارىلاتىپ، ازىق ـ تۇلىك حاۋىپسىزدىگىنە، حالىق بۇقاراسىنىڭ ازىق ـ تۇلىكتى الاڭسىز تۇتىنۋىنا شىنايى كەپىلدىك ەتىپ، جوعارى ساپالى دامۋدى جەبەۋگە، حالىق تۇرمىسىنىڭ ىرىس ـ قۇتىن ارتتىرۋعا تىڭ ۇلەس قوسۋ كەرەك.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، مەملەكەتتىك كەڭەس ازىق - تۇلىك حاۋىپسىزدىگى كوميتەتىنىڭ مەڭگەرۋشىسى حان جىڭ ماجىلىسكە قاتىناستى ٴارى ٴسوز سويلەدى. ول مىنالاردى اتاپ كورسەتتى : پارتيا ورتالىق كوميتەتى، مەملەكەتتىك كەڭەس ازىق ـ تۇلىك حاۋىپسىزدىگى قىزمەتىنە وسكەلەڭ ٴمان بەردى. باس شۋجي شي جينپيڭ «تورتتە قاتاڭ بولۋ» تالابىن العا قويىپ، پارتيا مەن ۇكىمەت بىردەي جاۋاپكەرشىلىك ارقالاۋعا، ۇستىنەن وڭاۋ مەن تۇبىرىنەن وڭاۋدى ۇشتاستىرۋعا تاباندى بولىپ، ٴبىر تۇتاس سايكەستىرۋدى كۇشەيتىپ، ٴبىر تۇتاس بەدەلدى باقىلاۋ ـ باسقارۋ ٴتۇزىلىسى مەن ٴتۇزىمىن جەدەل كەمەلدەندىرۋدى باسا دارىپتەدى. لي كىچياڭ زۇڭلي تالاي رەت ايقىن تالاپ قويدى. سوڭعى جىلداردان بەرى، ەلىمىزدىڭ ازىق ـ تۇلىك حاۋىپسىزدىگى دەڭگەيى ورنىقتى جوعارىلادى، الايدا ٴدوپ كەلگەن سىن ـ سايىستار ٴالى دە اۋىر. شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ازىق ـ تۇلىك حاۋىپسىزدىگى قىزمەتىن اناعۇرلىم جاقسى ىستەپ، حالىق بۇقاراسىنىڭ «تۇتىنۋ جاعىنداعى حاۋىپسىزدىگىن» ويداعىداي قامتاماسىز ەتۋ كەرەك.